(Unicode)
Xiao Zhan ဟာ Game ထဲ ရောက်တဲ့အခါ Yibo ကို သူ့ရဲ့ SSS level Super-duper smart brain ကို မသုံးခိုင်းပါဘူး။ အဲဒီအစား Xiao Yi ကိုပဲ စဉ်းစားခိုင်းတယ်။ အချို့ကိစ္စတွေကိုတော့ သူစဉ်းစားမိအောင် လမ်းကြောင်းပေးရတာတွေ ရှိတာပေါ့။ ဒါ့အပြင် Game တစ်လျှောက်လုံး မျက်စိမှိတ်ထားလိုက် Xiao Zhan ကိုပဲ ကြည့်နေလိုက် လုပ်တဲ့ Yibo ကိုလည်း တွဲခေါ်ရသေးတယ်။ အပန်းဖြေဖို့လုပ်ရတာက အတော်ပင်ပန်းသားပဲ။
ဒီ Game ပြီးတော့ Xiao Yi က နောက်ထပ် ကစားနည်း သုံး လေးမျိုးလောက် ဆက်ကစားသေးတယ်။ ဒါတွေက အန္တရာယ်နည်းပြီး လူကြီး မလိုက်လည်း ဖြစ်တဲ့အတွက် Xiao Zhan က Yibo နဲ့အဖော်ပြုပြီး အပြင်မှာပဲ ကျန်ခဲ့တယ်။ ကလေးတစ်ယောက်ကို ဆော့ခိုင်းပြီး ကလေးတစ်ယောက်ကိုတော့ အနားမှာ ထိန်းရတာပေါ့။ Xiao Yi စိတ်ကျေနပ်တဲ့အထိ ကစားပြီးတဲ့အခါမှာတော့ ညစာ စားဖို့အချိန်ရောက်လာခဲ့ပြီ။ အပြင်ရောက်လက်စနဲ့ဆိုတော့ အိမ်မပြန်တော့ပဲ သုံးယောက်သား အလွယ်တကူ ဆိုင်တစ်ခုမှာပဲ ဝင်စားလိုက်ကြတယ်။ ညစာ စားပြီးတော့ Xiao Yi ရဲ့ ရေခဲမုန့် section က နောက်က လိုက်လာတယ်။
"Xiao Yi, အိမ်မှာ နေရတာ အဆင်ပြေလား"
Xiao Zhan ရဲ့ မေးခွန်းကို ကြားတော့ Xiao Yi က ရေခဲမုန့်စားနေရာက ခေါင်းထောင်လာပြီး သူ့အစ်ကို ကို တစ်ချက်ကြည့်တယ်။
"ဟုတ် ပြေပါတယ်။ ဘာလို့လဲ။ ကျွန်တော် အဆင်မပြေရင် Ge Ge တို့ ကျွန်တော့်ကို ခေါ်ထားမလို့လား"
Xiao Yi က ပြန်ဖြေရင်းနဲ့ စိတ်လှုပ်ရှားစွာနဲ့ Xiao Zhan တို့ကို စကားစတယ်။
"အင်း။ Ge Ge တို့နဲ့ လာနေရင် ဘယ်လိုလဲ။ အလည်လာတာ မဟုတ်ပဲ အတူနေတာမျိုး"
Xiao Yi က သူ့ဘက်က စလိုက်ပေမယ့် Xiao Zhan ဘက်က အတည်ပေါက် ဒီလိုပြန်ဖြေပေးမယ်လို့တော့ မမျှော်လင့်ထားခဲ့မိဘူး။ သူ့နေရာက Xiao အိမ်တော် ဖြစ်တဲ့အတွက် အချိန်တန်ရင် အိမ်ပြန်ရမယ်လို့ Xiao Zhan က အမြဲတမ်း ပြောခဲ့တာ မဟုတ်လား။ Xiao Yi က Yibo ကို တစ်ချက်လှမ်းကြည့်လိုက်တယ်။ ဒါက အကူအညီမရပါဘူး။
"Ge Ge က အတည်ပြောနေတာလား။ တကယ် အတည်?"
"အတည်။ Xiao Yi ကို Ge Ge တို့နဲ့ အတူလာနေစေချင်တယ်။ Xiao Yi ကရော Ge Ge တို့နဲ့ အတူနေချင်လား"
