فتنة الجزء الثالث

16

الحلقة 109 💎💎
نحب تفاعل حبيباتي على كل حلقة 😍😍مسكينة من قوة كلامو حست بدنها رخ بيها.. شفارها زادو تكبسو و تسكرو اكثر بدون إذن .. كأنهم يرفضو في هل الواقع الصعيب ... شفايفها يرعشو من الخوف ... كبست بيديها الصغرونين في ذراعاتو القوا باش تتعمد عليه .. بدنها بالحق ضعيف و تاعب .. و بكلامو توا هوا زاد هدو ..دموعها باقي سايلين .. سكرت شفايفها شويا و بعدين نطقت بصوت موجوع و مجرح بطريقة غرييييبة باااارشا .. - ش ..ش... شتقصد ... شتهزلي ولدي محمود 😣 ..و هوا .. هوا مسكين قلبو تشوى ..من جيهة تشوى منها .. من جيها تشوى عليها .. و من جيهة تشوى على صغيرو .. خايف... خايف و هي مش فاهمة خافو ... خايف لاتهرب من جديد و تخليه .. خايف لا تمشي لآكا الكلب زياد و تحرقلو قلبو بفراق جديد ... حاسس بيها ... حاسس بوجيعتها و بضعفها .. حل عيونو شويا يثبت فيها .. برغم من انوثتها و درجة فتنتها لكن اول مرة يحس انها بالحق صغرونة .. و لاول مرة جا في بالو عمرها الصغير .. 19 سنة .. مازالت في مقتبل العمر ... صغيرة و مش حمل الكلام لي قالو .. لكن الله غالب .. هي لي لزتو .. و كلمتو مستحيل يتراجع فيها لو على قطع رقبتو .. قوى روحو .. قرب منها اكثر .. حط جبينو على كتفها لي هابط فوقو شعرها .. زاد كبس على كرشها اكثر .. تنهد بحرقة و تنهيدتو حرقتلها رقبتها ... عفس على قلبو 😣.. و تكلم .. - هذا ليا يا فتنة .. تحب تمشي لزياد امشي مش باش نمنعك .. اما هذا ليا .. و طول ما هذا مغروس في وسطك انت زادة ليا .. لمدة 7 شهر انت متاعي .. زاد قرب منها و وشوشها .. لمدة 7 شهر انت ملكية خاصة على اسم محمود الرايس .. ترقد بجنبي ... تفيق قدام عيوني .. تتنفس من هوايا .. تاكل من صحني .. تدوش معايا .. تتصرف حسب كلام.. وبعد 7 شهر هاذم .. ربي معاك .. خليلي ولدي و برا لصاحبك لي نادمة على فراقو .. قال اكا الكلمات بالروح الصفرة و خرج لبرة يرد في النفس .. ينهج نهيج ...عمرو ما كان قاسي بالشكل هذا مع حد ... و فتنة مسكينة طاحت فوق القاعة ترعش .. شنوا لي شيجرالك اخر يا فتنة .. تيتمت من الصغرة .. بوك نكر فيك و لوحك .. خذيت راجل عمرو 60 عام تفنن في عذابك .. جعت .. تذليت .. تعريت .. طمعو فيك الكلاب .. تقهرت .. تضلمت .. تحرمت من كل شي ..لكن صبرت ... و توا !!... توا باش يفكولك صغيرك !! .. ااااااه يا دنيا .. شنوا لي باش تعملو فيا اخر ... وقفت تكركر في ساقيها تكركير .. هالفيلا الطويلة العريضة طابقة على نفسها .. خانقتها .. مش حاملة تقعد فيها جملة ... لكن وين عندك تمشي يا مغبونة .. عندك كان الشارع .. و حتى الشارع محرم عليك .. ههههه .. كيف ما قالك هوا .. انت توا ملكية لمحمود الرايس لمدة 7 شهر .. شراك شريان .. و وقت لي يهز صغيرو شيطيشك في اقرب بوبالا ... ههههع .. اااااه يا دنيا اااه .. عليه درتي عليها و عطيتها بالقفا من جديد ... طلعت تكركر في سقيها تكركير .. ترمت فوق الفرش .. بدنها تحس فيه رزييين عالاخر .. للحضة الدنيا دارت بيها من جديد ...هههههه حكايتها فكرتني بحكاية آليس في بلاد العجائب .. كل مرة واحلة في مصيية اعضم من لي قبلها .. لكن كل مصيبة و لا المصيبة هذي .. لي قدامها هذا محمود الرايس و شكون يقدرلو ...شكون يقدر ياقفلو .. هههه .. حتى زينك مش باش يشفعلك هالمرة يا فتنة ... في الوقت هذا خديجة قررت انها لأول مرة تواجه محمود من سنين ... لاول مرة من 3 سنين باش تاقف قدامو و تناقشو ...