(Unicode)
မနေ့ညက XiaoZhan နဲ့ Laura တို့နှစ်ယောက် ထိုင်နေတဲ့ပုံက သာမန်မျက်လုံးနဲ့ ကြည့်ရင် သာမန်လို့ထင်ရပေမယ့် သံသယမျက်လုံးနဲ့ ကြည့်ရင်တော့ သံသယ ဝင်စရာကောင်းတယ်။ နှစ်ယောက်က အကွာအဝေးတစ်ခု ခြားနေပေမယ့် ထောင့်အနေအထားအရ intimate ဖြစ်နေသယောင် ထင်ရတယ်။ ဒါပေမယ့် ခိုးကြောင်ခိုးဝှက်ရိုက်ထားတဲ့ ဓာတ်ပုံတစ်ပုံက ဘာမှမပြောနိုင်ဘူး။ အမှန်တကယ် စကားပြောတာက သတင်းခေါင်းစဉ်အမျိုးမျိုးပဲ။
ဆိုပေမယ့်လည်း XiaoZhan ဆိုတာ ထိချင်တိုင်း ထိလို့ရတဲ့လူမှမဟုတ်ပဲ။ သူ့နောက်ခံကိုတော့ ပြန်ပြောနေစရာ မလိုဘူးထင်တယ်။ နာမည်ကြီး သတင်းစာတိုက်တွေအားလုံးက ဒီပွဲက sneak shot တွေနဲ့ သတင်းလာရောင်းသူကို ငြင်းလိုက်ကြတယ်။ ဒါက ရလာမယ့် အကျိုးအမြတ်ထက် ပြန်ပေးလိုက်ရမယ့် ဆုံးရှုံးမှုက ပိုများနိုင်တဲ့ ကိစ္စပဲ။ ဘယ်သူက XiaoZhan အပါအဝင် အင်အားကြီးရန်သူတွေ လိုချင်မှာလဲ။
ဒါပေမယ့် "အသိဉာဏ်မဲ့ခြင်းက အကြောက်တရားမဲ့ခြင်းကို ဦးတည်စေနိုင်တယ်" ဆိုတဲ့ ဆိုရိုးစကား ရှိတယ်မဟုတ်လား။ လုံလောက်တဲ့အသိဉာဏ်တစ်ခုရှိမှ ကြောက်သင့်တဲ့အရာတွေကို ကြောက်ရကောင်းမှန်း နားလည်ကြတာ။ Media တွေထဲမှာလည်း ဘယ်သူ့ကို offend လုပ်မိရင် ဘယ်လိုနောက်ဆက်တွဲတွေ ခံစားရနိုင်တယ်ဆိုတာ မစဉ်းစားနိုင်တဲ့ အသေးစား Online Media လေးတွေ ရှိတယ်။ ဒါမှမဟုတ် ရလာမယ့် ကျော်ကြားမှုကို မက်ပြီး ကျန်တာတွေ မတွေးနိုင်တော့တဲ့ media အငယ်စားလေးတွေပေါ့။ ဒီလိုအုပ်စုတွေက ကောင်းမွန်တဲ့လုပ်ငန်းတွေ လုပ်မယ်ဆိုရင်သာ ဖြစ်ဖြစ်မြောက်မြောက် မရှိကြတာ ပျက်စီးရေးအတွက် မုန်တိုင်းမွှေရမယ်ဆိုရင်တော့ ထိထိရောက်ရောက်ရှိကြတယ်။ ဒါကြောင့် ဒီလို သတင်းခေါင်းစဉ်တွေ ပေါ်လာခဲ့တယ်။
"General ဟောင်း XiaoZhan ရဲ့ သံသယရှိဖွယ် ဓာတ်ပုံများ ထွက်ပေါ်လာ"
"Vince Land သံတမန်ခရီးစဉ်ကတဆင့် ဒီထက်ပိုတဲ့ ဆက်ဆံရေးအဖြစ် တိုးတက်လာနိုင်"
ဒီသတင်းတွေကို ဖော်ပြတဲ့ နေရာမှာအချို့ သတင်းစာတိုက်တွေက ထိန်းထိန်းသိမ်းသိမ်း သတင်းတင်ကြပေမယ့် ကျင့်ဝတ်မသိတဲ့ သတင်းစာတိုက်ငယ်လေးတွေကတော့ သတင်းခေါင်းစဉ်ကို လွန်လွန်ကျူးကျူး ပဲ ရေးပစ်လိုက်ကြတယ်။ Reader တွေရဲ့ အာရုံကို ဖမ်းစားနိုင်ဖို့က အရေးအကြီးဆုံးပဲ မဟုတ်လား။ ဘယ်လောက်ပဲ အကျယ်ချဲ့လိုက်ရ အကျယ်ချဲ့လိုက်ရ ခေါင်းစဉ်က ဟာခနဲ ဟင်ခနဲ ဖြစ်သွားဖို့ လိုတယ်။
