فتنة الجزء الثالث

31

الحلقة 124
الليل طاح في فيرمة دار الرايس .. الاولاد مهدودين من اللعب ... مودي يقحر لبوه من بعيد ههههههه ... حتى هوا ملا ضربة عطاهالو ههههه... سي مختار متولهي يسبل في عيونو للا خديجة لي من بعد اكا ما سيبتو لتوا هازة نفخة عليه ... و هوا باش يهبل ... عمرها لا تغشت منو ولو للحظات .. اما المرة هذي كسحت قلبها و هزت نفخة شهور ... و هذا الشي لي خلاه يلحق عليها رجليه اعلا من راسو ههه .. حد ما يقدر يخبي عين الشمس بالغربال .. و حد ما يقدر ينكر الحب الافلاطوني بين خديجة بنت المدينة و مختار الفلاح 😍... هوا عارف و متأكد انو هي عندها الحق .. لكن ما حملش انو مرتو تهجرو في جرت اكا مودي .. هذاكا عليش غزل عليه في الماتش ههههه.. و زيد غزل اكثر وقت لي شاف للا خديجة تعشق فيه بعيونها و هوا يكور ... و كل فين يتلفتلها تحقرو و تهز خشمها عليه هههه .. الحاصل البنات حظرو العشاء ... و تلمو عيلة كاملة ... الاولاد ياكلو و يمجدو ... فتنة غاطسة تاكل و مش معدلة على حد .. ههههه .. مسكينة تجوع عالاخر .. قد ما تاكل و ما تشبعش .. هزت صحتها و وجها نور و الحبالة واتتها بطريقة غير طبيعية .. محمود كل شويا يصرق منها نضرة .. يتفرج فيها .. مركز معاها عالاخر و شااااااايخ في مخو ... سيرتو كيف تاكل اكثر من طاقتها و تبدا تبلع و تغص و تنقشها خديجة بكاس ماء ههههههههه .... و مش كان مودي كان ضايع في معالم وجها و يعشق فيها ... اكا مهيب زادة كان مركز عالاخر .. يخزرلها و يتبسم و هوا قلبو باش يخرج من مكانو ... يعشق في زينها و في فيانتها و عيونو مرشوقين في صويبعاتها الصغار لي مزينين بحرقوس فيييييينو ...نظراتو كانت مستفزة لدرجة خلات عيون محمود تقدح بالنار ... يهز عيون فيه و يعطيه ڨحرة ترعب .. يغمزو ... يحرك راسو و يسألو بطريقةة باينة منرفزة عالاخر .. - معلم مضيع حاجة ؟؟ ... و اكا مهيب تبسم .. و جاوبو لكل برود دم... - كنت مضيعها و اليوما لقيتها ..كلمات زادو شعلو نار محمود اكثر و اكثر ..كملو العشاء و قعدو في الصالة الناس الكل يحكيو .. ما عدا محمود لي كل مرة يغزل على حد .. مرة على فتنة لي تقول عاملة عليه بالعاني ... لاسقة في مهيب تحكي معاه .. تتبسملو و تضحكلو .. مرة على مهيب لي لاسق لفتنة و شايخ تقول شكون يقطرلو في العسل .. و كل ما يتوجع بين ساقيه ههههه يلفت راسو لبوه و يعطيه ڨحرة ترعب ويغزل عليه من جديد هههه .. قعدة كاملة و هوا يڨحر و يتحلف بعينو في فتنة .. يتنفس بالقوي تقول تنين يخرج في النار .. يڨدم في شفتو ... و يستنا فيها باش تجي عينو في عينها و يشويها بخزرة من خزراتو ... لكن هي لا .. متجاهلتو تجاهل كليييي تقول شكون موصيها .. يغلي يغلي يغلي .. يحاول ينبها بأي حاجة باش تلم روحها و تبعد لكن شي .. و في الاخر كيف ما يلقا بيها فين يقلبها استغفار 😂😂... كيف يحس روحو اعصابو تلفت سايي و باش يمشيلهم توا توا يخلطهم في ثنين ... يلسقهم في ثنين في الحيط.. يغمض عيونو .. يقول في سرو " أهدا يا محمود .. أهدا يا محمود" .. يحل عيونو لي من كثر الغش عروقهم برزت و يقول أستغفر الله العظيم بالقوي بصوت مغلغل يخلي الناس الكل تستغرب .. ما عدا منى لي مطبسة راسها و تضحك .. خاطر و بكل بساطة هي لي قالت لفتنة تعمل هكا هههه ... - ووووه .. محمود وليدي ما شاء الله عليك .. كل ليلة تستغفر هكا !! .. ما شاء الله من لي قعدنا ما بطلتش استغفار .. - الشيخ محمود ..استغفار و إيمان ... سليم قالها و طرشق بالضحك .. و اكا مراد جاوبو من غادي .. - استغفر الله العظيم .. شكون إيمان ؟؟ ههههه بكلهم طرشقو بالضحك .. و محمود جاوب و هوا يغزل ..- لا خالتي سعاد .. الليلة برك كثرت من الاستغفار خاطر إبليس ينعلو و يخزيه قالي فلوسك ماشيا حرام في حرام يا ولد الرايس .. عندك يجي 40 محامي يخدمو و تخلص فيهم بدون اي مجهود .. يا إما طردهم ... يا إما ارتكب جريمة و خليهم يحللو خبزتهم و يخدمو على رواحهم ...