فتنة الجزء الثالث

5

الحلقة 98 💎💎:
😘😍حبيباتي من توا حلقات والله نهايتهم عسسسسسسل و قفلة غير متوقعة ... دزو أكا الجام باش نهبط ورا بعضو...😍😍يمشي و يترهوج .. يبدل في الخطوة بالسيف .. السكر غالبو و و نار الغيرة حارقتلو قلبو و مشعلة بركان في جواجيه ... ليه توا شهر محمود هكا .. نفس المنوال .. خدمة و شرب .. شرب و خدمة ... هارب من التفكير فيها .. هارب من صورتها لي مش حابة تفارق عيونو .. هارب من ذكرياتو معاها ... لون عيونها .. شفايفا .. بدنها .. صدرها .. دلالها .. هارب من هذا الكل بالروح الصفرة .. اما برغم من هذا باقي محتلة كل حاجة فيه .. من شهر ما وصل لحتى خبر عليها .. تقول الارض تشقت و بلعتها ... و هوا هابل و جانن جنونو .... قالب الدنيا قلب و باقي ما لقاهلش ... و في كل مرة يفتش فيها عليها و ما يلقاهاش يتبسم بمرارة .. و يقول يا محمود على شكون باقي تفتش ؟ ... تفتش على مرا سيبتك و هي راضية !!!... خرجتك من حياتها و مارفلها حتى جفن ؟ ... كل مرة يحاول يقنع روحو انها خانتو ... كل مرة يحاول يكرها و يكسح قلبو عليها ... على فتنتو ..لكن ماقدرش ... مرة تغلبو شخصية الراجل الشرقي المتسلط .. و يقول مدام بدلتني و مشات معا غيري ننساها و نحسب ربي لا خلقها .... و مرة قلبو العاشق هوا لي يغلبو .. قلبو لي tellement يوجعو عليها .. يجبرو انو يرخ و شخصيتو المعقدة تتهد .. و يرجع يفتش عليها من اول و جديد .. و عدا المغبون شهر كامل على الحالة هذي .. ضايع و مش فاهم روحو .. كل مرة بحالة.. شويا ينقم على روحو خاتر مازال يفكر فيها و مازالت محتلة عرش قلبو .. و شويا ينقم عليها خاطر سيبتو .. .. اصل شكون يقدر يكون قوي مع القلب و حكم القلب و وجيعة القلب ... و بالاخص بالاخص وجيعت القلب كيف يبدا غارق في العشق .. و نيران الغيرة تكوي فيه سلة سلة .. على نار هااااادية .. من يوم ما مشات حرم النوم على عيونو .. موالف يرقدها عندو.. تحتو .. و بين يديه .. يغطس في تضاريس بدنها و يحاول قد ما يقدر انو يروي روحو من عشقها .. اما ما يترواش .. اصل شكون يقدر يتروا من فتنة .. اسم على مسما .. جمال فاتن فاق جميع الحدود ... لدرجة انو ساعات كيف تبدا راقدة عندو يحسها خيال و مش حقيقة ... يحسها حورية من الجنة .. هبطت لكوكب الارض خصيصا ليه .. خصيصا لمحمود الرايس باش تملكو و تخليه يعيش من جديد .. اما توا !!! ... توا هجرتو ...توا يستنا فيه فرش هي مش فيه ... فرش بارد فارغ و خالي ... فرش موحش في قصر بااااااارد... قصر إختار انو يعيش فيه وحدو .. و يبعد على الناس الكل ... بوه ، أمو، أخوتو ، تي حتى من لجين و حفصية فضل انو يبعد عليهم ... عقلو و قلبو قالولو باش يجي نهار و يعفسو فيك كيفهم كيف غيرهم .. باش يجي نهار و فراقهم يشويك ... و لقا احسن حل انو يهرب و يبعد عليهم .. قلب محمود الرايس توا مكسر و مدشش .. توا مش حمل وجيعة جديدة و مش حمل فراق جديد .. تعب .. تعب .. تعب .. يكفيه من فارق و يكفيه ما توجع ... الوحدة أهونلو ب ياااااااسر .. و فعلا الوحدة كانتلو كيف الدواء المؤقت لحالتو ..
