فتنة الجزء الثالث

21

الحلقة 114 💎💎..
تفاااااااعل حبيبااااتي .... شنشيخكم الليلة 😍😍و اكا المغبونة فتنة قلبها طااااااح .. تفجعت .. عيونها فيسع ما دمعو .. وخرت خطوتين .. و تخبات ورا خديجة و حفصية ..شدت في يديهم الاثنين بيدين ترعش .. و بدات تدور في راسها يمين يسار .. تستنجد بعيونها في منى و خديجة و حفصية .. و رموشة ترمش بزربة .. حركة عملتها شقت قلب محمود في ثنين .. لدرجة ما عندهاش ثيقة فيه ؟؟ .. لهدرجة مش مأمنتلو ؟؟ .. اول ما خافت زربت و تخبت وراهم هوما مش وراه هوا !! ... و هوا كان واقف أقرب منهم ليها .. العيلة الكلها متحامية في ضلو .. عيلة كاملة بكبيرهم بصغيرهم بكلهم يتحاماو بيه .. حتى بوه مختار الرايس .. كيف طيح بيه يلقا كان محمود .. طول عمرو كان سند ليهم و لغيرهم .. هههه و مرتو !! .. مرتو ام صغارو ما عندهاش ثيقة فيه ؟؟ .. اااااااه .. في عوض ما تشد يدو هوا .. شدت يد غيرو !! .. نسا بوه و نسا الناس الكل .. الفازة لي عملتها فتنة قتلتو و ذبحتو بالوقت .. متأكد أنها خايفة بالحق .. خاتر الانسانة لي واقفة قدامو شفافة لدرجت انو كل حركة تعملها تكون خارجة من القلب و تتحكم فيها مشاعرها فقط .. و من حركتها فهم خوفها .. تبسم بمرارة .. طبس راسو .. هرب عيونو ... و بدا يحكي .. - نتصور المكان هذا ما يرفعناش الكل .. تلفت لفتنة و غمزها بعينو .. إحنا ماشين م... و قبل ما يكمل جملتو سمع صوت ثاااااااابت تكلم .. صوت عذااااااب .. لي يسمعو يقول هذا صوت مودي ههه .. - حد ماهو خارج من هوني .. حد ..هذي الفيرمة متاعي و أنا نحكم شكون يخرج و شكون يدخل .. تلفت لمراد لي واقف وراه و كمل كلامو ...قول للعساس يسكر باب الفيلا .. و لي يخرج يسيب عليه الكلاب ههههه ... او يضربو بالهراوة على مخو الحجر المسطك فماش ما عروقو تتسرح ... ااااعععععع .. مختار الرايس يعوووود و بقوة ههههه 😍😍😍... عطاه ڨحرة ترعب مخلطة بلمعة خبث ههه .. تعدا بجنبو و ضربو بكتفو هههه .. داخل يمشي بكل وهرة .. لبستو تفاااااتتق .. سروال نوار .. بيل صوف bleu roi مزين ب موتيفات blanc فييييينو هلى شكل ثلج .. تحتو شميز خشينة bleu ciel.. و كبوط نوار كاشمير .. الرجل الستيني 😍... وهرتو و زينو ما يفرقو على مودي في شي .. فقط زايد عليه بأكا خصلات الشيب .. و اكا lunettes de vue ... دخل و قعد فوق الكانابي ...للا خديجة تبع فيه بعيونها و داخت من زينو .. وجها حماااااار ... و عيونها عمال إطلع في القلوب و تتبسم من غير ما تشعر ... و حفصية فرحت عالأخر .. و قربت شتسلم عليه .. اما اكا المنى وصلت قبلها .. ترمت في حضنو تبوس و تبكي ... - بابا .. يا روحي .. يا عقلي .. يا عيوووني . توحشتك انا .. توحشتك انا ... هههه .. تبكي و تمسح في دموعها في لبستو هه .. و هوا يسكت فيها- توا ليش البكاء .. انا قلت عرست و عملت عقلها و كبرت .. و انت لتوا تبكي ... لتوا صغرونة ..و اكا منى زادت قوات في البكاء ..و سليم حب يلطف الموقف خاطر حاسس الجو مكهرب .. - غشيتوني عيلة الرايس .. برجولية سلعة ساقاط .. النهار و طولو تبكي .. تبسم و غمزها .. مش فاهم انا بعد 9 شهر توا يولي عندي صغير يبكي .. ولا صغير و امو الصغيرة لي تبكي ههههه .. سي مختار شااااااخ .. عدا يدو بحنية على كرشها لي مزالت مش ضاهرة جملة .. و الناس الكل شهقو و تكلمو فرد وقت .. حتى من فتنة و مودي هههه ..- منى حبلة ؟؟.. ااااعععع .. اكا منى غرست راسها في صدر بوها ... حشمت .. و مختار عادا نفخ صدرو و تكلم .. - ايه بنوتي الصغرونة حبلة .. هز راسو و ڨحر لمحمود .. بنتي عاملتلي حساب و قتلي أنا أول واحد .. حتى قبل راجلها ... ثمرت فيها ربايتي .. محمود فهمو طوووووول .. و نفخ بفدة .. أعصابو من أول ما دخل بوه متشنجة .. و زيد أكثر حاجة يفد منها تلويح الكلام .. خزرلو على جنب خزرة لوم كبيييييييرة ... خزرة وصلو بيها قداش هوا مغشش منو ... الجو عمال يتكهرب ...