(Unicode)
နောက်နေ့မနက်ခရီးထွက်ခွာချိန်မှာတော့ XiaoZhan ဟာ ထူးထူးခြားခြား သူ မခံစားရတာကြာပြီဖြစ်တဲ့ ပျော်ပွဲစားထွက်နေရသလိုမျိုး ခံစားချက်မျိုးရတယ်။ အနားမှာ ကလေးတွေနဲ့ ကလေးဆန်တဲ့သူတွေ ပတ်လည်ဝိုင်းပြီးတော့။ ဒီလိုမျိုး ကလေးဆန်ဆန်နဲ့ စကားများပြီး ပျော်ပျော်နေတတ်တဲ့လူမျိုးတွေက တစ်ခါတလေမှာ reliable မဖြစ်ပေမယ့် သူတို့ရှိနေတာက ပတ်ဝန်းကျင်ကို အနည်းနဲ့အများတော့ ရွှင်လန်းတောက်ပသွားစေတယ်။ သူတို့ဆီက များလွန်းတဲ့ energy တွေက ဘေးကို လျှံကျပြီး အနားကလူတွေကိုပါ အပျော်ကူးစက်လာသလိုမျိုး။ ဒီလို ပတ်ဝန်းကျင်မျိုးမှာ လူမဟုတ်တဲ့ AI တွေပါ data process လုပ်တာ မြန်လာတယ် ထင်ရတယ်။
Flame က XiaoYi ရှိနေတာကြောင့် အပြင်ထွက်နေပြီး 85 ကိုတော့ ပျင်းမှာဆိုးလို့ အပြင်ထုတ်ထားတာပါ။ XiaoYi က သူ့အစ်ကိုရဲ့ Flame ကို တော်တော်လေး သဘောကျတယ်။ AI ရဲ့ ပုံစံကိုရော ကိုယ်ထည်ကိုရော သဘောကျတာ။ သူ့အယူအဆအရ အတောင်ပံတွေက လွတ်လပ်မှုကို ကိုယ်စားပြုပြီး အနီရောင်က ရဲရင့်မှုနဲ့ သူရဲကောင်းတွေရဲ့ အမှတ်အသားဖြစ်တယ်။ ဒါကြောင့် ဒီနှစ်ခုလုံးနဲ့ ကိုက်ညီတဲ့ အနီရောင်ငှက် Flame ကို သဘောကျလွန်းလို့ လာတိုင်း ထုတ်ကြည့်ပြီး သူ့အနားမှာ ထားတာပါ။ သူ့ရဲ့ ၁၅ နှစ်ပြည့်မွေးနေ့မှာ ရလာမယ့် ကိုယ်ပိုင် mecha Suzaku [1] ကိုလည်း Flame လိုမျိုးပဲ တည်ဆောက်မယ်လို့ တွေးထားတယ်။ ဟုတ်တယ် mecha ကို မမြင်ရသေးပေမယ့် XiaoYi က ကြိုပြီး နာမည်ပေးပြီးသွားပြီ။
Ville မှာ XiaoZhan တို့ ရွေးချယ်လိုက်တဲ့နေရာက ကျေးလက်အရသာ အပြည့်အဝရတဲ့ Verte Ville ဒေသပဲ။ ဒါက အရင်တုန်းက XiaoZhan ပိုင်တဲ့ research base မှာ ရှိတဲ့ ကျဉ်းမြောင်းတဲ့ သစ်တောအုပ်ငယ်လေးနဲ့ မတူဘူး။ Verte Ville မှာက မြေပြန့်လိုမျိုး ကျယ်ပြန့်ပြီး ပြေပြစ်တဲ့ မြက်ခင်းစိမ်းကျယ်ကြီးရှိတယ်။ မြင်ရတာနဲ့တင် လွတ်လပ်ပြီး အသက်ရှူဝသွားသလိုခံစားချက်မျိုး ရစေတဲ့ မြက်ခင်းပြင်ပေါ့။ ပိုပြီး သဘောကျစရာကောင်းတာက XiaoZhan တို့ အိမ်နဲ့ မလှမ်းမကမ်းမှာ သူငယ်ငယ်က ပုံတွေဆွဲတိုင်းထည့်ဆွဲတတ်တဲ့ ဝက်သစ်ချပင်ကြီး ရှိတာပဲ။ မြို့တော် Tian Gu မှာ နေရာအခက်အခဲကြောင့် သစ်ပင်ကြီးတွေ စိုက်လေ့မရှိတာမို့ ဒီလိုနှစ်ရှည်သစ်ပင်တွေကို သိပ်မတွေ့ရတတ်ဘူး။ လေ့လာရေးခရီးထွက်တဲ့အချိန်တွေမှာပဲ မြင်တွေ့ခွင့်ရတတ်တာ။ ဒါပေမယ့် အခုတော့ ဒီဝက်သစ်ချပင်က သူတို့ခြံဝင်းထဲမှာမို့ အချိန်မရွေးသွားကြည့်လို့ရပြီ။