توا يستنا فيه فرش هي مش فيه ... فرش بارد فارغ و خالي ... فرش موحش في قصر بااااااارد... قصر إختار انو يعيش فيه وحدو .. و يبعد على الناس الكل ... بوه ، أمو، أخوتو ، تي حتى من لجين و حفصية فضل انو يبعد عليهم ... عقلو و قلبو قالولو باش يجي نهار و يعفسو فيك كيفهم كيف غيرهم .. باش يجي نهار و فراقهم يشويك ... و لقا احسن حل انو يهرب و يبعد عليهم .. قلب محمود الرايس توا مكسر و مدشش .. توا مش حمل وجيعة جديدة و مش حمل فراق جديد .. تعب .. تعب .. تعب .. يكفيه من فارق و يكفيه ما توجع ... الوحدة أهونلو ب ياااااااسر .. و فعلا الوحدة كانتلو كيف الدواء المؤقت لحالتو .. اما المشكلة انو كل ليلة يبات يصارع في نفس الفكرة .. فكرة تقتلو عرق عرق .. و تتفنن في عذابو ...و هي انو فتنة مشت لراجل غيرو .. فكرة كل ما يحل الضلام تغم عليه كيف السحابة الكحلة .. تقطع عليه النفس ..و ساعات الليل تتعدا طوييييييلة بالنسبة ليه .. كل شوية يتخيلها تنين تحت راجل غيرو .. كل شوي يتخيل انو بدنها توا ملكو راجل غيرو و جزء منو مغروس فيها ..فكرة تخليه كل ليلة يهيج كيف موج البحر و يدخل بعضو ... يخاف و الفجعة تتمكن من كل جزء في بدنو ... ههههه .. فكرة تخليه بالوقت يهز مفتاحو و يخرج يجري هارب منها ... يطلع في كرهبتو ... و بإتجاه اول بار يعرضو يشرب لين ينسا .. و بعدها يروح يترما في الفرش .. يحضن السواري متاعها لي لتوا عندو .. يدحنس عليه .. يعدي شفايفو فوق منو بحنية ... يشم ريحتها البنينة لي لتوا فيه .. يتبسم كيف ريحتها تدخل لوسط صدرو و يحس انها لتوا معاه .... يغمض عيونو و هوا يتخيل فيها ... و بعدها يرقد ما يحس بشي ...و الليلة كيف كل ليلة .. قتل روحو بالخدمة .. شرب لين داخ .. و توجه لقصر الحزن .. ايه هذا ما يكون كان قصر حزن .. قصر تقدرو تقولو من افخم القصور اما يا خسارة .. محتلة جدرانو ابشع الذكريات ... دخل يمشي و يترهوج ... وجهو مغصور و احمر من كثر الشرب ... اما حتى في اتعس حالاتو ... محمود الرايس وهرتو لا تقاوم... تسحر اصل ... لابس دجين bleu... بيل كول v صوف ابيض ... فاست كوير maron تهببببببببل .. إسبدري دان maron يرععععععععب اصل فيه كتيبة بالbleu على جنب .. منقالة مارك Festina signé في يدو لونها مارون تبكي من الذخامة ... و اكا ريحة البرفان القوية معجعجة الدنيا ... النسمة الباردة هازة ريحتو البنيييينة و توزع فيها في كل مكان .. ريحة سبيسيال يااااسر تلقاها كان عند محمود الرايس ..ريحة برفان قوية مخلطة بريحت شراب و ريحت رجولة .. 