فتنة الجزء الثالث

33

الحلقة 126💎💎
نياهاها.. نلقاش تفاعل ... حد ما يناديني جملة 😎الليلة تعدات تجري و النهار فيسع ما طلع .. الناس كلها تجري ووتحضر للخطبة متع حلى .. خطبة عائلية لكن لازم يحضرولها مليييح .. الاولاد عاونو قد ما يقدرو هذي مالها الا اخت سليم عشير عمرهم و في مقام اختهم .. فتنة و منى و بسمة وقفو معاها .. مشاو معاها للحجامة .. مكيجو و حضرو رواحهم و رجعو للفيرمة يستناو في اهل العريس .. العروسة جات تفتق .. البنات زادة جاو مزيانين .. لكن فتنة فتنة ... فتنة كان ملكة كيف العادة .. لابسة روب violet غامقة .. مسنترة على بدنها .. شادة شعرها كودشوفال .. روج فاتح يفتق في فمها .. نوار يعشق في عيونها زاد من لونهم اغراء .. بوست الخالة زادت ولات بارزة اكثر .. لابسة سلسلة محمود اكا لي هداهالها ..تفاااااااااتق في رقبتها .. و لابسة في ساقيها طالون فييينو في لون الروب ..داخلة و ترا في محمود لي واقف مع الرجال .. وهرة و كريزمة تعمي الانضار .. كوستيم مارون يفاااااتق تحتو شوميز بلون .. شعر واقف .. لحية مقيومة .. واقف بكل شموخ و كتافو العراص زايدينو وهرة على وهرة ...شويا وقت و العشية جات .. اهل العريس جاو .. تلمو حسب تقاليدنا و اعرافنا ... جابهية الرجال في الصالة البرانية ... و النساء في الصالة االدخلانية .. العروسة قلبها باش يطير بالفرح .. تسمع في الرجال الكل سكتو و بو العريس تكلم ...- سي مصطفى انا مش باش نطول .. حلى بنتنا و انا جيت خاطب راغب فيها ..سي مصطفى ضحك و جاوبو ..- و انا مش باش نطول .. انا عطيتك من امس مش من اليوم ...- مالا مدو يديكم نقراو الفاتحة ...و في اللحظة الصفر مهيب يتكلم ...يقس كل شي بجملة خلات محمود ينقطع تماما عن العالم الخارجي .. يحس وذنيه ترزن و تسخن و تزن من قوة وقع الكلام لي سمعو...- انا قررت نخلي الفرحة فرحتين .. تلفت لسي مختار .. سي مختار انت كبيرنا و في حضورك حد ما عندو كلمة غيرك .. انا قاصدك في طلب و نتمنى ما تردنيش ..مختار ضيق عيونو و تكلم ..- تفضل ولدي ...احنى و بقدرة الرحمان عمرنا ما نردو حد قصدنا .. اطلب و انا بقدرة ربي العالي سداد ..كلام خلا مهيب يتشجع .. و محمود ريقو ينشف و قلبو من قوة الضرب يحسو باش يسكت .. اول مرة يجرب يخاف و اول مرة الخوف يعرف لقلبو باب .. بل ريقو بكاس الماء .. يديه ترعش .. و حاسس باش تصير حاجة مشومة ..مهيب تلفت لسي مصطفى لي تبسملو كانو يشجع فيه كبس روحو .... و تكلم ..- انا اليوما باش نخلي الفرحة فرحتين .. انا جيت طالب راغب في بنت الحسب و النسب .. جيت مالباب الكبير و ناوي على شرع ربي .. ناوي نكمل نصف ديني .. سي مختار تبسم و قالو - ايه حلال ربي ما فيه عيب... شكون العروسة ؟.. قول و لي يصعب عليك يسهال علينا ..- عمي انا نحب فتنة ..كلمة خلات مراد سليم و محمود يجمدو فرد مكان #ريما💋
🔥🔥محمود يعدي يديه الاثنين لي يرعشو على وجهو بالجهد الجهيد .. كبس على وجهو بحرقة لدرجت انو زراق من قوة يدية ... عروقو الكل برزو ... حس روحو مكبل .. حس روحو مربوط ... حس و كان شكون حطو في قارورة و سكر عليه .. النفس متاعو تقطع ..بالحق تمنى الارض تنشق و تبلعو في عوض ما يطحت في هالموقف ... تمنى يموت و لا يجرا قدامو لي جرا توا ... فضيحة فضيحة .. دور عيونو يثبت .. جبهية كلها رجل... فيهم الفلاحة و فيهم رجال الاعمال و فيهم ميسوري الحال .. لكن لي يجمع بينهم هي كلمة الرجال .. و منين تطلع الكلمة تطلع الروح .. يجي 50 راجل .. كلهم يستناو في كلمت بوه .. كلهم يستناو في اجابتو .. فضيحة بكل اتم معنى الكلمة ... لو كان يوافق مختار يعني كل شي وفا .. كل شي تهد .. لو كان يقول ايه يعني ايه .. يعني فتنة لازم تعرس .. و اذا ما تعرسش تولي فضيحة .. اش قالك و اش قال عليك كلمة مختار الرايس طاحت في القاعة .. بعد كلمتو و قدرو بين الناس .. كلمتو تطيح .. الراجل لي يحكم يجي في 5000 فلاح و يمشي كلمتو على 5000 فلاح مش قادر يحكم في اهل دارو ؟؟؟؟ .. باهي و صغارو ؟؟ ...و ابار صغارو .. هي هي .. هي فتنتو و روحو و قلبو و عمرو .. هي المرا لي عشقها .. كيفاه باش يعمل اذا بوه وافق؟؟ .. وكان يكسرلو كلمتو وصت الرجال يمشي فيها ...فضيييييحة .. فضيحة .. في لحضة دار في مخو 1000 سيناريو .. مسكين لفت عيونو لسليم و لمراد ... مش عارف اش يعمل ... يسمع في صوت بعيد يقول ..- سي مختار اش قلت .. الرجال مدو يديهم للفاتحة و يستناو في كلمتك ..و لاول مرة محمود مش شدة قصاوت الموقف عيونو تخونو و تهبط منهم دمعة .. دمعة يتيمة خانتو و هبطت لكن فيسع ما ممسحها .. هوا طول عمرو راجل .. راجل في اي موقف كان راجل .. لكن اليوم الله غالب هوا تهد .. حس روحو فشل .. ما لقا ما يعمل .. بالحق الوجيعة لي ففي قلب محمود توا تهد الجبال .. و هوا انسان من لحم و دم .. تهد و تحطم في لحظة .. حس ضهرو تكسر .. حطمرافقو على ركابيه ... طبس راسو و دفنو في الارض .. محمود الرايس اليوم تكسر .. محمود الرايس هدو حبو .. هدو حبو لبوه و عشقو للمرا لي رجعتو للحياة .. طبس راسو .. غمض عيونو لا يخونوه من جديد ... و اكتفا انو يتفكرها .... كل لحضة حلوة معاها تعدات تقول شريط قدامو ... ضحكتها الحلو .. عيونها القري .. شعرها .. بدنها .. بوسة الخالة .. اول بوسة باسهالها ...اول ليلة و هي بين يديه .. نهار لي لبسها سواري .. اكا تلشهر لي عداووه مع بعضهم .. السواري لي لبسهولها .. اول ما فاق بيها حبلة .. صغارو لي في كرشها .. كل شي ..كل شي ...تعدا قدامو .. صور تقول عملو بالعاني .. حسو بضعفو و عملو بالعاني فيه .. اقل ما نقدر نقول انو محمود في الموقف هذا قلبو تفتفت طروف طروف ..مشهد كسرة و ضعف محمود خلا مختار الرايس قلبو يتقسم في ثنين .. حس بولدو ضهرو تكسر .. حس بسند العيلة تهد ... اليوما هوا شاف و بكل وضوح عشق ولدو .. اليوما هوا فهم انو روح محمود معلقة في فتنة ...اليوما قدر يشوف بشويا وضوح .. لكن زعما يعفس عليه من جديد .. - هيا عاد سي محمود ...مد يديك و خلينا نقراو الفاتحة ...محمود كيف زاد سمع الكلمةةهذي زاد كبس على وجهو اكثر .. لوكان بيدو كان يهرب توا توا لكن ما باليد حيلة .. شويا سكوت ملا المكان ... الرجال بدات تفهم انو فما حاجة غريبة .. يخزرو لبعضهم و مش فاهمين شي ... ثواني و دقائق تعدات تقول ايام .. فتنة ماكانش حالها خير منو .. من لي سمعت بطلب مهيب الدوخة دارت عليها او خلينا نقولو داخت باتم معنا الكلمة ...حفصية و خديجة و منى و بسمةو وجوهم صفارت ... كلهم واعين بخطورت الموقف .. مراد يترجى في بوه بعيونو لكن مختار مش مركز معاه جملة قد ما هوا مركز مع محمود .. وقت طويييييل ... و بعدها خرجت جملة تقول زلزال ..- مدام فتنة محمود الرايس امرها مفروغ منو .. فاتحتها مقرية على محمود و اسمها مربوط باسمو ... العرس الجمعة الجاية و اكيد كلكم .. مستدعين ... مدو يديكم و اقراو الفاتحة ... زيادة الخير ما فيها ندامة .. فاتحة بنتنا حلى على عروسها .. و فاتحة ولدي محمود على عروستو ....محمود هز راسو مش مصدق .. مرهوج لتو و مش فاهم شي .. يتبسم و مش مصدق يا نااااااس .. مد يدو بلهفة يقرا في الفاتحة و مش مصدق .. يقرا و مع كل كلمة قلبو حاسو باش يسكت .. صوت تزغريط النساء قلب الفيرمة و بالاخص بسمة منى حفصية و خديجة ...فتنة من قوة الفرحة داخت من جديد ههههههههههههههه .. طلعوها الفوق و رقدوها هههههههههه ... بالحق داخت مش مصدقة .. محمود منين كان يبارك ولاو يباركولو ههههه .. في لحضة ولا عروس و اليوما فاتحتو ... .. محمود مش مصدق لتوا .. يدور من حد لحد و يقول انا العروس هههههه .. السهرة كملت و الناس كلها روحت... بقاو كان دار الرايس ...كلهم يحكيو في لي صار و مش مصدقين ههههه .. مش مصدقين لحد ما سمعو سي مختار ينادي بصوت ثابت في حفصية .. صوت يخوف اصل..- حفصية قول لولدك يلم ساقيه و يخطب .. في يدو يومين او نرجع في كلمتي .. محمود مبهم مش فاهم شي .. حالل فمو طاقة و مش مصدق لي يسمع فيه ..و حتى وحفصية باهتة كيفو ...- كي ..كيفاه يخطب ؟؟ .. - يخطب كيف خلق ربي الكل .. يخطب حسب الاصول .. ولا نسيت الاصول حفصية ؟؟ .. - لا .اما ...- لا اما و لا والو .. قلو في يدو نهارين يجي يخطب و يخليلنا وقت نسالو عليه 😂..لوح كلامو و طلع يرقد ووخلاهم كلهم مش فاهمين شي .. و فامهم محلولة طاقة و اولهم مودي #ريما💋