(Unicode)
"ကျွန်တော့်ကို လုပ်ချင်တာ လုပ်လို့ရတယ်"
သူ့ရှေ့က တစ်ယောက်ရဲ့ စကားကြောင့် Xiao Zhan သွေးတက်ချင်သလို ဖြစ်သွားတယ်။ ဒါ ဘယ်လို အချိုးမပြေတဲ့ တောင်းပန်မှုမျိုးလဲ။
"မင်းကို စကားမပြောဘူး"
Xiao Zhan က သူ Yibo ကို စကားမပြောတဲ့ အကြောင်း Yibo ကို ပြောပြီးတော့ အိပ်ခန်းထဲဝင်ပြီး တံခါးကို lock ချထားလိုက်တယ်။ ဒီတစ်ညတော့အပြင်မှာ အိပ်ပေတော့။
Eagle က လွှတ်လိုက်တဲ့ fleet အရှေ့တောင်ကို မရောက်မချင်း သူဘယ်လောက်စိတ်ပူခဲ့ရတယ် ထင်လဲ။ သေများ လာမလား ကျိုးပဲ့လာမလား အရင်တစ်ခါလို ကိုယ်တစ်ပိုင်းတည်းပဲ ပြန်ရောက်လာမလား သူ့မှာ စက္ကန့်တိုင်း တွေးပူနေခဲ့ရတာ။ ဒီလို မပူရအောင် သူ့ကို အိမ်မှာ ငြိမ်ငြိမ်လေးဖို့ နားချပေမယ့် ကိုယ်တော်က အမိန့်အရပါဆိုပြီး လက်မခံခဲ့ဘူး။ ဒါအကြောင်းပြချက်သက်သက်ပဲ Xiao Zhan သိတာပေါ့။ သူ့ဆေးစာနဲ့ဆိုရင် အားလုံးကို ရှောင်လွှဲလို့ရတယ်။ ဒါပေမယ့် Yibo က Yibo မို့ ဒီအခွင့်အရေးကိုမှ လက်လွှတ်လိုက်ရရင် သေတော့မယ့်လူလိုမျိုး ခေါင်းမာနေခဲ့တယ်။ Xiao Zhan သိတာပေါ့ သူ ဘာလို့ ဒီလောက် ဒီပွဲမှာ ပါချင်နေတယ်ဆိုတာကို။ ဒါပေမယ့် Xiao Zhan ရဲ့ ပူပန်မှုက သူ့ Ego ကို အစာကျွေးဖို့လောက် အရေးမပါဘူးလား။ ဒီကလူက စိတ်ပူပြီး သေပါစေ Yibo ကတော့ သူ့ရဲ့ life goal တွေကိုပဲ မရရအောင် ဖမ်းဆုပ်သွားမယ်ဆိုတဲ့ သဘောပေါ့။ သူ့ရဲ့ လက်ရှိ အနေအထားကို မကျေနပ်သေးဘူးလား။ Xiao Zhan တောင် သူ့လောက် ဘွဲ့ထူး ဂုဏ်ထူးတွေ မများဘူး။ အရင်တုန်းက Honourable discharge နဲ့ စစ်တပ်က အနားယူတဲ့အခါမှာ ဧကရာဇ်က သူ့ကို Duke အထိ ဂုဏ်ထူးတိုးမြှင့်ပေးခဲ့တယ်။ ဒါက ဒီဘက်ခေတ်မှာ ပြောပလောက်အောင် အကျိုးခံစားခွင့်မရှိတဲ့ ဒီအတိုင်း title တစ်ခုဆိုပေမယ့် but dude, it's a Duke! Xiao Zhan တောင် Earl ပဲ ရထားတာ။ နောက်ပြီး ဒါက ဒီမှာပဲ အဆုံးသတ်မယ့်ပုံပဲ။ Duke title က ရှေးခေတ်ကလို မျိုးရိုးစဉ်ဆက် ဆက်ခံလို့ မရတော့ဘူး။ ရခဲ့ရင်တောင် သူ့အဖေက Xiao Zhan နဲ့ မျိုးနွယ်ဖြတ်ပြီးသားမို့ ဒီ title က Xiao Yi ဆီကိုပဲ သွားတော့မှာ။ ထားလိုက်ပါတော့။ ပြောချင်တာက Yibo က ဘာလို့များ မတင်းတိမ်နိုင်သေးတာလဲ။ သူ ရထားတာတွေက မလုံလောက်သေးဘူးလား။ Yibo က လောဘကြီးတဲ့ လူမှန်း သူစမြင်ကတည်းက သိတယ်။ လောဘကြီးတယ် ရည်မှန်းချက် ကြီးတယ်။ အကောင်းဆုံး ကြိုးစားပြီး အကောင်းဆုံးတွေကိုပဲ လိုချင်တယ်။ ဒါကြောင့် သူ ဒီနေ့ ဒီနေရာကို ရောက်ခဲ့တာ။
