فتنة الجزء الثالث

35

الحلقة 128 💎💎
تفااااااااااعل يهديكم ... الليلة باش نكتب بارشا حلقات 🔥🔥🔥🔥🔥🔥قرن حواجبو ... ضيق عيونو ... و بقا يخزرلها بإستغراب ... شبيها تجري .. شبيها تبكي .. من شنوا خايفة ؟؟ .. مش شنوا هاربة ؟؟و هي .. هي ما صدقت لربي و راتو .... من غير ما تفكر او من غير ما تخاف ... طول دورت يديها الصغرونين على ضهرو .. غرست راسها في حضنو ... و قوات في البكية .. تبكي بالشهقة ... و هوا مش فاهم شي ... مختار الرايس مش فاهم شي .. يرا فيها كان كيفاش تبكي و ترعش .... و لللحظات خاف عليها ... صوت قلبها لي يدق فوق صدرو خلا احساس بالخوف يسرا في بدنو ... و زيد اكا الكريشة لي دازة لقدام هبلتو ... اول لقاء بين مختار الرايس و بين أحفادو .. هوما توا لاسقين في بدنو ... هذوما روح ولدو محمود و لي هوما بالاصل روحو ... احساس غريب خلا مختار يلف يدو عليها ... يمسح على شعرها و يحاول يحسسها بالامان ... إحساس خلا قلبو يرعش و بالحق لاول مرة يحس انها مستحقتلو ...لاول مرة يفهم انها مالها الا بنية صغيرة و الدنيا حسب ما سمع كسرتها كيف ما حبت .. - فتنة .. شبيك... مناش خايفة .. - هوا .. هوا ... كان .. كان ورايا ... كلمات قالتهم بخوف كبيييييير ... قالت كلامها و زادت لسقت فيه أكثر ... و سي مختار هوني دخلو الخوف ... جبدلها راسها من حضنو ... حط عيونو في وسط عيونها ... و حكا بصوت ثابت عالاخر .. - شكونو .. شكون لي خايفة منو .. و هوني فتنة كيف العادة تصرفت بتبهليل ههههه ... هزت كتافها ... رمشت عيونها ... طبست راسها ... و جاوبت بشويا ... - نعرش ... ما .. ما .. ماريتوش انا ... - كيفاه ما ريتوش ..- نعرش شميت ريحتو انا .. ايجابة خلات محمود الرايس يبهت .. يضيق عيونو ... و يطرشق بالضحك من غير ما يشعر ... و يعمل قريماس متع واحد باهت ... - شميت ريحتو ؟؟؟ .. زاد ضيق عيونو و ثبت فيها لاول مرة ... عيون حمر جمر من البكاء .. خدود حمر تقول تفاح ... عيون قري يفتقو ... شفايف مفورمين .. بوسة خالة ... أشفار مبرومين ... سبحان الله .. جمال خلاب ... والله عندو الحق محمود كيف يعشقها ... و للحظات مختار تبسم ... زينها فكرو بشباب للا خديجة .. و فكرو في نفس الوقت بشبابو معاها .. و فكرو في شنوا عمل على خاطرها و شنوا عمل باش عرس بيها ... تفكر وقت بوه قلو ما تاخوهاش .. بنت عاصمة و باش اتعبنا .. اما هوا شد في الصحيح. .. يخزر و يثبت في وسط بحر لون عيونها ... و لاول مرة يحس هكا .. اول مرة يرا فتنة الحقيقية .. غرق .. غرق في وسط البرائة لي في عيونها .. غرق و حس كمية صدق و كمية وجيعة مش عاديين في عيونها ... صدق و ضعف و وجيعة ... مزيج يعرفو مليح و ياما شافو في عيون ناس ... هوا راجل عندو تجارب قد شعر الراس ... تجارب خلاتو يطلع الانسان الصادق من بين الف انسان ... هالمزيج لي راه في عيونها أجبرو انو ينطق .. اجبر مختار الرايس انو يتنهد و يتكلم بحرقة .. - شنيا عملت فيك الدنيا .. هالحزن هذا كلو منين جاك .. والله مازلت صغيرة عليه... كلمات نزلو كيف الصاقعة على فتنة ... خلاو عيونها تغرق بالدموع أكثر و أكثر ... تالمون انسانة شفافة ايجابتها وصلت لمختار الرايس بدون أي حرف و اي كلمة ... دموعها لي غرقو عيونها و الوجيعة لي بانت على ملامح وجها هوما لي جاوبوه .... و مختار كان اذكى من كل شي ... فهمها و الاهم من هذا حسها ..قرب منها ... مسخ دموعها ...و زاد سألها ...- باهي داركم فين ؟ ... امك و بوك فين ... 😣😣... سؤالات خلات فتنة تحس بالنقص و الضعف .. تحط يدها على كرشها و تهز أكتافها بفشلة و قهرة .. و تجاوب بصوت خافت و كلو شهقة ....- ما ... ما .. ما عندي حد ... ما عندي حد .. عش... عش... عشت يتيمة ... يتيمة ام ميتة ....و يتيمة بو حي ... يتيمة الدنيا و الناس زادو عفست فيها ... اااااععععععع .. كلمات خلاو قلب مختار يرعش ... يضمها لصدرو بقوة .... حس انو بوها .. انو ربي بعثها ليه ... و انو لازم يكون سندها ... هوا لي كان طول عمرو سند للغير ... عنقها و باسها بقوة ... حط شفايفو فوق جبينها ... دموعو خانوه ... حس برعشتها ... و هي هي لي كبشت بيديها في مريولو ... - باهي تحبو ؟؟ ... هزلها وجها بصبعو و كمل سؤالو ... تحب ولد الرايس .... تقبل انو يكون راجل ... ااااااهعععععع .... هههههه .... سؤال طار بيها طييييير ... خلا قلبها يرعش ... تتبسم من غير ما تحس ... و قبل ما تجاوبو يعاود يسألها .. - اذا ماعينكش فيه قلي ... انت من اليوم بنتي و انا من اليوم بوك ... ما تخاف من شي .. الدنيا لي لعبت بيك من اليوما ما تقدر تعملك شي ... انت من اليوم مقامك من مقام منى ... اذا ما عينكش فيه قول ... عدا يدو بحنية على اكا الكريشة المكعبرة و كمل كلامو ... - هذم اولادي ... من اليوما جدهم واقفلهم .. حد ما يقدر يقلقهم ... كلي ليهم .... نحب نكمل لي مازالي في الدنيا معاهم .... و انت ... مسح على شعرها .. انت زادة بنتي ... ما تخاف من شي .. تبسملها و كمل كلامو .. تعرس بولد الرايس ولا نشوفلك عريس ما خير منو ههههه؟ ... و كان تاخذ رايي أخطاك منو ... ولدي و نعرفو ... مجنون و مصعصع #ريما💋