فتنة الجزء الثالث

10

الحلقة 103 💎💎:
hadha etafa3ol ?????
- صحة ... صحة و فرحة لبنوتي .. شبعك اكا الكريشة ؟؟ فتنة تبسمت ببرآءة و جاوبتها ..-والله وكان ما كليتوش راني هبلت .. شتهيتو عالاخر .. - ايه صحة لبنوتي.. ايجا توا اقعد معانا اللوطا ... ونسنا في الكوجينة .. فتنة ضيقت عيونها بإستغراب .. - كي .. كي .. كيفاه !!! .. محمود !! .. نقصد هوا وينو توا ... جاوبتها بكل برود .. - روح .. رجع لتونس ... تفجعت مسكينة .. - كي .. كي .. كيفاه روح خالتي ؟؟ ضيقت عيونها و باقي تجاوب ببرود .. - مش قلت طردو ؟؟ .. هوكا روح وحدو ... فتنة حست بوجيعة مسكينة .. قلبت شفايفها و غصت البكا ضهرت على صوتها .. صوتها يسخف والله هههه .. - اما .. اما .. مارنيش .. ما عرفش بيا راهو .. - توا مش قلت ما نحبوش يراني ؟؟؟ حست بفشلة مسكينة .. تحكي و تشبك في يديها .. - ايه .. اما انا حبلة .. حفصية شدت الضحكة بالسيف .. - ايه مش مشكل .. توا كيف تولد نجيبو يرا صغارو ..انت ماعندو ليش يرا فيك .. حكاية و قصيناها .. - خالتي !!! ... - اكهو .. كل شي بالمكتوب .. هوا صحيح غلط .. و انت ماسمحتش ... و احنا احترمنا رأيك ... لكن هوا ولدي قطعة مني .. مانرضاش نراه حزين هكا .. قربت منها .. عملت روحها تحكي بشويا باش حد ما يسمعهم ... تنهدت و تكلمت بأسف كبيييير .. يقوا عليك ربي يا حفصية كيف تبدا تمثل ..😈😈😈- خديجة قتلي راهي اكا اللفعة مريم في غيابك انت ما خلت ما عملت .. رجعت تقربتلو و قتلو اعطيني فرصة اخرا ولا نقتل روحي .. فتنة حالت عيونها من الصدمة .. و حفصية كملت في تمثيليتها .. هزت راسها لفوق و لتحت و تكلمت بتأسف كبير .. - ايه .. هذاكا حال لي تسلم في راجلها لغيرها .. تنهدت و كملت كلامها .. طار الراجل طاااااار ... و فتنة .. ااااااااععععع ... صوت بكاها عبا الفيلا .. تبكي بالشهقة .. - لا لا لا .. هوا يحبني انا .. البارح قلي نعشقك .. ضيقت عيونها حفصية و سألتها .. - و انت البارح مشيتلو ؟؟؟ .. فتنة تحمصت قامت متحزمة لحفصية .. حطت يدها في حزامها و تحكي ...تحب تفهمها انو محمود ليها هيا .. - ايه .. مشيتلو .. راجلي .. راجلي انا .. راجل فتنة .. و فتنة مرتو و حبلة منو .. مشيتلو و قتلو نحبك و هوا قلي نعشقك .. رخت شفايفها .. اما من تحت النوم قالها .. حفصية ضحكت .. - ووووه .. يا بوهاليا هذاكا اكيد يستخايلك مريم .. مرتو لولة .. يا بنتي الراجل طاااااار .. طاااااار ..هههههقالت اكا الكلمتين لي هبطو على فتنة كيف السم و خرجت و خلتها تتغبن وحدها .. و هذا المطلوب هههههههه ...تعدا اكا النهار خف لف ... فتنة فرغت هم قلبها في البكا لين داخت و رقدت .. مودي عمل جولة في الفيرمة .. الناس الكل فرحو بيه .. و كيف عادتهم الفلاحة الكل تلمو بيه .. شكاوولو همومهم و هوا سمعهم و عاونهم فيها بالوقت ...عدا معاهم نهار عسل .. و توا هوا مروح باش يركش بحذا حفصية .. لازم يفرك الرمانة و يحكيو في كل شي .. من اول ما دخل من الباب عرضتو ريحة بنييييينة .. و يلقا اكا الطاولة منصوبة في الهول لي في المدخل .. و أمهاتو الاثنين قاعدين يستناو فيه ... و مش كان هوما يستناو ...