فتنة الجزء الثالث

19

الحلقة 112 💎💎:
حبيباااااااتي تفااااااااعل😍😍.... حلقات نااااار🔥🔥..
- ماتعبش روحك .. توا أنا نعدي الappareil على كرشها و انت اقرا اكرون الإيكو من بعيد 😂😂😂😂.. الطبيب مسكين بهت .. مش مصدق لي سمعو .. ما فهم شي .. و اكا مودي هز الجال و بدا يعمل بيه طول على كرش فتنة .. ما شاء الله تقول طبيب توليد و عندو 10 سنين في الاختصاص .. فتنة فمها محلول طاقة من لي يعمل فيهم محمود .. و الطبيب جاتو نبزة .. وجهو حمار و خضار و صفار هههه .. و مودي ما هو معدل على حد .. حط الاباراي في كرشها .. ركز في الاكرون اي قدامو .. أما ما فهم شي .. مشا في بالو باش يحاول يقراه😂😂😂.. اما يا فرحة ما تمت .. فد و طيقر ... ضيق عيونو ..عوج فمو .. و تلفت لطبيب يحكي بيدو .. - هيا يا آخر كعبة في الفيترينة .. وريني قدوراتك وقولة كليمة ... وطا صوتو و كمل كلمتو .. حلل خبزت يا ديني .. الطبيب مسكين نفخ بفدة .. و قرب منهم .. و تكلم .. - سي محمود تقدر تعطيني الاباراي خليني نخدم خدمتي ؟؟ .. و مودي جاوبو ببلادة .. - لا .. معقد و حزار و جلطام و متأخر .. مرتي ما يلمسها حد ..و اكا الطبيب جن جنونو هه .. حس بأنو محمود نبرتو حادة ... رجع يدو في جيبو ... كبس روحو و زاد تكلم .. - باهي نقدر نقعد فوق الكرسي باش نرا !! .. - باهي كيف تقعد انت ... و انا كيفاه باش نرا !! .. ههههههه ... و لنا الطبيب بهت في محمود و صحت رقعت محمود .. و مودي عااااااادي جدا .. برد دمو ... هز حاجبو .. و كمل في بلاتو .. - مش قلتو أقوا طبيب .. و آخر طبيب؟؟ .. ايه جرب علم الطب عبر المسافة .. الطبيب شعرة لا يتجلط .. و مودي كيف العادة مكمل في الطويل .. يحكي و يضحك.. - هذا نوع طب جديد .. إخترعو محمود الرايس .. و علم الطب عبر المسافة يعني انك ترشق عينك في الاكرون من بعيد و تبدا تحكي ..غي لحضة .. لهجتو تقلبت و تكبست .. تلفت للمدير متاع الكلينيك بعيون تقدح و غمزو .. - قلو يبدا .. راهي اعصابي بدت تتوتر .. المدير تكبس و معاه زادة الطبيب .. قرب من فتنة ركز مع الإيكو .. حط يدو فوق يد محمود و نزل شويا بالاباراي على كرش فتنة .. و بعدها طوووول ضهرت حاجة صغرونة كحلة بانت في الاكرون .. حاجة صغروووووونة قد الفولة .. لكن خلقت زلزاااااااال في وسط قلب ليه سنين ميت 😣... خلقت زلزااااااال فلق قلب محمود الرايس في ثنين .. كسر الاسوار لي دايرة بيه .. و حررو من جديد .. إحساس بنيييييين خلى قلبو يحيا من جديد .. يحيا و يضرب بقوة جهدو من الفرحة .. من المشهد لي يرا فيه 😍😍... احساس خلى البسمة تترسم على شفايفو من غير ما تشاور .. و من غير أذن ... احساس قوي لدرجة انو فضحو .. لدرجة انو الطبيب لاحظ انو يد محمود ترعش .. و فهم احساسو .. تبسم و بدا يحكي ..- مدام فتنة ليها توا 10 جمعات حبلة .. انا نرا في تقدم ملحوض في حالتك مدام .. ضاهر انك ماشية على الريجيم و تاخو في دواك .. و هذا ما يمنعش انو شنعاودو التحاليل مرة أخرة .. الصغ.. و قبل ما يكمل جملتو محمود قص عليه بلهفة .. قد ما حاول يسيطر على روحو اما مش قادر .. قلبو باش يخرج من صدرو .. فرحاااااااااااااان .. طاااااااااير .. مش مصدق جملة .. دقات قلبو متسارعة .. رعشة مالية كل جسمو .. يتنفس بطريقة غير منتضمة .. يديه ترعش .. و صوتو مقطع .. اما فيه بحة غرييييييييييييبة ما فهمها حد .. بحة فرحة و لهفة و حسرة في نفس الوقت .. كبس على عيونو باش يكنترولي احساسو ... أشر بيدو للنقطة الصغرونة لي في الاكرون و تكلم ..- الصغير .. الصغير .. ها .. ها .. هاذا هوا !! .. يعني هالنقطة هذي ؟؟ ..
