(Unicode)
နောက်နေ့မနက် စားသောက်ပြီးတဲ့အခါမှာ Yibo နဲ့ Xiao Zhan က သူတို့ရဲ့ တတိယ မိသားစုဝင်လေးကို Ken တို့ဆီ ပို့ပြီး သူတို့ကတော့ NH ကို ဦးတည်သွားကြတယ်။ Cai Ying ရဲ့ message မှာ ဒီကိုလာကြည့်ဖို့ ပြောထားခဲ့တယ် မဟုတ်လား။ ဒါကြောင့် လာကြည့်ကြတာပါ။ ဒါပေမယ့် အမှန်တော့ ဒီမှာ ဘယ်သူရှိနိုင်လဲဆိုတာ Xiao Zhan တို့ နှစ်ယောက်လုံး ခန့်မှန်းကြည့်လို့ ရပါတယ်။ Xiao အိမ်မှာ Xiao Zhan နဲ့ ပတ်သက်တဲ့လူက ဘယ်နှယောက်များ ရှိနိုင်လို့လဲ။ Mr. Xiao နဲ့ Xiao Yi ကို ဖယ်လိုက်ရင် သူ့ရဲ့ မိခင်ပဲ ရှိတော့တယ်။
သူတို့နှစ်ယောက် Counter မှာ အခန်း နံပါတ် စုံစမ်းပြီး အပေါ်တက်သွားတော့ မကြာခင်မှာပဲ Mrs. Xiao ရဲ့ ဆေးရုံခန်းကို ရောက်လာကြတယ်။ ဒါပေမယ့် အခန်းတံခါးရှေ့မှာ ခြေစုံရပ်ပြီး တွေဝေနေတဲ့ Xiao Zhan ကတော့ ဒီအခန်းထဲကို ဝင်ရမလား မဝင်ရမလား ဆုံးဖြတ်လို့ မပြီးသေးဘူး ဖြစ်နေတယ်။ Cai Ying က အဓိပ္ပာယ်မရှိတဲ့ လုပ်ရပ်ကို လုပ်ပြီး အကြောင်းရင်းမဲ့ သူမကို လာကြည့်ဖို့ Xiao Zhan ကို ပြောမှာ မဟုတ်ဘူး။ ဒါ လိုအပ်လို့ပဲ ဖြစ်ရမယ်။ ဒီအိမ်ရဲ့ အဓိက ထောက်တိုင် ဖြစ်တဲ့ Mr. Xiao ယိုင်သွားပြီဆိုတော့ ကျန်တဲ့ Xiao နှစ်ယောက်ကို စောင့်ရှောက်ဖို့က Xiao Zhan ရဲ့ တာဝန်ဖြစ်လာပြီ။ ဆိုပေမယ့်လည်း ခေတ်အဆက်ဆက် တိုးတက်ကြီးပွားအောင် လုပ်ကိုင်စုဆောင်းခဲ့တဲ့ Xiao အိမ်က နေ့ချင်း ညချင်း ပြိုလဲသွားတဲ့ အဖြစ်မျိုးတော့ ကြုံရမှာ မဟုတ်ဘူး။ Xiao Zhan ကို သတင်းပို့တာဟာ ဆေးရုံစရိတ် တာဝန်ယူဖို့ မဟုတ်ပဲ ဒီအတိုင်း လူနာအခြေအနေကို တစ်ချက် လာကြည့်ခိုင်းတာ နေမှာ။
Mrs. Xiao က အသက်ထောက်လာတဲ့ အရွယ်ရောက်မှ Xiao Yi ကို ထပ်ယူခဲ့တာဟာ သူမရဲ့ ခန္ဓာကိုယ်ပေါ်ကို တောင်းဆိုလွန်းရာ ကျတယ်။ ခန္ဓာကိုယ်က ဖြစ်အောင် လုပ်ပေးခဲ့ပေမယ့် အဲဒီအတွက် တစ်စုံတစ်ခုပြန်ပေးခဲ့ရမှာပဲ။ ဒါက သူမရဲ့ ကောင်းမွန်တဲ့ ကျန်းမာရေးပေါ့။ Mrs. Xiao ရဲ့ ဘဝက သေချာတွေးကြည့်ရင် နည်းနည်းတော့ သနားဖို့ကောင်းတယ်။ လူ့လောကကြီးကို ရောက်လာပြီး ခိုင်မာတဲ့ ကိုယ်ပိုင်ရပ်တည်ချက်မရှိပဲ အခြားလူတစ်ယောက်ရဲ့ သဘောဆန္ဒအတိုင်း နေထိုင်အသက်ရှင်ရတာမျိုး။ ခုချိန်လိုမျိုး အားကိုးရာမဲ့နေတဲ့အခြေအနေမျိုးမှာ သူမက ပိုပြီး သနားဖို့ကောင်းတယ်။
