(Unicode)
Ying Kai ရဲ့ စကားဆုံးတာနဲ့ တစ်ပြိုင်နက် ဒီစစ်မျက်မှာပြင်မှာ ရှိတဲ့ လူအားလုံး ဖိအားတစ်ခုကို ခံစားလိုက်ရတယ်။ ရုတ်တရက် သေမင်းနဲ့ နီးသွားသလိုမျိုး ခံစားချက်ပဲ။ သူတို့ အဲဒီခံစားချက်ကနေ လွတ်မြောက်တဲ့အချိန်မှာ alarm သံ အချို့ မြည်နေခဲ့ပြီ။
"ဘာဖြစ်တာလဲ။ အဲဒါ ဘာတွေလဲ"
အလန့်တကြား အော်ဟစ်သံတွေကြားမှာ အဖြူရောင် အရိပ်အချို့ ဖြတ်ပြေးသွားတာ တွေ့လိုက်ရတယ်။ ဒါပေမယ့် လှုပ်ရှားမှုက မြန်လွန်းတာကြောင့် သာမန်မျက်စိနဲ့ သေချာမြင်ဖို့ မဖြစ်နိုင်ဘူး။ ကင်မရာမှာလည်း ဖြတ်ခနဲပဲ ပြေးသွားတာမို့ ပုံရိပ်က ဝါးတားတားပဲ ဖမ်းမိတယ်။
"သူတို့ဘက်က စပြီပဲ"
XiFei က တိတ်တဆိတ် ရေရွတ်တယ်။
"General, Class နိမ့် ယာဉ်တွေ တစ်ခုပြီး တစ်ခုကျကုန်ပြီ။ ရန်သူက မြန်လွန်းနေတယ်"
"ကျွန်တော်တို့ လက်နက်တွေ ချိန်ဖို့အတွက် အချိန်မရဘူး။ ရမ်းပစ်ရင်လည်း ကိုယ့်ယာဉ်တွေ ထိမှာ စိုးရတယ်"
"Captain, Engine ပိုင်းထိသွားပြီထင်တယ်"
Tian Gu ဘက်က Fleet မှာ ရုတ်တရက် report သံတွေ ဆူညံသွားတယ်။
အဓိက ပြဿနာက တစ်ဖက်ကရန်သူတွေက ဘာတွေမှန်းမသိရပဲ သူတို့က အရမ်းမြန်နေတာပဲ။ ပိုဆိုးတာက သူတို့ ခန္ဓာကိုယ်က Oxygen ကိုမလိုအပ်တဲ့အပြင် cosmic ray တွေကိုပါ ခံနိုင်ရည် ရှိနေတယ် ထင်ရတယ်။ ပုံစံကြည့်ရတာ သူတို့အရေပြားက Extreme environment ကို ခံနိုင်ရည်ရှိအောင် လုပ်ထားတဲ့ ပုံပဲ။ ဒါကြောင့် အေးစက်နေတဲ့ အာကာသထဲမှာ အေးခဲမသွားပဲ လွတ်လွတ်လပ် သွားလာလို့ ရနေတာ"
"Electric net တွေ အသင့်ပြင်ထား"
"Generals!"
"အမိန့်ရှိပါ"
"နားထောင်နေပါတယ်"
General နှစ်ယောက်က အသီးသီး ထူးကြတယ်။
"Captain တွေနဲ့ သူတို့ရဲ့ mecha troop တွေကို အပြင်လွှတ်ပါ။ Shield က သူတို့အပေါ် အသုံးမတည့်တာမို့ ယာဉ်တွေအနားကို ကပ်နိုင်တယ်။ မကပ်စေနဲ့။ နောက်ပြီးတော့ mecha တွေရဲ့ အပြင်ဘက် ကိုယ်ထည်ကို လျှပ်စစ်လွှတ်ထားကြည့်ပါ။ သူတို့ရဲ့ အားနည်းချက်က ဘာလဲ မသိရသေးတာမို့ mecha တွေကပဲ မျိုးစုံစမ်းကြည့်ပြီး ထူးခြားချက်တွေ့ရင် သတင်းပြန်ပို့ပါ"