تسانا فيه زادة ملوخية بنييييينة ... محمود يكره اكا الأكلات متعين التزعبين .. و يموووت في الماكلة العربي ... تبسم خاطر عارفها طايبة ليه هوا .. و بدون مقدمات قعد على الطاولة ... صفن يديه الاثنين .. و غطس في الصحن لي قدامو .. ياكل بطريقة تشهيك باش تاكل ... ڨدمت الخبز متاعو كبيرة .. ياكل و مركز عالاخر مع الصحن .. ياكل و يشكر و يمجد و كل شويا يقلهم زيدوني طرف لحم .. تي كلا يجي 5 لتوا .. فتنة فاقت دايخة .. مرهوجة من النوم .. وفادة عالاخر ... تغسلت بالسيف باش تفيق شويا .. مطيقرة و مش طايقة حتى روحها ... تحس في لبستها مش مرتاحة .. بدلت و لبست روبة متع دار قطن ميني روز بيبي 😍😍😘 .. روبة واسعة شويا متع نساء حبالة .. مرسوم عليها بيبي صغرون ..و مكتوب فيها.. baby loading... شدت شعرها بعصب queue de cheval ... و عملت فوقو بابيون ساتان على لون الروب ... و لبست صباط صغيرون متع دار ... بكلو فورير نوار ... ما هذا.. ما هذا !! ... اووووووه .. اول مرا حبلة تكون بالزين هذا .. sexyyyyyyyy ... صاروخ ارض جو ..لون الروب زاد جهر لون بشرتها البيضة .. عيونها الڨري ذابليييين اما تذبيلتهم تقهر ... شعرها الارطب واصل لدريارها ... خديداتها مغصورين حمر ... فخاذها الكل على برا ... هبطت تترهوج .. تمشي دبة دبة.. لافة يدياتها على كريشتها .. اي حد يراها يفهم انها حبلة .. هبطت الجزء لول من الدروج .. دارت و وقفت في اول الجزء الثاني .. بطريقة انو الطاولة لي قاعد فيها محمود مقابلتها و محمود مقابلها ... هوا غاطس ياكل مش منتبه ... و هي تفرك في عويناتها المغمضين بصويبعاتها ... ماراتوش و مشا لبالها انو روح ...تكلمت بصوت رقيق ... - امي خديجة شنيا هالريحة البنينة ... اعطيني ناكل .. انا و البيبي جيعانين .. تصدااااااااااااااااام ... للحضة الدنيا و الوقت حبس ... محمود يبس في مكانو ... شادد ڨدمت الخبز في يدو لا عرف ياكلها و لا عرف يرجعها ..# ريما 💋💋..
قلبو يضرب في الالف .. صوتها والله صووووووتها .. هز راسو مش مصدق لي سمعو .. راها .. هي .. فتنة .. فتنتو .. عشقو و غرامو .. والله هي ... بدا يتنفس بزربة .. دمو غلا و بدنو تكبس .. هبط عينو شويا ..لمح كريشة مكعبرة صغرونة .. اما باينة .. فوقها روبت نساء حبالة .. و كلمتها لتوا تتعاود في وذنو .. " انا و البيبي جيعانين" ... و هي كيف سمعت الحس بات استغربت .. حلت عيونها و لنا كانت الصدمة .. محمود قاعد على الكرسي لي مقابلها ..راشق عيونو فيها ... و عيونو تڨدح بالنار ... من غير ما يحس وقف بنطرة شعرة لا يقلب الطاولة .. طلع الدروج في خطوتين .. و في لمح البصر كان واقف قدامها ... و عيونو مرشوقين في وجها مش مصدق انها قدامو .. صوت نهيجو يتسمع و سخانت النفس متاعو في وجها ...ثبت فيها بعيون اللطف ترعب .. و بعدين هبط عيونو رشقهم في كرشها .. من الفجعة حست بدوخة.. لفت يديها تخبي بيهم في البيبي .. هذي اخر حاجة كانت تتوقعها ... حست روحها بدنها باش يرخ و تطيح .. و أوووووب ... يديه في لحضة حاوطوها ... اما حاوطها بلمسة قاصية مش حنينة .. كبس على يديها الاثنين بغل كبير .. شعرة لا يكسرلها يدياتها .. بدا يرج فيها ... ينزل على سنيه و يحكي بصوت يفجع .. - اش تعمل هوني .. اش تعمل هوني .. حفصية و خديجة زربو باش يفكوها من إيدو .. اما لا .. محمود هايج توا .. و حد ما يقدر يفكها من بين يديه كان ملك الموت .. تلفتلهم بخزرة اللطف ... و صاح بالقوي .. - حد ما يدخل .. عاود تلفتلها بعيون نضرتهم بركان و وجه معالمو ماتدل كان على درجت غضب محمود في اللحظة هذي.... # ريما .. والله انا كيف ريت 1200 جام على اخر حلقة .. قلت باش نلقا تفاعل .. لكن يا خيبت المسعا .. فشلتوني 😣..