فتنة الجزء الثالث

41

الحلقة 133
تغزر العمها عمها ساكت تحس في حد ماشي و يقرب تلفت ترا في محمود جاي و نار تشعل في عينيه ملي راها جبدت بوه من يدو حاول يلهى فتنة بحكاية و يخلط علاها يفسدلها الملعوب متاعها
مريم : انت محمود عمرك ماحببتني كنت ديما هاز خشمك عمرك ماعبرتني قلت ميسالش تو يحبني بعد العرس باقي شي و تو جاي تحاسبني على صغاري تستخايلني مانيش حاسة بذنبي انا راني ام ام
مودي : قتلي ام ثما ام تخلي صغارها و تمشي لاجتماع خدمتك اهم من صغارك
مريم هزت صبعها في وجهو: بش تقعد ديما تجبد الماضي الي انا عمري مانسيتو لكن ادفنتو بلحيا في وسطي و انت تعرف اش صار فيا قداش بكيت و مرضت على خاطر صغاري الي فقدتهم و عندك الحق تعاقبني لكن انت طيشتني على طلق ذراعك على جال الصغار ماهوش سبب.... عاقبتني اندمت شر اندم.....كنا نجمو نرجعو نبنو حياة جديدة باقي تو رانا عنا اربعة يدورو قدامك
مودي : ماعادش حاجتي بصغار منك هكا علاه طلقتك و بدلتك بللاتك و تو اقلب وجهك منا ماعادش نحب نراه مايشرفنيش تجي العرس .... ولا تعرف
قرب منها ياسر و كمل حديثو: اقعد خير تفرج نحبك تشوف بعينيك و تموت بقلبك نحبك تتعذب
دزتو بكل ماعندها من قوة
مريم : انا طيشتني علا جال الصغار و فتنة بش تاخذها على خاطر الصغار من وقتاه تلفتلها انت ولا من وقتاه تعطي قيمة للمرا تفكيرك 100 % شرقي  معروفة فتنة الرجال كل هابلين علاها منهم مهيب اول ماشافها حبها علاه زعما هذا كل علي خاطر اخلاقها و ثقافتها و لا على خاطر بدنها المغري هكا اش تحب انت مرا قمبلة متع زين و بهلولة تسمع لكلام
مودي تنرفز ماعادش فيه شاد روحو بسيف بش مايفسدش العرس و ترصيلو يأجلو قربلها بحذا وذناها   حب يغزلها : ايي هك قلت هي قمبلة متع زين و انت قردة غايرة منها تغزل بش تموت قرنيطة شايحة اما هي للاتك زين و قد
مريم : لهنا و يزي ستوب ماعادش نتحمل اهاناتك ليا انا جيت بش نودع عمي و نطلب منو سماح و نمشي و انت انستك بلقمبلة متاعك
مشات ترمات على عمها تبكي : سامحني عمي على كل شي عملتو
مختار هو بدو سخفتو مهما عملت تقعد بنت خوه الي وساه علاها عنقها و قالها : انتي ديما بنتي مهما تعمل مانجمش نتبرا منك و انتي أمانة في رقبتي قبل ما تكون بنتي برا الله يوفقك كي مالقيتش حظك في هل بر بالك كي تسافر تلقا حظك غادي
بعد عناق طويل هزت روحها مشات و عيناها بدموع
أما بنسبة المودي دوب ماهي ترمات عند بوه مشا و خلاهم عمل سيقارو بالك يبرد عصابو لكن شي مزال يغلي علاها و عل لكلام الي قلتو هو اكك يرحي في دخان جا نسيبو: وينك اشبيك مخلي مرتك وحدها نهار فرحها تو وقت دخان ديما معوج معوج في كل شي
مودي : بلاهي اختاني ماتكملش علي مابيا لنفش غضي فيك

من شيرة اخري فتنة كانت مقهورة و تبكي و منى معاها تهدي فاها
منى : شيهمك فاها ماتخوش علاها
فتنة : مانجمش مالي سمعتها قتلو الي انا بش ياخذني على خاطر صغار انا تذكرت وقتلي قالي انتي ملكي 7 اشهر و عايشة في خيري لين يتولدو صغاري و بعد تنجم تمشي وين تحب يعني ماحاجتوش بيا حاجتو بصغارو
منى : تو تجبد في حكاية قديمة تقالت في قالب غش على جال كلام اكا اللفعة المصفرة قتلك انا ماتبعوش
فتنة : وين نعرف انا بدينا نشطحو و بعد خلاني نشطح مع للا خديجة و امي حفصية  و نرا فيه جبد روحو و بعد قتلو وين ماشي قالي هاني جاي و هو متنرفز
منى : هدي روحك هذيكا جايا بش تفسد العرس ياخي محمود ماخلاهاش ماتخذش علاها عيش اختي راهي غايرة منك هيا صلى على النبي و خلي العرس يكمل على خير علاه تفسد فرحتك على جالها هيا تو يقولو الناس اشباها دخلت
مسحت دموعها و عاودت ركحت مكياجها و خرجت
جا مودي الوج علاها لين القاها مع منى
مودي : اشباها
منى : اطالون ضربها  و زيد لحبالة عاملة فاها
مودي : كان متقلقة برشا قلي راني مالي عرفت الي حبالتك صعيبة لوجتلك على طبيبة هبال بش تتلها بيك
منى : علا شبيه طبيبها من أحسن الطبة
مودي : اسكت انتي مادخلش روحك مرتي و انا حر اشكون يتلها باها
رجعو يكملو في السهرية هي مزالت متقلقة متحبش تظهر لكن ظاهر علاها يشطح معاها حاسها مش قد بعضها
مودي وشوشلها في اوذنها: اشبيهم صغاري عملين فيك هاكم قاعدين يشطحو عملين جو
بدات تتصنع في الضحكة: ايي خليهم مادام هوما فرحانين انا فرحانة
تعدات السهرية اشطيح و رديح و كان عرس عالمي رغم الأحداث الي صارت
في بلاصة اخري في ليل مريم تحضر في بقاجها بش تسافر غدوة كان قارية حسابها الي هي بعد العرس ماعاد تزيد فاها حتا دقيقة دوب ماعرفت الدات متاعو ركحت اومورها و دموعها على خدها مل كلام الي قالهولها اوجعها و زيد عرسو بفتنة قهرها هو الانسان الي حبتو هو حب الطفولة هو حب حياتها صعيب علاها تنساه هكا علاه قررت تسافر ماثماش ماتنسي انسان حياتها كل عايشة معه تعتبرو مات صعيبة ياسر