فتنة الجزء الثالث

6

الحلقة 99 💎💎
attachez vos ceintures 😈😈
تنهدت و رخت شفايفها .. اما لغيري ... كل حاجة كنت متمنيا نراها في عيونك ريتها اما مش ليا .. لغيري ...ريت نضرت الحب .. ريت نضرت الغيرة .. ريت الاهتمام... شفتك كيفاش تعشق فيها بعيونك .. شفتك كيفاش تطمن فيها بنضراتك .. و لي حرقني اكثر هو خوفك عليها لي انا شفتو بوضوح ... و لنا محمود بدنو الكلو تكبس و يحس في روحو تخنق ... كلام مريم ما أثرش فيه ... اما لي خنقو انو مش حابب حد يفكرو في حبو لفتنة توا .. تي هوا يشرب باش ينسا ... قرب لل porte fenêtre و عطاها بالضهر .. حط يدو في مكتوبو ... كبسهم عالأخر .. و بدا يتفرج على اكا الجنينة الصفراة .. يقدم في شفتو بعصب... تغلغل من ساسو لراسو ... بدا يحكي و ينزل على سنيه ... و حتى من نبرت صوتو تغيرت ...- اخرج مريم .. اخرج و انساني ... رجلك معادش تحطها هوني ... - لا لا لا ... لدرجة حبيتها محمود ؟- عشقتها ..كلمة خرجت من فمو بصوت صادق و مغلغل عالاخر .... كلمة قالها و تصدم بعدها في اجابتو.. تصدم كيفاش جاوب من غير ما يخمم مرتين .. يمكن غلبو الشرب و بدا يدخل بعضو .. مريم كيف فكرتو بيها و بحبو ليها ... قلبو شعل .. و نطق من غير ما يشعر ..ويمكن هاذي الصيفة الوحيدة لي تصلح في الشرب هههههههه ... يطير بالانسان لعالم الحقيقة .. و يخليه صريح مع احاسيسو و مع روحو حتى ولو لساعات معدودة ...الكلمة هذي كان وقعها كبير عليهم الاثنين .. عليه هوا لي قد ما حاول يكرها ما قدرش و عليها هي لي تصدمت من اجابتو .. عيونها تحلت فناجين و فمها طاقة .. حست بوجيعة عمرها ما حستها .. هههههه .. وشنوا لي يوجع المرا اكثر من انو الراجل لي عشقتو سنين و ربطت روحها بيه يعشق غيرها ؟ ... يعفس فيها و يسلم قلبو لغيرها .. و لي يعذب بالحق في الحكاية انو صارحها بإحساسو ... في اللحضة هذي مريم تمنت انها ماسألاتوش .. او انو هوا ماجاوبهاش .. او حتى كذب عليها .. ساعات الحقيقة تكون مرة لدرجة انو نتمناو ما نسمعوهاش بالرغم من اننا متأكدين من إنها حقيقة .. و هذا لي بالضبط لي صار مع مريم ...نتصور بكلكم وصلكم بشاعة احساسها في اللحضة هذي ... و نتصور بكلكم قلبكم وجعكم لأنكم حطيتو رواحكم في مكانها توا ... تخيلتو انو لي حبيتو قالك انا حبيت غيرك ... احساس مدمر بكل معاني الكلمة ... يعني من غير ما نوصف اكثر 😣... قدمت منو تزرب جبدتو من يدو و بدت تضرب فيه بيديها و بساقيها .. هاجت كيف الفرسة المجروحة ... تبكي و تصيح .. - -تستاهل كل لي جرا فيك يا محمود .. تستااااااهل ... اهيكا سيبتك .. اهيكا هربت و خلتك ... مشات لصاحبك .. لعشير عمرك .. عايشة و تتمعشق و رماتك كيف الك ... (الكلب )و قبل ما تكلم كلمتها محمود حط يدو على فمها و سكرو بالقوي ...عيونو تقدح بالنار ... عرق رقبتو نفر من العصب ... لسقها على الحيط .. يصيح و ينزل بيدو على فمها باش يكسرهولها .. - كملها الكلمة ... كملها تره !! ..