(Unicode)
တစ်ဖက်က တိုက်ပွဲ ပြီးလုပြီဆိုပေမယ့် တစ်ဖက်မှာတော့ ပြင်းထန်နေတုန်းပဲ။
"XiaoZhan, အရှိန်နည်းနည်းလျှော့ဦး။ အငယ်တွေကို စောင့်ရှောက်သွားရမှာလေ"
Flame ရဲ့ ဆက်သွယ်ရေးစနစ်ထဲကို Ning An ရဲ့ အသံဝင်လာတော့မှ XiaoZhan ကိုယ်ရှိန်သတ်ပြီး နောက်ပြန်လှည့်ကြည့်မိတယ်။ Mecha ၂ စီးက သူ့နောက်မှာ ပြတ်ကျန်ခဲ့တာပဲ။
"Sorry Major General, ကျွန်တော် လောသွားတယ်"
သူ့နောက်က mecha ၂ စီးမှာ ၂ စီးလုံးက အတွေ့အကြုံ မရှိတဲ့ Alpha တွေ မောင်းနှင်ခံနေရတာပဲ။
Ben က ပုံမှန် သွေးအေးတဲ့ Ben နဲ့ မတူစွာပဲ ဒီနေ့တော့ တိုက်ပွဲတစ်လျှောက်လုံး စိတ်တိုဒေါသထွက်လာတယ်။ သူက မွေးရာပါ Alpha ခန္ဓာကိုယ်ကို ပိုင်ဆိုင်ထားပေမယ့် လေ့ကျင့်ခန်းဆို လှေကားအတက်အဆင်းကလွဲပြီး မလုပ်တဲ့သူမို့ mecha တစ်စီးနဲ့ တိုက်ခိုက်ခြင်းဟာ သူ့အတွက် ခက်ခဲပင်ပန်းစေတဲ့ ကိစ္စပဲ။ ဒီလူတွေသာ ရောက်မလာခဲ့ရင် သူ့ဘာသာ သူ laptop ရှေ့မှာ အေးအေးဆေးဆေး ထိုင်နေလို့ရခဲ့မှာ။ ဒီလူတွေသာ ရောက်မလာခဲ့ရင် ခုလို ဒုက္ခခံနေရမှာ မဟုတ်ဘူး။ ဒီလိုအတွေးက ရန်သူတွေကို တိုက်ခိုက်ဖို့အတွက်သူ့ကို တွန်းအားအပေးနိုင်ဆုံး motivation ပဲ။ သူ့ကို ဒီလို ချွေးတရွှဲရွှဲနဲ့ မောပန်းအောင် လုပ်တဲ့သူတွေကို ပညာပေးရမယ်ဆိုပြီးတော့ပေါ့။
XiaoZhan နောက်မှာ ပါလာတဲ့ နောက်ထပ်တစ်ယောက်ကတော့ Wen Ning ပါပဲ။ အမှန်အတိုင်းပြောရရင် ဒီနေ့ Tian Gu ကို လာတိုက်တဲ့သူတွေက Yi Nan မဟုတ်ပဲ Gamish Land သာဆို သူ့အနေနဲ့ ခုလို ထိပ်တိုက်တွေ့ဖို့ လွယ်ကူမှာ မဟုတ်ဘူး။ ဘာပဲဖြစ်ဖြစ် Gamish Land က သူအရွယ်ရောက်လာခဲ့တဲ့ နိုင်ငံ, သူ့ကို စောင့်ရှောက်ပေးခဲ့တဲ့ နိုင်ငံပဲ။ ဒါကြောင့် ထိပ်တိုက်တွေ့ရမယ့် ကိစ္စမျိုးဆို ရှောင်တယ်။ ထွက်ခွာမယ့် စစ်တပ်အတွက် ရိက္ခာပြင်ဆင်ပေးရမယ့် contract ကိုတောင် လက်လွှတ်ခဲ့တာ။ ဒါပေမယ့် အခု သူ့ရှေ့မှာ ရှိနေတဲ့ ရန်သူတွေက Gamish Land မဟုတ်ပဲ Yi Nan က လူတွေပဲ။ Yi Nan အစိုးရတောင် မဟုတ်ဘူး Yi Nan ဓားပြတွေမို့ ဒီလူတွေကို တိုက်ခိုက်ရတာ သူ လိပ်ပြာလုံတယ်။ ခက်တာက စိတ်သွားသလောက် ကိုယ်မပါနိုင်တာပဲ။ Wen အိမ်က mecha တိုက်ခိုက်ရေး ဆရာခေါ်ပြီး သင်ပေးခဲ့တယ်ဆိုပေမယ့် ဒါက Wen Qing ကိုပဲ အဓိကထားပြီး သင်ပေးတာမို့ Wen Ning က သူ့အစ်မပြန်သင်ပေးရာက တတ်ထားတဲ့ ပညာပဲ ရခဲ့တာ။ ဒါပေမယ့် ခုလိုပွဲမှာ ပါဝင်ဖို့တော့ တတ်နိုင်ပါသေးတယ်။ ခက်တာက သူ့ရဲ့ ဒီလို skill က အရမ်းလျင်မြန်ဖြတ်လတ်နေတဲ့ ဆရာ XiaoZhan ကို ဆွဲထားသလို ဖြစ်နေလို့ အားနာရတာပါပဲ။ အခုလည်း ဆရာ XiaoZhan က ရှေ့ဆုံးကနေ လမ်းရှင်းပေးသွားတာကို မီအောင် မလိုက်နိုင်ဘူး။ ဒါပေမယ့် သူ့ဘေးမှာ အဖြစ်တူ အနက်ရောင် mecha တစ်စီးရှိသေးတော့ နည်းနည်း ဖြေသာရပါတယ်။