حفصية حاولت تلقف الوضع .. تبسمت وجات شتتكلم .. و اكا محمود يڨحرلها و يعمللها بعيونو باش تسكت .. يحب يحرمو من الخبر هذا .. حفصية فهمتو و حقرتو ههه .. كبست روحها و تكلمت ...- والله يا سي مختار .. كيف ما قال الطبيب العام صابة هعهههه ... فتنة زادة حبلة ... حبلة ب 3 صغار .. عيلت الرايس عمال و تكبر ما شاء الله .. محمود جايينو 3 صغار ههههه .. ربي كريم و فضلو واسع .. اااااه .. ااااه .. اااااه يا حفصية ... كلماتك ديما كيف البلسم .. بلسم نزل على قلب مختار لي مجروح من ولدو .. مسكين قلبو ضرب ضربة وحدة من قوتها حسو شيسكت ... عيونو في لحضة تملاو بدموع الفرح ... و يديه رعشو من قوت الاحساس ..هزهم و هوما يرعشو و حطهم فوق قلبو لي باش يسكت من قوة الضرب .. حطهم فوقو و حاول يهديه باش ما يفضحوش قدامهم .. طول عمرو قدامهم مختار الرايس القوي .. لكن لا .. هالمرة دموعو خانوووووه .. دمعتين هبطو يحرقو من عيونو فضحوه .. و زادة رعشت ايديه لي الكبر بان عليهم و التجاعيد ترسمو فوقهم فضحوه ... غمض عيونو مسكين من قوة الاحساس... عيونو لي يحرقو فيه بالدموع لي في وسطهم .. بلع ريقو بالسيف ... و تكلم بصوت يرعش من الفرح .. - الحمد لله .. الحمد لله يا ربي .. انا طلبتك و انت خذيت بدعوت عبدك .. الحمد لله يا رب .. عبدك الضعيف طلب و انت لبيت دعوتو .. الحمد لله .. الحمد لله .. توا نقدر نموت و انا مطمان .. #ريما💋💋...
اااااااه ... اااااااه .. كلمات زعزعت قلوب الحضور الكل .. كلمات من شدة صفاءهم و صدقهم خلات دموع خديجة و فتنة يهبطو من غير وقت ... و خلات قلب محمود يتقبض من الكلمة الاخيرة .. كلمة يكرها لابعد الحدود .. "توا نقدر نموت" ... هوا يحب بوه .. و مستحيييييل يتقبل فراقو .. مهما كسح قلبو عليه .. اما يرجع كل مرة يحن .. صحيح بعد عليه .. لكن في الواقع هوا ما بعدش ولو حتى ل 10 دقائق .. عيونو كانت ديما على بوه .. روح قلبو ...كلمة خلات عيونو تشعل من جديد بالغش .. ينفخ بغزول و ينطق من غير ما يشعر ...- اللطف عليك .. اخر مرة نسمع هالكلمة على لسانك .. قال أكا الكلمة و خرج ينفخ و يفش في الجنينة لبرا ... و خلاهم في الفيلا وحدهم .. بكلهم دايرين بمختار لي تأثر أكثر من اللازم بالخبر .. ما عدا فتنة لي ستغلت الموقف و هربت الفوق ... تخبات في بيت حفصية و لفت يدياتها على كرشها... متأكدة أنو ضغارها هما أمانها توا ..الليل طاح و النفوس هدت شويا .. خديجة و سي مختار باقي يڨحرو لبعضهم .. و حفصية في وسطهم شادة حكم باش ما تقومش الحرب العالمية الثالثة بينهم ..منى و مرت مراد طلعو بحذا فتنة .. هداووها .. و بعدين منى عطاتها عدة الشغل 😈😈 .. جابتلها نويزاات و ستيانات و سليبات و لبسة تفااااااااتق... و جابتلها معاهم حاجة سبيسيااااااال .. مستحيل تخطر على بال حد 😈😈...جابتهم بالذمة خاطر فتنة طلبتها و وصاتها عليهم ههههه ... فتنة اعلنت من جديد الحرب يا بنات 😈😈...وو مودي هوا العدو 😆.. ههههه .. حضنت كيف البنوتة الصغرونة الكادوات المنحرفة لي جابتهم منى .. و انتبهت إنتباه كلي للنصائح الثمينة متع مرت مراد و منى .. نصائح لتربية الرجل الشرقي الماسط 😈😈.... نصائح تجيب أي راجل مصعصع للسراط المستقيم ... (ههه .. فكروني توا نقلكم عليهم بعدين في بيب وحدها 😎)... بعد ما كملو إجتماعهم المغلق .. لبسو و تزينو و هبطو للكوجينة باش يصنفو .. فتنة نافحة في تارت بالسوس باشامال ... و منى نافحة في شكشوكة محرحرة .. و بسمة باش تطيب عشاء العيلة الكل و أكييييد هوما شيعاونوها .. اما الاولاد ... مراد و سليم ههههه .. خرجو يحاولو يقنعو في محمود انو يبقا و ما يمشي لحتى بلاصة و يحكي مع بوه .. و محمود عادة و غشو و تعصبينو .. قد ما حاولو هوما يأثرو عليه و يهدولو أعصابو هههه .. ما قدروش جملة .. و العكس هوا لي صار ههه .. محمود هوا لي عداهم بتعصبينو و أخلاقو المربطة و كركتارو المعڨد .. جاووه يضحكو و شايخين .. طلعلهم العصب و الدم و السكر و الملح و كان لزم الفرينة زادة ههه ...