😍صحيح يمشي و يترهوج .. اما مشيتو باقي رجوليا يا خلق ربي 😍 ... يمشي بكتافو العراض .. و اكا الفاست زادت بينتهم عراض اكثر و بينتلو حلاوت و قوة بدنو اكثر ... دخل للقصر ... طلع لبيتو الفوق ... طيش اكا الفاست و ترما فوق الفرش يضحك شايخ ... السكرة طيرتو لسابع سماء .. حاول يقوم بالسيف باش ينحي صباطو ... حاول .. حاول .. اما ما قدرش هههههه ... رجع ترما فوق الفرش ... يحكي و يتبسم عيونو الحلوييييين مغمضهم .. - فتنة ... فتنتي ... حبي ... قلي وينك .. قلي راني فتشت عليك و ما لقيتكش ... راني متوحشك ... قلي وينك و انا نجيك طاير ... فرد يديه و عمل جناحات كيف جوانح العصفور و بدا يحرك فيهم كأنو بيطير ههههههه ... - شوف نجيك طاير هكا ... المهم نعرف وينك ... قلبي وجعني يا فتنة ... بدا النوم يغلبو شويا شويا ... و هو يحكي بصوت دوب يتسمع .. - قتلتني راك ... عههههه ... ماغلطوش كيف قالو الفتنة اشد من القتل ... رخا بدنو ... حط ذراعو على جبينو ... و بدا يغرق في النوم ...حاسس روحو تاعب ..بدا ينعس و جفونو تتغمض .. و بدا يسافر لعالم الاحلام لي يلقا فيه فتنتو ... ناعس و يحس من تحت النوم في يد حنينة تمسح على شعرو .. حل عيونو بالسيف .. تبسم شويا .. وحكا بصوت خشين غارق غالبو التعب ..
- ما تعبتش ياخي ؟؟تنهدت بمرارة ..وجها اصفر ليمة .. مربوثة و تقلب في عيونها في القصر و ترمش بزربة .. باينة مش مرتاحة و متقلقة عالاخر من جيتها و برغم من هذا جت .. برغم من وجيعتها الا انها عفست على قلبها و دخلت لقصر من سنين ما دخلتلوش .. مش طايقة القعدة فيه .. كل حاجة فيه تحسسها بالذنب ..تحس كانو كل حاجة فيه باش تنطق و تلومها ... حتى من الهواء لي تتنفس فيه تحسو خانقها ... اما على جال محمود .. ترمي روحها في النار و ما تفكرش مرتين .. بيت محمود فيها حيط بلار منقوش اما شفاف خلاها تشوف بوضوح القصر ...قلبت عيونها بزربة فيه ... باقي كيف ما هوا .. ما تبدل فيه شي .. ما عدا الغبرة و العنكبوت لي عبا أثاثو المذخم ... حست بوجيعة كبييييرة و بمرارة اكبر كيف شافت لأما حالة وصل هالقصر ... قبل سنين كانو الناس يحسدوها على العيشة فيه ... حتى من نساء أخوت محمود حسدوها على قصر الدهشة لي عايشة فيه و على حياة النعيم لي كانت فيها .. اما توا كل شي صار ذكريات.. و مش أي ذكريات ... ذكريات موجعة لدرجة انها تتهرب حتى من التفكير فيها. ...كبست روحها شويا و تلفتت لمحمود ... لقاتو رجع غمض عيونو و النوم غالبو .. تنهدت و جاوبت بقهرة ...- قول تهديت ...... عيونها فيسع ما غرقو بالدموع ... قربت و قعدت بجنبو على حافة الفرش .. شدت صوابعو الخشان بيديها الاثنين الصغرونين ... ضمت شفيفها شويا و بعدها بدات تحكي و صوتها غالبتو نبرت البكا .. - طا ... طا .. طلقتني محمود ؟ عقد جبينو من تحت النوم و جاوبها بتمسخير ...- هههههه ... ناويا تقعد على ذمتي ؟؟؟ ...تربثت من السؤول و تربثت أكثر من الإيجابة .. وطات في صوتها و جاوبت بصوت مقلق عالاخر دوب ما يتسمع ..- ما تعلمتش نعيش من غيرك .. طول عمري عايشة على ذمتك... طول عمري عايشة بإسمك .. من لي تولدت قالولي انت مرت محمود .. انت مريم الرايس مرت محمود الرايس ...تسمع فيه يحكي بنبرة مكبوسة ...