(Unicode)
နှစ်ယောက်က သာယာတဲ့ မနက်စာကို စားပြီးတဲ့အခါမှာ မပြီးပြတ်သေးတဲ့ ကိစ္စအချို့ကို လက်စသတ်ရတယ်။ ဥပမာ Laura ပေါ့။ Laura နဲ့ ပတ်သက်ပြီး ကောလဟာလပြန့်သွားခဲ့တဲ့ ကိစ္စက ဘယ်သူ့ဘက်က မှားတယ်လို့ သေချာပြောလို့မရပေမယ့် Xiao Zhan ကြောင့် သူပါ ထိခိုက်သွားရတဲ့ပုံပေါ်တာမို့ Xiao Zhan အနေနဲ့ သူမကို တောင်းပန်မှ ဖြစ်မယ်။ ဒါက Tian Gu ဘက်က ရင့်ကျက်တဲ့ အပြုအမူကို ပြတဲ့ သဘောလည်း သက်ရောက်တယ်။ ဒါပေမယ့် ဒီကိစ္စအပေါ်မှာ တစ်ဖက်သားက အခွင့်အရေးယူလို့မရအောင်တော့ သူ့ရဲ့တောင်းပန်စာက အရမ်းကြီး မမောက်မာလွန်း အရမ်းကြီး မနှိမ့်ချလွန်းတဲ့ အရေးအသားဖြစ်ဖို့လိုအပ်တယ်။ Xiao Zhan ဘက်က သူ့အပေါ် အကြွေးတင်နေတယ်လို့ မတွေးစေဖို့ပေါ့။ ဒါပေမယ့် Xiao Zhan က အခုတင်ဖို့အတွက် မဟုတ်ပဲ မနက်ဖြန်မှာ offical account ကနေ တင်ဖို့အတွက်ကို ကြိုတင်ပြင်ဆင်ရေးထားတာပါ။ ဒီနေ့ကတော့ သူ့ရဲ့ follower တွေကို ကိစ္စတစ်ခုတည်းပေါ်မှာပဲ အာရုံစိုက်ထားစေချင်တယ်။
"Yibo သူ့ကို ဘာလက်ဆောင်ပေးရင် ကောင်းမယ်လို့ ထင်လဲ။ ပန်းချီကားဆိုရင်ရော?"
Xiao Zhan က စာရေးလက်စ screen ကနေ အကြည့်ခွာပြီး သူ့ဘေးနားက Yibo ဘက်လှည့်အကြံဉာဏ်တောင်းတယ်။ ဒါမျိုးက စကားသက်သက်မဟုတ်ပဲ လက်ဆောင်တစ်ခုခုနဲ့ ပြေလည်အောင်လုပ်မှ တရားဝင်ဖြစ်လိမ့်မယ်။
"ပန်းချီ? Ge ဆွဲထားတာ ပေးမလို့လား"
Yibo က ထိုင်ခုံပေါ်မှာ သက်တောင့်သက်သာ လှဲနေရာကနေ ဒီမေးခွန်းကို ကြားတော့ ခေါင်းထောင်လာတယ်။
"ကျွန်တော်က Amateur လေ။ ကျွန်တော့်လက်ရာ ပေးရင် စော်ကားသလိုဖြစ်နေမှာပေါ့"
ဒီစကားကြားတော့မှ Yibo က တစ်ချက်ခေါင်းညှိမ့်ပြီး စကားဆက်တယ်။
"Ge က လက်ရာကောင်းပြီးသားပါ။ ဒါပေမယ့် Laura က သစ်ပင်ပန်းပင်တွေ ကြိုက်တတ်တယ်လို့ ကြားဖူးတယ်။ သူ့ကို အပင်မျိုးစိတ် တစ်ခုခု ပေးလိုက်တာ ပိုကောင်းမယ် ထင်တယ်"
ဒီအချက်အလက်ကို Yibo ဘယ်လိုသိလဲဆိုတာတော့ ခဏ ကျော်သွားလိုက်ကြရအောင်။