لاول مرة باش تسترجع حقوقها كأم فيه و و تواجهو ... و لأول قررت باش تعطيه كليمتين في العضم تحبسو بيهم على الطريق لي ماشي فيه ... صحيح كلام قاسي عليه .. لكن هي شتوصلو بطريقة سلسة عالاخر .. و هذي ميزة من ميزات للا خديجة ...خرجت لقاتو تحت شجرة كبيييييرة في الجنينة ... يمشي و يجي بعصب .. يفرك في يديه و من عيونو باين كمية النار و الغش لي فيهم ... هههه .. اي حد يقدر يفهم انو معصبن و جنون الدنيا دايرة بيه .. اما حد ما يقدر يفهم انو تاعب من داخل .. و انو ناااادم على لي عملو توا .. ماعدا هي .. ماعدا الام .. الام لي مهما كان قلب ولدها غامض و كاسح تقدر و بسهولةتامة تقرا شنيا لي فيه .. و ترا شنيا في وسطو ... كبست روحها .. تبسمت اكا التبسيمة العسل .. و قربت منو بعيون كلهم دفاء و حنان .. و بصوت فيه بحة غرييييبة خلاتو يرتاح بالوقت.. - محمود الرايس عمرو ما غلط في الناس .. و عمرو ما عفس في غيرو ... محمود ولدي عمرو ما حسس حد بفقرو و بضعفو ... هز راسو مستغرب .. ضيق عيونو و جا باش يشعل فيها .. اما هالمرة لا ..هي كانت اقوى منو .. منعتو بجملة ما كانش متوقع انو يسمعها جملة ... و معاها بسمة ثابتة .. لدرجت انها جبرتو يسكت من غير ما تطلب منو .. قربت منو .. حطت عيونها العسل في وسط عيونو .. و تكلمت بصوت ضعيف اما قوي في نفس الوقت .. - كيف حبيتها لهدرجة حاول تتنازل شويا .#ريما 💋
تفااااااااااعل ... على كل حلقة .. 😠- كيف حبيتها لهدرجة حاول تتنازل شويا .. كيف انت مش طايق بعدها و فراقها .. حاول تكسبها بالسياسة ...لي قدامك مش مريم .. لي قدامك فتنة .. بنية صغيرة و ضعيفة .. لي قدامك انسانة الدهر خلاها قابلة للكسر من أبسط الاشياء .. لي قدامك حاملة قطعة منك في وسطها .. و لي قدامك هي مالكة لقلب محمود الرايس .. ما تكابرش يا محمود .. انت ما جربتش و ماحبيتش... اما هالمرة انت عشقت ... ما تكابرش و تخليها تهرب منك ... فتنة اذا مشات لزياد صدقني مش باش تمشي وحدها ... هوا حل عيونو من الصدمة .. و هي غمزتو و كملت كلامها ... - اذا مشات يا محمود باش تهز معاها قلب محمود الرايس في يدها و تحطلك في بلاصتو كومت نار مستحيل يجي نهار و تطفا .. و هوا مسكين مبهم.. يسمع فيها و مش مصدق صراحتها ... و مش عارف شنيا يجاوب .. يمكن يكون خبير في كل شي و الدنيا علمتو كل شي ...لكن هوا مازال قسم سنة اولى فراشات في مدرسة الغرام هههه .. و للا خديجة .. اااعععع .. اااااه منك يا خديجة و من تلاعبك و سلاستك مع الناس .. للا خديجة جات راجعة للفيلا .. مش محتاجة تسمع اجابتو .. من نضرت عيونو فهمت كل شي .. لكن لازم تكمل هالجملة قبل ما تمشي ... - هههههه rendez vous الشخصي شويا لي ميشيتلو فتنة و محضرتلو روحها كان مع الطبيب ... تلفتت و عطاتو غمزة متع بلادة .. كلنا متشيكين و متشوقين لل rendez vous ...اليوما البيبي عندو إيكو .... 😍😍...اااااععععععع ... و توا ما نحكيلكمش على احساس مودي هههههه ... قلبو فرفت في صدرو ... هالراجل صحيح نرفوزي اما كيف موج البحر .. في لحضة يتقلب حالو هههه .. اول ما سمع الكلمة عيونو لمعت بالفرحة .. ههههه .. نسا كل شي .. نسا لي جرا لكلو ... نسا انو جرحها ... قرب يزرب من للا خديجة .. يتبسم كيف المهبول هههه .. قلبو يرفرف .و تكلم بصوت محجرش .. - كي.. كيفاه!! .. اليوم شنشوف البيبي !! ... تحكي بجدك امي .. اليوما شنشوف ولدي ...