(Unicode)
Sorry for disappearing without notice. I have no excuse for this irresponsible behavior. But still, I'm back.
နောက် ၃ ရက် အကြာမှာတော့ Tian Gu ရဲ့ Imperial fleet က Gamish Land နယ်စပ်ကို ရောက်လာခဲ့တယ်။ ဒီတစ်ကြိမ်မှာ Tian Gu ဘက်က စစ်မျက်နှာတစ်ခုတည်း ဖွင့်ခဲ့တာမို့ Gamish Land ဘက်ကလည်း ခံစစ်အင်အားတစ်ခုလုံးကို မျက်နှာတစ်ခုတည်းမှာပဲ စုချထားတယ်။ လောလောဆယ် Tian Gu ရဲ့ တပ်နဲ့ ထိပ်တိုက်အနေအထားမှာ အနီးဆုံးရှိနေတာကတော့ မင်းသား ၂, Ying Lai ပါပဲ။
Ying Lai က အရင်တစ်ခေါက်တုန်းက XiaoZhan ကို ထောင်ချောက်ဆင်ပြီး ဖမ်းနိုင်ခဲ့ပေမယ့် ဒီလုပ်ရပ်ကနေ ဘာအကျိုးအမြတ်မှ ထွက်မလာပဲ ပိုဆိုးတဲ့ ရလဒ်တွေကိုသာ ဦးတည်စေခဲ့တဲ့အတွက် မျှော်လင့်ထားတဲ့ သူ့ဖခင်ရဲ့ မျက်နှာသာပေးမှုကိုတော့ မရရှိခဲ့ဘူး။ အဲဒီတုန်းက XiaoZhan သာ မရှိရင် Heaven ကို ကောင်းကောင်းထိန်းချုပ်နိုင်မယ်လို့ ထင်ခဲ့ပေမယ့် လက်တွေ့မှာတော့ Heaven ရဲ့ ပြင်းထန်တဲ့ အမျက်ဒေါသကြောင့် သူထားခဲ့တဲ့ တပ်ခွဲကို အားလုံးနီးပါး ဆုံးရှူံးခဲ့ရတယ်။ တပ်ကို စွန့်ပစ်ပြီး ထွက်ပြေးလာတဲ့ mecha တစ်ချို့ကလွဲရင် တပ်ခွဲတစ်ခုလုံး ပျက်ဆီးသွားခဲ့တာ။ အဲဒီအချိန်တုန်းက မင်းသား ၂ ကို ပေးထားခဲ့တဲ့ တပ်ခွဲရဲ့ အင်အားက မသေးတဲ့အတွက် အဲဒီအင်အားကို ဆုံးရှုံးလိုက်ရတာဟာ Gamish Land အတွက် တကယ်ပဲအထိနာစေခဲ့တယ်။ ဒါ့အပြင် သူဖမ်းဆီးခဲ့တဲ့ XiaoZhan ဆီက ဘာလျို့ဝှက်ချက်မှ မရရှိလိုက်ပဲ အဲဒီအစား ဧကရာဇ်ရဲ့ အချစ်ဆုံး ညီလေး Tu Zhi သာ အသက်ဆုံးရှုံးခဲ့ရတယ်။ ဒီအချက်တွေက Ying Lai ကို အမျက်ရှခံရစေဖို့ လုံလောက်နေခဲ့ပြီ။ ဒါကြောင့် ဒီတစ်ခေါက်မှာတော့ ဧကရာဇ်က Ying Lai ကို ဦးစီးဖို့ တပ်ခွဲတစ်ခုမှမပေးတော့ပဲ မင်းသား ၃ ရဲ့ လက်အောက်ကိုပဲ ထည့်ပေးလိုက်တယ်။
Ying Lai ဟာ သူ့ရဲ့ ဒီလိုအခြေအနေကို လုံးဝလက်မခံနိိုင်ပါဘူး။ အထူးသဖြင့် သူ့ကို သူ့ညီရဲ့ လက်အောက်မှာ ထားတာဟာ အရှက်ခွဲမှုသက်သက်ပဲလို့ ယူဆထားတယ်။ ဒုတိယ အခွင့်အရေး? ဘယ်သူ့အတွက်လဲ။ ဒါက သူ့ရဲ့ အမှားတွေအတွက် ဒုတိယ အခွင့်အရေးလို့ ပြောပေမယ့် အမှန်တော့ မင်းသား ၃ အတွက် အခွင့်အရေးပဲ မဟုတ်လား။ ခုလို ကင်းထောက်ဆိုပြီး အင်အားနည်းနည်းလေးနဲ့ ဒီထက်ပိုပြီး ရှေ့တန်းမကျနိုင်တဲ့ ရှေ့တန်းကို ပို့လိုက်တာ သူ့ကို ရှင်းပစ်ဖို့ အတွက် မဟုတ်ရင် ဘာဖြစ်ရဦးမလဲ။