سليم طرشق بالضحك و قالو - لين الخسارة يا غالي .. لين الخسارة 😂😂.. و للا سعاد شهقت فرد مرة و ضربت يدها على صدرها ..- وووووه يا وليدي جريمة ؟ -ايه خالتي قالي جرب القتل .. حاجة جديدة و ما جربتهاش قبل ... فتنة مسكينة تفجعت .. وجها حمار . و لفتت عيونها طول لمنى .. و محمود حط ساق على ساق .. عطاها غمزة من اكا العيون لي ااااااااااااه .. ما نقدر نقول عليهم كان عيون رجل شرقي الرجول تخلقت ليه هوا و كمل كلامو ..- ما تتفجعش عاد مادموازال فتنة .. نفدلكو رانا .. تبسم شرب القهوة و كمل كلمتو .. و ماتدريش على الدنيا .. اذا لقيت حد يستاهل وراس اولادي لا نرشفهالو و خطييتو في رقبت لي كان سبب ... و اكا فتنة عاااد .. وووووه ... فين تلقاووها مسكينة .. وجها مشا الوان و جا الوان .. بدات تتغصور .. قامت من جنب مهيب و لسقت لحفصية .... خوافة زايد هههه ... دنكست راسها و بدات تشبك في يديها من التوتر و الخوف هههههه ...تفاااااااااااااااعل ...حلقات النهاية على الابواب
تفاااااعل على كل الحلقات .. قلت كووووول الحلقات 😠😠و في اللحظة هذي لجين تفيق و تهد عليهم في الصالة .. . عاثت فساد في الحمام ووروحت مهددة فاقت كان توا .. دخلت تجري حفيانة لابسة كولون روز مصور فيها باربي .. اااعععع .. شعيرات صفر بوكلي ... خديدات حمر ... عوينات كلهم براءة يقهرو ... تجري بأقسى سرعتها و طبعا اتجاها مودي 😍... اااااااعععععع ... الفرصة جات ليديك ... لازم تنتقم يا مودي .. تبسم ببلادة ... صفق وحل ذراعاتو يا حلييييبيلي .. 😣😣... ذراعات يشوو يا مودي يشوو القلب من داخل من داخل ..- أهيا حبي جات ... اهيا نور عيوني .. اهيا الرويحة جات ..وواكا لجين في لمح البصر كانت في حضنو ..هزها في حجرو و بدا يمروش فيها بالبوس ..- صحة الحمام لقطوستي .. صحة الحمام لقلب مودي .. هات هات نشم الجال دوش هات .. و اكا لجين مطاوعتو هههه .. هزت راسها و قربتلو رقبتها .. - سم مودي سم .. جال بالفلاز (بالفراز ) .. - ااااه .. مدام بالفراز لازم نڨدم طرف .. اكا لجين تتضيح و محمود تقول عام بالعاني .. يمسح على شعرها و كرشها .. و يبوس في رقبتها و اكا فتنة باش تهبل ... هههه .. جنت و سخنت مسكينة عالاخر .. وجها حمار ... ههههههه .. ركزت معاهم عالاخر .. عيونها طلعت ... و بالغزول راحت تاكل في ضوافرها .. تمنات انها هي لي تكون فوق حجرو و يعمل فيها كل شي مش لجين هههه .. و اكا لجين ما قصرتش .. تبسمت ببلادة. . ڨحرت لفتنة .. و قالت لمودي ..- مودي سوف الحوكوس (شوف الحرقوس ) .. سوف (شوف) انا محلاني ... سوف مزيني ... و اكا محمود زاد شااااااخ .. يضحك و كل ضحكة خارجة من جوارح القلب .. بالعمل من قوة الضحك كرشو وجعتو ... قاشع راسو لفوق .. مغمض عيونو الكحل الصغار .. و مش قادر يرد حتى النفس من الضحك ههههه .. مش مصدق لي يرا فيه .. مش مصدق يا ناس ... بااااااهت من كمية الحقد و الغل لي بين لجين و فتنة .. 😂😂.... ههههه ...ايييييه .. ما تتصدمووووش .. لجين و فتنة يڨحرو لبعضهم و عيونهم تڨدح بالنار هههههه ... كان يسيبهم على بعضهم الا ما يقتلو بعضهم ..بالنسبة للجين محمود ملكية خاصة مستحيل حد يقربها .. هوا بوها و دنيتها الكل .. و بنسبة لفتنة محمود هوا حبيبها و روحها هههههه ... و تغيييييير عليه .. الوحم عامل بيها لدرجت انها وصلت تغير من لجين !!... تغزل منها كيفاه راكشة عندو و معنقتو ... و لجين عدا شااااايخة .. مقرنصة في حجر مودي .. غارسة راسها في رقبتو .. تتبسم في بسمة النصر ... و لافة يديها على صدرو العريض بكل قوتها ... اااااععع .. مابنها .. مابنها .. مستحيل يراها حد و يمروشهاش بالبوس ..و مودي عادا استغل الفرصة شر إستغلال .. يحب يحرق قلب فتنة .. مش هي لي بدت بنار الغيرة ؟؟ .. مش هي لي أعلنت الحرب عليه ؟؟ ... ايه .. كيف ما يجيبهاش لعندو ما يتسماش مودي .. كيف ما تجيهوش برضاها و تسلملو برضاها ما يتسماش مودي.. هههههه ..قاللها " انت احلى و ابن بنوتة في العالم .. انت بنوتي انا" #ريما💋