مريم خافت .. بدت ترعش و تحاول تتملص منو .. و برغم من هذا ما سكتتش ... حافضتو و تعرف طبعو مليح .. كلو ولا رجولتو .. محمود من الرجال المسكرين .. و بالاخص في المواضيع هذي .. مايقبل حد يتعدا على عرضو .. و ما يقبل حد يحطلو راسو في الارض .. مستحيل يعاود يتلفت لفتنة من جديد اذا بالحق تأكد انها غدرتو ... وغلطت مع غيرو ... الله غالب قد ما باش يكون يعشقها مستحيل يسامح على غلطة كيف هذي .. و قد ما قرا و تفتح و عاش البرة و سافر لكن طبع الراجل الفلاح الصعيب ما فارقوش جملة .. و عمرو ما باش يفارقو .. و الطبع هذا مش غريب عليه .. طبع ورثو على بوه سي مختار .. الي من نهار لي عرس .. عمرو لا خلا مرتو تبعد عليه حتى ثانية وحدة .. يخاف عليها و يحزر عليها حتى لتوا ...و هذي كانت بالنسبة لمريم الورقة الرابحة لي لازم تلعب عليها ... - سيبني محمود ... سيبني .. هبطت دموع من عيونها .. اما المرة هذي دموع التماسيح .. حطت كفوف يديها الاثنين على خدودو كأنها تحاول تهديه .. - محمود انا قلت الحقيقة .. فتنة مع زياد .. زياد هوا لي قلي ... قلي هيا لي قتلي ايجا هزني معاك .. قلي باش نعرسو و نسافرو لبرة .. باعتك يا محمود باعتك و غدرتك .. و انا .. انا لي محرمة عشق راجل غيرك على قلبي .. حطيتك في قلبي من سنين و لا نهار خنتك وربي شهيدي و حسيبي ... 😣😣😣😣محمود مسكين تكبس بكلو ما لقا ما يقول ... رخف يدو من عليها و هي لوحت اكا الكلمتين و خرجت تجري ... عارفتو كيف البركان توا لازم تتقي شرو ... بخت سمها كيف اللفعة و خرجت و خلتو يتخبط وحدو ... اوووووووف ناقص هوا توا !!!كلمت "خلتك و مشت لصاحبك عشير عمرك " ... بقت تتعاود في وذنو ... نار .. نار شعلت فيه ... حط يديه الاثنين على راسو و كبسهم .. كأنو يحاول يضغط عليه باش ينسا هالكلمة و ينسى معاها كل كلمة و كل جملة تقالو في موضوع يخص فتنة .. اما لا مخو عمل بالعكس .. رجع فكرو بأكا النهار لي فتنة سيبتو فيه و بأدق التفاصيلو ... رجع فكرو بالطبيب وقت لي قلو "حبلة ليها شهر اما راهو الصغير طاح .. نفسيتها باينة تاعبة و بدنها فارغ و ضعيف ... يمكن هيا ما اهملت في الماكلة و يمكن انتوما ماهتميتوش بصحتها ..."قلبو وجعو و تنهد تنهيدة من عروش القلب تزلزل ... تنهد خاطرو عارف و متأكد من أنو كلام الطبيب صحيح ..و مخو هرب بيه لأكا الشهر لي عداووه مع بعضهم .. تفكر كيفاش مش قاعدة تاكل جملة .. أي حاجة يجيبوهالها تقول عليها لا و ترجعها .. و معديتها كان حوايج خفيفة .. بسكوي .. شكلاطة .. و شوية غلة .. و ساعات ما تاكل شي جملة ...#ريما 💋💋
مشا في بالو وقتها انها ماكلة الاوتيل مش عاجبتها خاطر بلحق الماكلة ما تعجبش ... و هو ما حبش يغصب عليها ... تفكر زادة كيفاش البريود لخرا ديما فاشلة و ساعات يلقاها شادة حزامها تتوجع بشويا .. و كيف يسألها تقولو لا حاجة عادية ... تفكر النهار لي داخت فيه و هوما يعومو في الغريق ... نهارتها قلبو طاح من الفجعة .. قلبو طاح كيف ترخفت بكلها بين يديه ... كانو يعومو و عاملين جو و فجأة ترخت و الماء غمها بكلها ... شعرة لا غرقت كان ما لقفهاش هو و حاوطها بيديه .. نهارتها بقا يوم كامل و هو مفجوع... وجهو أصفر ليمة .. و من يومها حرم عليها الدخول للبحر .. قلها كيف تحب تعوم هوكا البيسين مش غارق و ما تدخلو كان بحضوري انا ..تفكر زادة كيفاش تعاودت حكاية الدوخة أكثر من مرة .. و وقت لي جابلها الدوا.. تبسمت بربثة و ماحبتش تشربو ...