فتنة الجزء الثالث

11

الحلقة 104💎💎
البنات باش نهبط ورا بعضه .. نحب تفاعل على كل الحلقات 😘😍😍😍و فتنة .. فتنة مفجوعة و ماهي فاهمة شي .. في لحضة هد عليها و بدا يصيح .. رعبها رعبان .. دموعها ملاو عيونها .. و عيونها نضرتهم جامدة .. تخزرلو و مش قادرة حتى ترمش شفارها ... يديها تحس فيهم يسطرو tellement كابس عليها .. وجها بكلو مغصور من الخوف .. حتى من وذنيها تغصرو لين حمارو ..و محمود صوت صياحو قلب الفيلا قلب .. خديجة تهدي فيه.. و حفصية تجبد فيها من عندو .. و هوا و لا حب يفلتها .. تقول خايف لا تعاود تهرب من جديد .. مكبش فيها بكل ما فيه من قوا .. الله غالب صحيح وجعها .. اما هوا توا هايج و خارج عن وعيو .. 😣 يمكن هذي اخيب صيفة في محمود .. غشو المبالغ فيه .. يكذب شكون يقول انو ما يخافش من محمود في غشو .. تي حتى من حفصية و بوه يقراوولو الف حساب و يتجنبوه قدر المستطاع .. العصب ينفض فيه نفضان .. بدا يحكي و ينزل على كل كلمة ... عروق رقبتو باش يطرشقو مش لعب .. - فين .. فين كنت .. جاوب ز... ...فييين كنت ... ماشيا من غير ما تتلفت وراك و عافسة في ر .. يصيح و يرج فيها بين يديه .. - فين كنت شهر كامل .. مع شكون كنت ؟؟ ... تونس قلبت سماها .. عاليها على واطيها .. انطق لا نعمل فيك سبة .. انطق .. بالرغم من صياحو الكل فتنة ما جاوبتهوش ... تي اصل صوتها هرب عليها ... و لنا هوا زاد تحمص اكثر من سكاتها .. و تحمص اكثر و اكثر من زينها ... هوا عدا شهر ما يعلم بحالو كان رب السماء العالي .. النوم محرم على جفونو .. و هي حسب ما يرا عايشة و شايخة !!! .. مش حاسة ب بعدو عليها !! ... اكيد مرتاحة مع زياد اكيييد ... و كيف تفكر زياد .. اااااععع 😣...زاد غلغل اكثر واكثر .. و زاد جن جنونو ... و صوتو صار قبب قبب...- شكونو الطحان لي مشيت معاه ... شكون لي خرجت معاه .. شكووووون .. مش راجل انا !! .. مش راجل انا مبدلتني بغيري !! ... فتنة من الفجعة مسكينة بدنها الكل يرعش ... خايفة منو عالاخر ... تخزر لحفصية و تستنجد فيها بعيونها .. و حفصية تحمصت و خافت عليها في نفس الوقت .. قدمت منو تزرب .. هههههه .. ضربتو بعكازها بالقوي على الدريار متاعو و تكلمت بعصب .. - سيب يا مكبوب السعد ... سيب الطفلة حبلة ... بين روحين .. رعبتها الصغير باش يطيح يا مكبوب .. كلمة قالتها اما وقعها على محمود كان قوي بااااارشا ... بالحق هوا توا تسكر .. و ما عاد فيه ما يتفصل ... حاسس الدم لي في عروقو يغلي...زاد كبس على فتنة اكثر... غمض عيونو حاول يكنترولي روحو .. و عاود حلهم .. اما المرة هذي وقت حلهم كانو كيف الجمر ... حمر من الغش ...تلفت لحفصية و ضيق عيونو و سألها براسو .. كأنو يقلها فاش تحكي انت ؟؟.. - ش... ش.. شكون الحبلة !!! .. صحيح سئلها .. اما ما ستناش حتى جوابها .. عاود لفت راسو لفتنة .. رشق عيونو في كريشتها .. و بدا يستوعب بالشويا في المنضر لي قدامو .... مركز معاها .. و مخو مش قادر يفهم شي .. باش يهبل .. يرا كان في كريشة مكعبرة صغرونة ... روبة متع حبالة فوقها .. و عليها كتيبة baby loading ...مسكين باقي مش مصدق او مش فاهم ... تأثير صدمة الخبر قوية عليه .. مش مصدق .. مش مصدق .. مش مصدق .. زعمة فتنة لتوا حبلة .. زعمة ولدو لتوا موجود و حي !! .. مجرد الفكرة خلت قلبو يرعش في وسط صدرو ...عاود تلفت لحفصية باش يثبت منها ... خليها تجاوبو و تبردلو نارو .. سألها بصوت فيه رعشة ..