- أخرج .. ضمت شفايفها .. عملت في روحها ما سمعتوش ... قربتلو اكثر ... وحطت راسها على صدرو..- عليه عامل في روحك و فيا هكا .. اعطيني فرصة محمود .. حاول تخليني نحبك من جديد ... هزت راسها شويا .. غرست دقنونتها في صدرو و رشقت عيونها في عينيو المغمضين ... - ايجا نجيبو بيبي جديد .. مش انت تحبهم ؟ .. اكيد باش ينسيووك في امير و ليث ... وفي لحظة اكا لعيون الناعسين لي كان غالبهم النوم و الشرب تحلو على وسعهم و الشر يطناطر منهم ... نطرلها يدها بزربة و قف و بعد عليها ... و هي تحمصت و غلغلت من برودو و حقرتو ليها .. قداش تكره هالنضرة في عينيو .. نفس النضرة عمرها ما تغيرت .. يمكن بالعكس زادت وضاحت اكثر بالنسبة ليها و حدتها زادة بانت ... و هي نضرت الحقرة و اللامبالات ... عمرها لا شافت في عيونو نضرت عشق و لمعت حب كيف لي موجودين في عيونها هي .. بالعكس ... قد ما عبرتلو على حبها ... قد ما صارحتو .. كانت ترا نفس البرود ... و هذا من قبل مش من توا ... جنت ... و لي زاد الطين بلة هوا سواري فتنة لي محطوط فوق الكنبي لي بعيد شويا على الفرش و فوقو محطوط عقدها ... بدنها الكل تكبس ... حست روحها باش تنفجر كان ماطلعش لي في قلبها توا ... و هذاكا لي صار .. بدت تتكلم من غير ما تحس ... - عمري ما قتلك انو نضرتك تعيفني في روحي ؟؟ضيق عيونو بإستغراب .. - ايه نضرتك تعيفني في روحي ... نضرتك تذبحني بالوقت .. قربتلو شويا و هي تحكي بيديها لي ترعش ... - نهار .. نهار واحد .. نهار واحد جرب حس بالنار لي فيا .. نهار واحد .. جرب وحط روحك في مكاني حتى نهار ... حركت راسها يمين يسار و حركت يديها الزوز .. تحب تقلو لا بيهم ... - لا لا لا لا ... تبسمت بوجيعة .. - جرب و حط روحك في مكاني حتى ساعة .. جرب عدي حياتك الكل و انت تستنى تشوف نضرة لينة في عيون لي تعشقو .. جرب تفيق كل يوم و تقول ليوم اكيد باش يحسني .. جرب انك كل يوم تفتش على شويا حنية في عيونو.. تقول ان شاء الله حتى نلقا نضرت شفقة فيهم .. الشفقة باش تكونلي ارحم الف مرة من نضرت البرود و المحقرانية .. سكتت شويا ... حاولت تنضم نفسها لي داخل بعضو و دقات قلبها المتسارعة و بعد كملت تفسرلو .... قبل كنت نقول توا كيف نكبر شويا يحسني .. كيف نوصل بنت 14 و 15 عام توا يراني ... و كيف كبرت و ماحستنيش قلت مش مشكل توا كيف نعرسو يحبني ... هههههههه .. و كيف عرسنا قلت توا بالعشرة يعشقني... و هذا الكلو ما منعنيش اني نزيد نغرق في حبك كل يوم اكثر و اكثر ... نغرق في بحر عشقك .. غريق و مالقيتش قشة تعاوني .. و حتى كان لقيت ما نحبش نبطل من حبك ... ما نحبش نتنفس و انت مش موجود في حياتي ...هبطت دموعها تقطر في القاعة .. مسحتهم بكف يدها و كملت كلامها .. - .. اما تعرف المشكلة وين ؟؟ المشكلة انو النضرة لي انا عشت طول عمري نتمنا فيها و نستنا فيها ... شفتها في عيونك... تنهدت و رخت شفايفها .. اما لغيري ...#ريما 💋