تفكر... و تفكر .. و تفكر ... قرص على عيونو بصوابعو الأثنين بكل غل ... شويا لا يفقعهم اصل ... كيفاش ما لاحضش هذا الكل ؟ .. كيفاش ما شكش حتى لو كان شويا !! .. كل حاجة فيها تقول راني حبلة ، أفهم ... كيفاش ماحسش بروح ثالثة عايشة معاهم ؟؟؟ .. كل ليلة يبات محضنها .. كل ليلة يبات حاطط راسو على كرشها و لافف يديه على حزامها ...كيفاش ماحسش بصغيرو لي مزروع في وسطها !!! ... كيفاش احساسو خانو !!... و هوا لي كان ديما يحس على صغارو من الرمشة .. يحس بيهم اكثر من اي حاجة .. لدرجة انو الناس بكلهم بهتو في قوة تعلقو بيهم .. يقولولو كيفاش تفهم على زوز صغار من غير حتى ما ينطقو ؟؟..😣😣😣ولنا فما دمعتين خانوه ... دمعتين لقو طريقهم من تحت شفارو لي مسكرهم بقوا ... دمعتين خانو قوتو و هبطو يتجاراو على خدودو ... تعرفو علاش هبطو ؟؟.. هبطو خاطر حس إنو حتى من إحساس الأبوة خانو .. خانو و تخلا عليه .. وجهو تغصر .. بدنو الكلو تكبس من القهر .. عروق يديه القوا برزو بالعرق بالعرق ... هوا توا في أسوء حالتو .. كل شي تخلط عليه ... الدنيا غدراتو من جديد و عطاتو كف ياسر كاسح ... يحس في الدم يغلي في وسط بدنو من الغش .. و حس يديه مكبلين .. هوا توا لا حول و لا قوة .. تلفت لأكا لبيت دشدشها تدشديش ... فرغ فيها هم قلبو .. لازم يعمل هكا ولا باش يتجلط .. كل شي رماه في القاعةالفرش قلبو بكلو .. هد على الباب و كبس بونيتو .. الرومانات لي في عضلتو تنحتو نحتان ...و بكل ما فيه من قوة دخل يدو فيه ... بدنو قوي و القوة لربي العالي .. من قوة الضربة ... بونيتو دخلت في وسط الباب .. قسمتو و خلت أثرها في وسطو ... اما في المقابل يدو تجرحت .. و قطرات دمو كسو القاعة ... وجعتو صحيح .. اما وجيعت يدو مستحيل تكون في ربع وجيعة قلبو ... وجيعت قلبو قوية يااااسر ... و هو مش قادر يتحملها اكثر ...قدم بخطوات مزروبة لأكا العقد لي لبسهولها بيديه و قطعو .. كعبات الزمرد لي فيه تناطرو كل وحدة في بلاصة ... حالتو توا كيف الثور ... ينهج نهيج .. و النار لي تنهش في صدرو لساناتها تمدت حتى لنفس متاعو لي صار خارج من جواجيه سخووون يحرق حرق ... تلفت بعيون حمر كيف الجمر لأكا السواري لي في القاعة .. مشالو طاير طيران .. هزو باش يقطعو بيديه الإثنين ...لكن في لحظة بدنو تخدر ... قوتو لي قسم بيها توا باب في ثنين تلاشت و حتى هي خانتو...شادد سواري فينووووو بين يديه الزوز القوا ... عازم باش يقطعو و يقطع معاه كل لحظة عداها معاها ... لكن ما قدرش ... ريحتها لتوا فيه .. تنفسها و إجتاحت كيانو ... بريق كعبات الديامون لي لاسقين عليه فكروه بلمعت عيونها المزيانين ... هبط عيونو شويا لصدر الروب لي بكلو دنتيل و جا بين عنيه الليلة اليتيمة لي عداووها مع بعضهم ... كلالها صدرها ماكلة... رضعو بكلو ما فلت منو شي .. و اكا الراس الروز هراه ... يرضع و يتبنن تقول طفل صغير و يرضع في صدر أمو ... طفل صغير مستحق لحنانها و حبها و حنيتها عليه...صدر مغري خلاه يخرج من مخو .. و من اول ليلة ذاقو فيها ولالو إدمان ...و حلف إنو يبات كل ليلة سكران من شهدو ...سرح شويا بمخو .. و في لحظة بدنو تكهرب و تكبس من جديد تقول ضربو كورون ... تفجع .. و رما السواري في القاعة... لهدرجة تأثيرها قوي عليه ؟؟؟ لهدرجة في عز نقمتو عليها باقي يحنلها و يحن ل لياليها !!!#ريما 💋
