فتنة الجزء الثالث

37

الحلقة 130💎💎
تفاااااااااعل تفااااااااعل 🔥🔥
الساعة السابعة مساءا ... هههههههه ... يمشي و يجي كيف المهبول ...يفرك في يديه .. كل شويا يخزر للمنقالة ... ااااااععععععع ... عذاااااااب ياناس عذاااااااب ... اكا العروق لي في يديه مكبوسين باش يطرشقو ... شاعراتو واقفين بالجال .... لابس سروال في الڨري الفاتح في جيوب كل شويا يحط فيهم يديه بعصب ههههههه ... شعرة لا يقطعهم ... جيلي في الڨري اقفالها في المارون ... و فيها جيوب صغار و خياطة في الأجناب مارون ... تحتها شوميز في البلون تفاااااااااتق ... مكبوسة عالاخر على بدنو .. صدرو القوي مفورم فيها .... و اكا طبلية الشكلاتة ما قال حد لحد عادا ... باش تترشق ... و مفصلة كعبة كعبة ... موكاسان في المارون ... و بارفان ريحتها تهفهف من اخر الدنيا ... كيف العادة قارن حواجبو و مش عاجبو العجب ... يمشي و يجي بزربة و كل شويا يڨحر لحفصية ... - فهمني ... فهمني وينهي ؟؟ ... فين مشات ؟؟- والله لا نعرف يا وليدي .... والله لا نعرف .. قمنا من الصبح ما لقينلهاش .... زاد ضيق عيونو بعصب .... قرب منها بزربة يحكي و يشاور بيديه ... - يعن ... ام النهار .... فهمني من الصباح غايبة و انا فين ؟؟؟ .... شبيه حد ما قلي ،؟ .. مش سألتك عليها قتلي راقدة هي و منى ما تفيقهمش ؟؟ - يا وليدي فين نعرف انا .... ماو سألتني في الصبح كيف ما لقيتهاش قلت اكيد راقدة مع منى ....و بعدين انت قصدت ربي لتونس ... و ما عاودتش كلمتني ..اااااععععع .... و اكا محمود زاد جن و هبل ... ضرب بساقو الكرسي لي قدامو و زاد علا في صوت ...- حفصية ما تجننيش ... فين مشات ؟؟ فين مشات !! .. فتنة من الصبح مش موجودة ...واعية بلي صاير ؟؟ .. - اوووووف ... ممرجو هالنسيب الجديد... طرد حفصية طردو ... مغط والله مغط .. مودي عمال و يحكي و سليم يتمقصص عليه .. طريقتو خلات محمود يزيد يبهت ... يضيق عيونو ... يحكي و ينزل على سنيه .. تسيب في طحينك سليم ؟؟ .. توا وقت ر .. مسوطك ... زاد علا في صوتو و عطاهم صويت يلعلع ...- واعين بإنو مرتي غايبة ولا لا ؟؟.- و شكون قلك مرتك ؟؟ ... انامازلت ما وافقتش عليك ... و الضاهر مش باش نوافق .. ملا همجية فيك ... لااعععع ... ههههه ... كلمات هبطو على مودي كيف الثلج... تلفت باهت يحب يعرف شنوا لي صاير .... يخزر و مش فاهم ...مختار الرايس و فتنة مع بعضهم !!!! .. اليد في اليد !!! ...مسكين قلبو رعش .... زرب بإتجاها .... ضمها لحضنو .... غرس راسو في شعرها...عدا يدو بخفة على كرشها و لخرة بخفة على ضهرها و دريارها ... كبس عليها عالاخر ... واتكلم بصوت مفجوع .. - فين كنت ... فين كنت ...اكا فتنة ما نحكيلكمش عليها ... قلبها رعش .... ريقها يبس ... ريحت مودي مخدر بالنسبة ليها ...نسات كل شي خططتلو هي و مختار ... و زادت لسقت في حضنو اكثر ... شويا وقت و مودي يرا في برشا رجال داخلين ... في يديهم باااااارشا سيكان كبار اشكال و الوان ..مش فاهم شنما .. وراهم رجال اخرين يدزو في طواول بالعجل فوقهم باااارشا حجات ... مسكين يخزر و مبهم ..... يخزر و فمو محلول طاقة عكس حفصية و مختار لي يتبسمو ببلادة ... هوا هكاكا و قرب منو سي مختار .. نحالو يدو من على فتنة ... جلدها من حضنو ... و تكلم بصوت ثابت ....- سي محمود تنجم تتفضل تستنانا في الصالة ... عنا شويا امور عائلية نحكيو فيها و بعدين نلحقو ....غمزو و كمل كلامو ببلادة ...- كيف ما تعرف امور عايلتنا ما نحكيوهاش قدام الانساب ... او بالاصح لي متقدمين باش يكونو انساب ... شد ضحكتو بالسيف .... تلفت لحفصية ... و كمل كلامو ...- حفصية قول للبنات يشوف المسيو اش يشرب ...و انت سليم ولدي برا وريلو الصالة منين .. اااااااعععععععع .. وواكا محمود مصدوووووووم ... شنوا قاعد يصير هوني ... لفت عيونو لي تقدح بالنار لفتنة ... هههع .. فتنة لي هبطت راسها و بدأت تلعب بصوابعها بربثة ... يسمع وراه في صوت توتويت .. يتلفت يلقا خديجة و حفصية و منى يضحكو بالشويا ... بو يقحرلو و كابس روحو .... و سليم جا لف يدو على كتف مودي و تكلم بتزعبين ...- شرفتنا يا خويا .. ان شاء الله تكون عرفت الدار فيسع و ما ضعتش في الطريق 😂😂 .. ضيق عيونو و كلم كلامو ..- غريبة ... العيلة فين ؟؟ .. شبيك جاي تخطب وحدك .... و اكا مودي جن و هبل ... قرب منو ... وطا في صوتو ... و بدأ يجاوب فيه و هوا ينزل على سنيه .. - عيلة كلاب حاشاك ... لا واحد فيهم يصلح ... و اكا سليم اطرشق بالضحك و جاوبو ...- تتقلي ؟؟ .. صدقني نعرفهم خويا ... ديجا ناسبت منهم و ندمت ... قرب منو و وشوشو .. - و اكبر كلب فيهم هوا ولدهم الصغير ... واحد طحان و كذاب ...قالك عندو هداف الدرجة الاولى و هوا ما يصلحش حتى البواب متع الستاد 😂😂😂#ريما💋