تبسمتلو و بعدين تكلمت بتمسخير .. - هذا إذا وافقتك امو ... بعد اكا الكلام المرزي لي قلتهولها ... عوجت فمها و كملت كلامها ..- قالو ملكية على إسم محمود الرايس لمدة 7 شهر !! .. ما شبعتش من الملك يا ولد الرايس ؟؟ ... و مووودي عادا شااااااااخ في مخو .. قرب منها .. وطا صوتو شويا .. و حكا ببلادة ..- و العسل شكون يشبع منو ... هي متاعي انا .. و انا عمري ما نشبعش منها .. مشا خطوتين و عاود رجعلها ... وشوشها ببلادة .. - متاعي على طووووووول لعمر مش كان لمدة 7 شهر ... ملكية على اسم محمود الرايس طول لعمر .. مدام فتنة الرايس😍😍 ... طبع بوسة مرصوصة على جبينها.. و كمل كلامو .. - حضر روحك ... و جيب اكا اللفعة حفصية معاك .. اليوما باش نشوف ولد الرايس .. ههههه .. طلع يجري كيف المهبول .. يصف في الدروج صفان .. اعطيه يوصللها ... وقف قدام الباب ينهج .. هههههه .. وقف شويا .. ستوا روحو ... رجع محمود الصعيب ... حل الباب و دخل عليها .. ااااااااععععع ... و يا ريتو ما دخل يا ناس .. كيف القطوسة .. مقرنصة على روحها .. روبتها قصيرة من لول و زادت تشمرت .. دريارها باش تطرشق منها تالمون مكبوسة .. أفخاذها و ساقيها المزيانين مفورمين في آكا الcollant ..شعرها الطويل مفرود فوق الفرش .. للحضة بدنو تكبس .. مشهد مغري بأبعد الحدود قدامو ... مرا فاتنة بأتم معنا الكلمة راقدة قدامو ... كل قطعة من بدنها باش تنطق من الانوثة .. كل قطعة من بدنها تقلو املكني ... لكن صوت شهقتها و بكاها قالولو املك قلبي قبل ما تملك بدني ... اااععع .. جذابة يا ناس جذابة .. حتى في اتعس حالتها جذابة .. قرب منها من غير ما يشعر ... مد يدو و عداها بحنية على دخلت ال forme لي في أجنابها .. عدها على كامل جنبها بحنية غرييييبة خلات قلوبهم في ثنين تخض بقوة .. هوا حس بحاجة تكبست بين ساقيه .. و هي حست بقرصة بنييينة في كرشها .. لمستو فيها سحر بنيييييين عالاخر ... اما لااا ... ههه كبست روحها ... نطرتلو يدو من عليها .. و في لحضة نفضت روحها من الفرش وجت واقفة قدامو .. تحكي و ترعش .. - شنيا تحب مني انت توا ! .. شنيا لي ناقص و ما قلتوش ... ههههه يتبسم ببلادة .. ستوا الpull متاعو و حكا بتمقصيص .. - مش تفاهمنا و قتلك انت ملكية متاعي .. شنوا لي رقدك هوني .. النوم من توا على فرشي .. معايا .. بجنبي ... رشق عيونو في صدرها المغري لي باين منو شويا .. ڨدم شفتو برغبة ... غمزها و كمل كلمتو بصوت باح بالرغبة ... و كان لزم تحتي .. ههههههه .. و فتنة واقفة مش فاهمة شي .. شبيه هذا مجنون ... من شويا مسح بيها القاعة و توا يقلها ترقد تحتي !! .. جات باش تشعل فيه .. أما دويييييو .. هههههه .. قرب منها يزرب .. طبس .. لف يديه على ساقيها و لخرة على ضهرها ..حملها بين يديه بسياسة .. يضحك و شاااااايخ ضحك .. و توجه بيها للباب ... هي عمال تصيح و تفرفت بسقيها الحفيانين .. صغرونين في وسط اكا الcollant ..- سيبني .. سيبني .. ياخي جنيت .. يامي خديجة .. يا خاااااالتي ... هي تصيح و هوا عمال يكبس عليها بين يديه .. محملها و هابط يجري بيها ... حطها في الكرهبة من تالي و هي حفيانة هههه ... حطلها حزام الامان .. بعدلها شعرها لي قدام وجها .. باسها من خشمها الصغرووووون ... و ركب هوا من قدام يضحك شايخ .. و فتنة مسكينة مش فاهمة شي ... تلفتت تلقا بجنبها للا خديجة و حفصية راكبة من قدام .. #ريما 💋💋