الطبيب تبسم و شاخ .. ههه .. هالراجل لي كان توا شاعل فيه و يقحر .. في لحضة تحول لراجل يديه و صوتو يرعشو !! .. ثبت فيه بعيونو شويا .. شاف فيهم لهفة اول مرة يراها .. لهفة بالحق يستاهل على خاطرها انو يعرف هالخبر هههه .. تبسملو و تكلم .. - والله اش باش نقلك سي محمود .. هوا صغير .. قدم شفتو ... غمزو .. وكمل كلامو .. و زادة مش صغير ههه .. محمود عقد حواجبو .. مش فاهم شي .. - شنيا هذي صغير و مش صغير .. الطبيب شد تبسيمتو .. و تكلم .. - يعني يا سي محمود .. و في لحضة اللحضة الحاسمة قبل ما يكمل الطبيب كلامو ... يحس كان شكون ترما فوقو و عنقو بالقوي .. و يسمع في صوت 3 نساء تكلمو في نفس الوقت هههههه .. - يعني يا papa .. إحنا بااااااارشا صغار .... ااااااااااااعععععععع .. لاااااااااااااااا .. وووووووه .. ههههه .. دمعة سخونة يا ناس ... دمعة سخوووووونة هبطت تحرق من عيون محمود الرايس .. دمعة من غير ما يشعر لقات طريقها على خدو .. مسحها بلهفة .. شفايفو ترعش .. لفت راسو ... يرا كان في اختو منى و مرت خوه مراد و معاهم لجين ... مرميين فوق كتافو ... معنقينو بالقويييييي .. و يصيحو و عاملين بااااااااارشا جو ... و اكا الفرخة لجين غارسة راسها في رقبتو تبوس في بالقوي ... ههههه .. و مودي .. مودي يرا فيهم و يثبت في و جوهم و ماهو فاهم شي .. عيونو كلهم دمووووع .. حس بدنو ترخف .. كلمتهم تأثييرها كبيييييير عليه .. لفت عيونو شويا يرا في حفصية قاعدة فوق الكرسي تتبسم .. ههههه .. قاعدة قعدتها الشهيرة ..شادة العكاز بين يديها .. و عيونها اكا الصغرونين و لي محوطين بالتجاعيد فيهم فرحة كبيييييييييرة ولمعة spécial عالاخر .. مازال يثبت في حفصيتو و يحاول يفهم منها هالخبر الغريب العجيب هههههه .. و يسمع في تزغريطة قوييييية .. لفت راسو يرا في للا خديجة و مرت مراد يزغرطو ورا بعضو ههههه .. و مودي حبيبي في هذا الكل باقي مش فاهم ... اما حاسس بفرحة كبيييرة .. حاسس قلبو يرعش في وسط صدرو .. و حاسس ريقو شاح .. تلفت لطبيب و تكلم بصوت ضعيييييف .. - ت .. ت ..تواما !!! ... ق.. ق.. قلي صغاري تواما .. !!اما الطبيب تبسم و عملو براسو لا ... 😣😣... حركة خلات جبين محمود يتكمش .. و قلبو يحس بخيبت امل في لحضة .. مشا لبالو للحضة ربي نضرلو و عوضو بصغارو الاثنين من جديد .. تبسم بمرارة .. صحيح فرحان .. اما كان باش يفرح اكثر .. مسكين حس بحاجة خايبة .. ميل شفتو .. تنهد .. و تكلم بصوت مجروح ..- الحمد لله .. لي يجيبو ربي كلو رزق ... و لنا اكا الطبيب حب يدكك على مودي .. ههه .. فك من يدو الاباراي .. استرجع حقوقو في الفيزيتا على فتنة 😆 .. نزل شويا على كرشها و تكلم .. - والله يا سي محمود العام صابة .. ههه . انا نرا في 3 صغار هوني ... 😨😨... ووووووه .. ههههه .... محمود من قوة الصدمة .. نسا حتى انو الطبيب هوا لي يعدي على فتنة ... عقد جبينو كأنو يحاول يستوعب .. يسمع في بااارشا حس و دنيا تقلبت لكن الحس كل شويا عمال يبعد .. كلمة فقط قاعدة ترن في وذنو توا ... انا نرا هوني في 3 صغار ... انا نرا هوني في 3 صغار 😍... انا نرا هوني في 3 صغار😍 ... حاول يفهم حاجة من الإكرون لي قدامو لكن ما فهم شي ... و من غير ما يشعر فما حاجة شدتو .. حاجة تلمع و لمعتها ضااااااهرة .. لفت عيونو بلهفة ... و لقا عيون فتنتو هي لي شتنطق... لمعة عيون فتنة هي لي جلبتو .. فتنة لي من اول ما دخلت ما هزتش عيونها من عليه .. لا همها في إيكو لا في صغير لا في طبيب و لا في حتى حد في الدنيا هذي .. همها فقط فيه هوا .. حاسة بيه اكثر من إحساسها بالصغار لي مزروعين في وسطها... عيونها اكا القري لونهم زاد فتاح و حلى اكثر و أكثر ... صحيح مدمعين .. لكن فرحتهم واااااضحة .. هزت يدياتها الصغرونين .. عدتهم على شعرو الاكحل بحنية ... و تبسمتلو تبسيمة عسسسسسسل .. تبسيمة خالاتو يتنهد من غير ما يشعر .. قرب منها شويا .. عيونو في عيونها .. شفايفو قراب من شفايفها .. يملي في عيونو منها .. شعرها الليل مفرود .. عيونها القري تضوي ضوي كيف النجوم .. شفايفها المبرومين الروز تتبسم .. خدودها الحمر مرسومين فوقهم حفر الزين .. يخزرلها وضااايع في تفاصيلها ...اول مرة يحس روحو داخل بعضو .. اول مرة مايعرفش شنيا يعمل ولا شنيا يقول .. قوتو و وهرتو كلها طاحت في الماء .. سلم مسكين .. سلم وو رجع اكا الوليد الصغرون .. ههه .. عمل حركة ضحكت فتنة .. قلب شفايفو الصغرونين .. غمض عيونو لي من شويا يقدحو بالنار ... اكا الراجل القوي رجع في حضنها وليد صغرون .. تنهد .. حط جبينو على جبينها و تكلم .. #ريما💋💋