- شكون حبلة حفصية ! .. و حفصية تبسمتلو تبسيمة عسل ... و عيونها لي فيهم طيبة كبيييييرة لمعو بفرحة ... - مبروك يا بابا .. مرتك حبلة و جايك صغير على قريب .. فتنة ليها توا شهر معانا في الفيلا تتوحم .. تبسمت و كملت كلمتها .. خطفناها من الكلينيك و جبناها لهوني .. مبروك ؟؟؟؟ ... اااااااعععععععع ... يا حليييييلي ... قلبو رعش و خض و ضرب ضربتين و شويا لا يخرج من صدرو .. كلمة مبروك مرتك حبلة خلات محمود لي قبلو حجر يرعش بالوقت .. مش باش نقدر نوصف .. لكن من شدة الفرحة قلبو وجعو .. بالحق كلمت مبروك وجعتلو قربو ... تبسم من غير ما يشعر ... الغش لي كان في بدنو في لحضة طفا ... البركان لي كان هايج في لحضة هدا ... و توا لمعت الفرحة هي لي سيطرت على نضرت عيونو .. صحيح مش فاهم شنيا لي صار و لا فاهم شنوا لي جرا .. لكن هوا توا فرحان .. تلفت لحفصية و سألها من جديد .. - و زياد ! .. مش كانت معاه !!فمها تحل طاقة ... تصدمت من كلامو .. هوا لي خلاها .. هوا لي مشا .. و توا وصلت بيه يشك فيها جملة !! ... مسكينة هبطو دموعها سواقي على خدها .. غاضتها روحها.. غاضتها كيفاش وصل قلها هكا ... دمها الكل غلا و في لحضة تحولت .. هزت يديها الاثنين بكل ما فيها من قوة و دزتو في صدرو .. دزتو المرة الاولى .. الثانية ... و الثالثة ...تضرب فيه بقوت جهدها على صدرو و تبكي بالشهقة .. لحد لنا و يكفي ...وصلها لحالة هستيرية ..و في اللحضة هذي بالذات ... حفصية .. خديجة جمدو من الصدمة .. آخر حاجة كانو يتوقعوها انها فتنة هي لي تدافع على روحها قدام محمود😍.. قطوسة صغرونة تدافع على روحها قدام صيد هايج ..
انا هاني نهبط ورا بعضو .. ما نلقاش تفاعل .. حد ما عد يقلي هبط 😠😠تسأل فيا انا فين كنت !!... تسأل فيا انا فين مشيت !! .. تحكي و تدز فيه من صدرو .. - شنيا رأيك نقلبو السؤال يا ولد الرايس ... شنيا رأيك نقلبو الادوار يا أناني ... شنيا رأيك نسألك أنا فين مشيت ليلة العرس ؟ .. شنيا رأيك نسألك أنا و نقلك عليه هربت ؟ .. عليه خليتني ؟ ... خليتني مرمية في القاعة و بعدت .. مسحت دموعها بكفوف يديها و هي بكلها ترعش.... و كملت كلامها بصوت مقهور فيه شهقت بكاء 😣... - ستنيتك انا .. ستنيتك .. تعرف شني معناها ستنيتك !!! .. يومين ... هزت صويبعاتها في وجهو و عملتلو بيهم رقم 2 ... - يومين .. كل فين يدق الباب نقول هوا .. كل فين يجي حد نقول هوا .. و انت ؟؟ .. انت عفست فيا و حقرتني .. تبسمت بمرارة .. على شنيا جاي تحاسب بالله ؟؟ .. على شنيا ؟؟ .. و محمود مسكين تقول شكون ذبحو بسكينة حافية .. ترهوج من كلامها الموجوع .. قلبو خض .. هذا لي كان خايف انو يسمعو .. هذا لي كان خايف منو .. عارف روحو غالط .. خايف من لومها .. و خايف من لحضة عتابها ... تملكو احساس واحد .. و هوا الندم .. حس روحو قصر في حقها 😣..غمض عيونو بقوة .. شدلها يدياتها الصغرونين لي تضرب فيه بيهم ... شدهم بيديه الكبار و كبس عليهم .. المرة هذي كانت لمستو حنيييينة ... باسلها يديها الاثنين بوسة سخونة تحرق و جا باش يتكلم و يهديها ..اما دويييييو 😈.... فتنة متع زمان طارت .. توا فتنة جديدة 💪.. كبست روحها و تكلمت .. - شنوا لي تعمل فيه هذا !! .. توا جاي تبوس.. بعد ما خليتني في اول فرصة ؟؟ ولا توا باش يولي فيا العسل خاطر حبلة !! .. تحمص من كلامها .. نزى على سنيه و تكلم .. - فتنة .. بدت تحكي و تصيح .. - ما عندك عندي شي .. تفهم ولا لا .. تفهم ولا لا .. مش ولدك .. مش ولد .. و لنا محمود جن.. نيرانو شعلت .. عاود هد عليها من جديد .. جا باش يصيح اما تفجع .. رآها كيفاش حطت يدها على حزامها .. و ڨريماس متع وجيعة بان على على وجها ...