فتنة الجزء الثالث

39

الحلقة 131
مودي عطاه قحرة موت : كان شوفت نسبو قالك واحد لكزة رمز مايطقش ربي يصبرها مرتو
سليم : وسع بالك مازلت ماعندك ماريت يا الخو هايا نوريك الصالة رتح فخار ربي و نشربك حويجة ماك تعرف لازمنا نكرمو الضيف
مودي ضيق عينيه : ربي يعدي هل نهار على خير كان نعدي نص ساعة اخرى صبر نتسما باهي برشا
كملو حضرو كل شي و اك مودي هو الصبر خطان لا يلتقيان فادد و سليم مسكين ياكل في ستاكا و حامل
لين دخلت عليهم خديجة تعيط : يا ولدي التو ماحضرت روحك بش نمشيو نخطبو الطفلة
مودي عقد حواجبو كل عادة : اييي هاني حاضر
خديجة : مانرا في شي لا خاتم لا بوكي نوار
مودي : بطبيعتها مرتي هي ناقصة كان تخربشة على الورقة الباقي الكل عملتو انا و هي رأس راس
خديجة : شو كي باقي يعاود فاها زايد والله لا تحشمها فرحان زادة
مودي قربلها : هذاكا الموجود
حضرو الدنيا زينوها و تلمو مودي خطف روحو جاب بوكي نوار و الخاتم و قاتو الخطبة و جاء

الجماعة الكل ملمومين فتنة قاعدة حذا مختار الرايس الي بش يكون في مثابة بوها  حطة الحطة
و اكا مودي قاعد مقبلها عينيه بش تخرج و يغزل على بوه مودي في قلبو باهي عملتو كيما حبتو اعملو تو بعد انواريكم من عذبكم كيما عذبتوني
مودي حذاه امو للا خديجة و سليم نسيبو دارو قالو ناس تجيب بوها يخطبلها و انا نسيبي الماسط يحب يخطبلي تي انت نسيبي و نعاني فيك بش تكمل تكون بابا ياسر عاد
سليم شدد الضحكة حمار بكلو ماعدش ينجم يعرف الي مودي قاعد يكل في روحو ماكلة
مودي : و اشبيك تقول عليك قنبلة موقوتة بش تتفلق في وجهي
هو كمل آخر كلمة منا و لخر تفلق بضحك
مودي : تضحك باهي باهي تو نواريك بعد اشنعملك مانخليك تتمني الموت و لا عذابي
للا خديجة : ايا الزمو الصمت ماغير مانطولوها و هي قصيرة أدخل في الصندي
مودي تلفتلها: ايي هاي الي تفهم والله ماعد نصبر انتوما اصرفتو اصرفتو كملو اعملو عرس اليوم خن نروح بمرتي الليلة
للا خديجة: كب سعدك اصبر كل الناس حسب الاوصول
مودي : ميسالش تو نروح باها الليلة و انتوما كملو كل الشي حسب اوصول متاعكم
للا خديجة: كيفاه هذي تروح باها من الخطبة و بلا عرس
مودي : ديجا معرسين نحنا لذا انا نهزها و انتوما اعملو الي تحبو عليه
للا خديجة: سكت حسك مالا كلام تقول فيه كل شي يمشي حسب عاداتنا و تو يزي مل لكلام و هيا سليم ابدا في صحيح
مودي : علاه سليم ياخي انا منجمش نتكلم على روحي لازم هل لكزة يتكلم في بلاصتي
سليم : حتا انا مالزز نتكلم في بلاصة عصبانة كيفك ايا ياجماعة ماغير مانطولوها جيناكم خاطبين راغبين في بنت لحسب و نصب فتنة الولدنا محمود
مودي : ولدك؟  انتي كان تقعد عمرك كامل تجيب في صغار عمرك ماتجيب محمود قرد يجيب سيد هذي اول مرة نسمعها
مختار : ولدكم هذا هكا يحكي مع بوه انا مايسعدنيش صهري يكون هكا
مودي : اسعدك و لا مايسعدكش فتنة ملكي انا نهزها برضاكم و لا بصيف عليكم
حفصية قاعدة بجنب فتنة : الصراحة امو تشره محلاها اما هو قديدة مدودة
للا خديجة: ايا ماغير مانطولوها قولولنا قابلين و لا رافضين
مودي : اه شنية قولت رافضين؟ هكا فيسع ما نسيت درسك ياامي الغالية انقولو قابلين و لا قابلين و الا خيار ثالث هاربين هاربين
مختار : الأمر هذا يرجع البنتي فتنة كان قابلتك مبروك عليك
فتنة قاعدت ساكتة و هوما يغزرولها و كل ماتزيد درج سكات كل ما مودي يتعصبن
مودي : تي انطقي قلهم نقبل راجلي
هي اكك و حست بحركة في كرشها حطت يداها وين حست باها تتبسم و قالت : مادام اولادي يحبو على بوهم انا ماعندي مانقول كان موافقة
و الدنيا قامت ماقعدت من تزغريت للا خديجة و حفصية حربوها كان كلهم فرحانين كان واحد بركا الي هو مهيب الي كانت عينين تكدح بنار نظرات حادة توجاه مودي يحكي في قلبو الما نفكهالك يا محمود كان نخليك تفرح باها ماتسمنيش مهيب مانبلبز كل شي و عرسك الي بش تعملو يولي عرسي انا