" တောက်! "
မင်းသန့်က စိတ်တိုလွန်းလို့ တက်ခေါက်လိုက်ပြီး ၊ ဆိုင်ကယ်ကိုပါ အားနဲ့ကန်ထည့်လိုက်လေသည် ။
အဂ္ဂသာ မထိန်းထားရင်း ဆိုင်ကယ် အကောင်းစားကြီးက လဲသွားကာ ပျက်ဆီးသွားတော့မှာ ဖြစ်သည် ။
ကန်လိုက်တဲ့လူကတော့ ဂရုမစိုက်စွာ ထွက်သွားလေပြီ ။ အဂ္ဂကတော့ ခပ်လှမ်းလှမ်းရောက်သွားသော မင်းသန့်နောက် ပြေးလိုက်ရပြန်သည် ။
" မင်းသန့် စိတ်လျှော့ပါကွာ "
" ငါ ဘာလို့များ အဲ့လိုကောင်ကို ကြိုက်မိခဲ့ရတာလဲမသိဘူး "
ပြောနေရင်း ပေါက်ကွဲလာပြန်သည်မို့
ရှေ့မှာရှိနေတဲ့ ကျောက်တုံးလေးကို ကန်လိုက်ပြန်သည် ။
" ငါ သတိပေးသားပဲ မင်းကသာ.."
စူးကနဲ ကြည့်လာသော မင်းသန့်ကြောင့် အဂ္ဂတစ်ယောက် ရှေ့ဆက်ပြောရမယ့် စကားတွေတောင် ထစ်ပြီး မေ့သွားသည် ။ ရုတ်တရက်ဆိုသလို မင်းသန့်က သူ့လက်မောင်းကို ကိုက်လာခဲ့သည် ။
" အား..နာတယ် အမေ့..ကယ်ပါ "
အဓိပတိလမ်းက ပလက်ဖောင်းပေါ်မှာ အဂ္ဂရဲ့ အသံသေးအသံကြောင်က ဆူညံစွာ ထွက်ပေါ်လာသည် ။ ဖြတ်သွားဖြတ်လာ ကျောင်းသူ၊ကျောင်းသားတွေက ပြုံးသွားကြသလို ၊ အနီးနားရှိ အပင်ကိုင်းမှာ နားနေသော ငှက်လေးများက ဝေဟင်သို့ ပျံသန်းသွားကြသည်။
" မင်းက ခွေးမို့ ကိုက်ရတာလား ခွေးသားလေးရဲ့ "
" မကျေနပ် ပြန်ကိုက် "
" တော်ပါပြီ... အခု စိတ်ပြေသွားပြီလား "
မင်းသန့်က ခေါင်းငြိမ့်ပြလာသည် ။ အဲ့ကောင်က ရည်းစားနဲ့ပြတ်တိုင်း သူ့လက်မောင်းကိုပဲ ကိုက်ခဲတတ်သည်။
သူ သတိထားနေသည့်ကြားမှပင် အလစ်ချောင်းပြီး ရအောင်အကိုက်ခံလိုက်ရသေးသည် ။
" သေတော့မှာပဲ အား..လား လား "
အဂ္ဂက လက်မောင်းကို ခါရင်း ညီးညူနေသည် ။ တွေးကြည့်မှ ကျွန်တော့်လိုကောင်ကို မေတ္တာမပျက်တာ အဂ္ဂစိုင်းပဲရှိသည် ။ လွှမ်းထက်ကိုကလည်း သူ့အပေါ်ကောင်းတယ်ဆိုပေမယ့် အဂ္ဂစိုင်းကတော့ သူ့အပေါ်ဆို အရာအားလုံးထက် အနွံတာခံပေးသည် ။
YOU ARE READING
Eternal ( ခေတ္တရပ်နား )
RomanceStart - 1.1.2021(Fri) အလိဳလိုက္ေပးၿပီး ခ်စ္ေပးတဲ့ ဦးေလးျဖစ္သူႏွင့္ ဦးေလးတစ္ေယာက္ထဲကိုပဲ မ်က္လံုးထဲထည့္သည့္ တူေလးတို႔ရဲ႕ ႐ုိး႐ုိး႐ွင္း႐ွင္း ဇာတ္အိမ္ေလးျဖစ္သည္။ အလိုလိုက်ပေးပြီး ချစ်ပေးတဲ့ ဦးလေးဖြစ်သူနှင့် ဦးလေးတစ်ယောက်ထဲကိုပဲ မျက်လုံးထဲထည့်သည့် တူလ...