تفجع مسكين .. رعش بكلو .. هز يديه الاثنين يحاول يهديها بيهم .. - باهي .. باهي .. أهدا شويا .. أهدا شويا ... رتح روحك ..خديجة عطاتها كاس ماء شربتو و هيا بكلها ترعش من الغش و الفجعة .. و محمود نفخ كيف التنين .. عدا يدو بتنرفيز على وجهو و على شعرو ...شويا لا يقلعو من الصعب لي يخض فيه بكلو .. تلفت لحفصية و لخديجة و تكلم بصوت قوي يزعزع ... - حد فيكم يتكلم .. حد فيكم يفهمني حاجة .. راني باش نهبل ... مش قلتو طيحت الصغير ؟؟ .. مش قلتو مشت لزياد !! ..و لنا فتنة زادت جنت .. لتوا مازال يعاود في إسم زياد !! هدت عليه من جديد .. تحذر فيه بأكا الصبع الصغيرون لي يرعش .. تحكي بعلو صوتها و تنزل على كل كلمة ... - اسمع يا محمود يا ولد الرايس .. لحد لنا و ستووووب .. ماعندكش الحق باش تحاسب حد هوني .. مفهوم ؟؟ بالكشي هوني محكمة و انت القاضي علينا ؟؟ .. تحكي و ترعش ههههه .. وجها احمر مغصوووور ... - كان فما حد هوني يستحق يتحاسب هوا انت .. محمود حالل فمو بااااااهت .. منين جابت هالجرأة هذي الكل .. منين جابت هالقوة هذي ؟؟ .. و ناسي انو قطعة منو مغروسة في وصتها .. و أكيد أكا القطعة الصغرونة باش تعديلها شويا من تنرفيز عيلة دار الرايس .. و بالاخص شويا من تعصبين محمود ولدهم ههههه ... و فتنة باقي نارها مابردتش .. تلفتت لخديجة و حفصية .. تحكي بصيغة الامر .. و تڨحر لمحمود في وسط عيونو .. - حد هوني ما يقدر يحاسبكم .. و حد هوني ما يقدر يقول حتى كلمة ... امي خديجة .. خالتي تقدرو تمشو ترقدو توا .. حفصية خزرتلها بخوف .. و فتنة هزت حاجبها بكل برود .. يعني برا أرقد و توا أنا نتصرف .. ايه يا فتنة تطور ملحوظ..ههههه .. الحق حفصية بهتت في قوة فتنة .. اما عجبتها شخصيتها الجديدة ... هي و خديجة قالو ربي يهدي سركم و طلعو و خلاووهم مع بعضهم .. و فتنة ... اااااااععععع .. فتنة حست بفخر كبييييير .. ههههه .. و اخيرا غلبت الوحش ... رجعت شعرها ورا كتفها بإفتخار كبيييير .. تقول هزت ال coupe du monde ... و هبطت تتبختر قدامو .. توجهت للطاولة .. و قعدت تتعشا .. ميتة بالجوع .. لازم تاكل توا .. تشبع اكا الكريشة ... و تشبع اكا البيبي الصغرون لي عطاها القوة باش تعمل عركة ههه .. و بعدين تكمل الجولة رقم 2 ههههه ...مووودي تجلط أصل .. شنيا عملت توا !! .. حقرتو؟؟ .. لا لا .. هذي مستحييييل يسكت عليها ... لحقها يزرب ... وقف قدامها و هي ضيقت عيونها و تكلمت بفدة .. - تفضل .. شنيا حاشتك مني .. مش قتلك معادش تلحقني؟؟و هوا .. هههههه .. مسكيييين تصداااااام .. شبيها تحكي هكا !! .. مش قادر يعمل شي معاها توا .. يديه مربطين ... كتف يديه بغزول .. ثنا ساقو .. و جاوبها بحمصة ..- للا كان ناسيا نفكرك مش مشكل .. هذي داري .. و هذي طاولتي ... و لي قاعدة فوقو كرسيا .. و لي تكل منو صحني .. و طرف اللحم لي بلعتو توا متاااااعي ..فتنة حلت عيونها هههه .. بالحق هذا صحن محمود .. هي توا في قمت الفرحة ..هي توا المنتصرة هههه .. لازم تجلطو بالدم البارد .. اصل شايخة و عاملة جو و هوا يغزل قدامها و مش قادر ينطق ههه 😈.. - ايه ... هذي دارك و هذا صحنك و هذا كرسيك و انا نستعمل فيهم .. تبسمت بخبث.. حطت يديها على خشمها سكرتو .. كأنها تشم في ريحة خايبة ... - و نستعمل في بيتك زادة ... اااه على ذكر بيتك .. ريحت دبشك منتنة ... مقلقتني .. كل ما نشمها خواطري تدور .. خرجهم عليا .. او باش نرميهم انا .. اااالععععع .. لا لا لا .. ريحت مودي بكلو منتنة ؟؟؟ .. حل فمو طاقة مسكيين