هز ساقو باش يعفس عليه .. و يمرغ فيه سباطو .. اما مرة اخرا قطعة من بدنو خانتو ... رجلو بقات معلقة .. لاهي في القاعة .. و لاهي مطاوعتو و نحب تعفس على سواريها ... معلقة في الهوا .. عمركم ريتو انسان عاجز انو يتحكم في بدنو !!!!!... هوا يحب حاجة و بدنو يقولو لا !!!!!... معارضو بكل وقاحة !!!!صراع بين قلبو و مخو ... عقلو يقلو أعفس فيها كيف ما هي عفست فيك .. خلاتك و مشات .. بعد ما قلت لقيت لي تحس بيا و بوجيعتي... لي تفهمني و تحسني حتى في اخيب حالاتي .. عيونها القري تتعدا الحيوط متع القسوة لي انت بانيهم و توصل حتى لمحمود لحنين لي متخبي في وسطهم ... غدرتك ... و قلبو يقولو لا .. كيفاش تقدر تعفس على سواري فتنة ؟؟ ... سواري مس بدنها الحلو و فرح عيونها الذابلين !!... مش هذي المرا لي عشقتها .. مش هذي لي كنت باش تهد على خاطرها عيلة ؟... مش هذي لي عملت منها عروسة من غير لا عرس و لا صداق !! ما تضلمهاش ... انت زادة غلطت ..إيييه غلطت وقت الي مشيت و خليتها غارقة في دمها .. مهما كانت حالتك خايبة ... كان لازم تقوم بواجبك ... و ما تخليهاش .. انت غلطت يا محمود .. إقتنع بالشي هذا .. الدنيا دارت بيه ... و كل ما دور بيه اكثر تزيد تضياق اكثر و اكثر... و النفس يضياق على صدرو اكثر .. كانها جبال راسيا فوقو .. في اللحظة هذيك تهد .. محمود و قوتو تهد و وحل .. لاهو قادر يتبع عقلو .. و لا شخصيتو مخليتو ياخذ براي قلبو .. حبها ولا كيف السم البنين لي يمشي في دمو .. و شالو حركة محمود المتغطرس و القوي لي فيه... حبها مربطلو يديه .. متغلب على كبريائو و مبادئو ..و جمالها مسيطر عليه لدرجة انو فكرت بعدها تخلي قلبو يرعش من الفجعة ... ما قدرش يعفس في سواريها .. ما قدرش يعفس على حاجة تلمست بدنها الحلو ... بعد عليه خطوة بربثة... و كأنو غول قدامو و باش ياكلو .. هز الفاست متاعو .. و مفتاح كرهبتو و خرج يجري ... هالمرة وجهتو واضحة .. كيف تضيق بيك الدنيا يا ولد الرايس تلقا كان حفصية ... قد ما كبرت و قد ما بعدت و قد ما كسحت قلبك مرجوعك ليها ... مرجوعك لحضنها و لقلبها ... ركب كرهبتو و ديمارا بالقوي لين أكا البيومة ( BMW) جرحت الأرض ... يجري و يرحي في طريق الفيرمة رحيان ... معمل اول ما يوصل يترما عندها و يحط راسو على حجرها ... معمل يفيقها من النوم و يفرغلها قلبو و يبات بجنبها كيف ما كان يعمل في صغرو ... اما الغريبة انو حفصية لي كيف الدجاجة .. ترقد بكري ... الليلة كانت فايقة ...هههه هي و لللا خديجة في الكوجينا قاعدين و صوت ضحكهم معبي الفيلا .. خديجة تطيب في خبزة قطو في هالليل و حفصية تونس فيها هههههه .. مرة تضحك معاها و مرة تقلب وجها و مش عاجبها الحال ههههه ... ترجع تخرنن من جديد ... تبدا تحكي و تعوج في فمها ... - دللتها يا خديجة والله دللتها ...تلفتتلها للا خديجة تتبسم .. حطت يدها في حزامها و بدات تحكي بيدها لخرا لي شادة فيها المغرف اللوح ... - ووووووه ... المرا بين روحين و تتوحم .. كيفاش تحبني ماندلهاش ؟ووووه تي شنيا الحكاية يا لبنات ..😨😨هههههههه .. اهوكا بعثتلهم مودي هههههه ... قولو ريما خايبا 😚