ကြည့်ကောင်းလွန်းလှသော အရပ်ရှည်ရှည် ယောကျ်ားတစ်ဦးနှင့် လှရက်လွန်းလှသော အမျိုးသမီးတစ်ဦးဟာ မျက်နှာချင်းဆိုင်ထိုင်နေသည့်တိုင် အတွေးတွေကတော့ လွင့်ချင်ရာ လွင့်နေကြသည် ။ ထိုနှစ်ယောက်နှင့် ဆန့်ကျင်စွာ ဆိုင်ထဲရှိ လူများအားလုံးကတော့ ထိုနှစ်ယောက်ထံသာ အာရုံရှိကြလေသည် ။ မသိမသာကြည့်သူများရှိနေသလို ၊ ပေါ်ပေါ်တင်တင် ဗြောင်ကြည့်နေကြသူများလည်း ရှိသေးသည်။
လူတိုင်းက အလှတရားကို သဘောကျနှစ်ခြိုက်ကြခြင်းကြောင့် ထိုကြည့်ကောင်းလွန်းလှသော နှစ်ယောက်ကို ကြည့်နေမိကြခြင်းပင် ဖြစ်သည်။
ပန်မိုးက ကော်ဖီကို တစ်မော့သောက်လိုက်ပြီး အပူချိန်လျော့ကျနေပြီဖြစ်သော နေမင်းကြီးကို ကြည့်နေရင်း ညနေခင်းဆည်းဆာကို အပြည့်အဝခံစားနေလိုက်သည် ။ ထို့နောက် သူ(မ)ရှေ့က ငယ်သူငယ်ချင်းကို ကြည့်လိုက်ရင်း
" ရုတ်တရက်ကြီး ဘာဖြစ်ရပြန်တာလဲ "
" ဒီလိုပါပဲ ငါပြောသလို လုပ်ပေးမှာလား "
ပန်မိုးက တစ်ဖက်သားကို အကဲခတ်ရာမှာ သိပ်ကျွမ်းကျင်သည် ။ အထူးသဖြင့် ငယ်ရွယ်စဥ်ကလေးဘဝကတည်းက သိကျွမ်းခဲ့သည့် သူ(မ) သူငယ်ချင်းကိုဆို ပိုပြီးနားလည်နိုင်ပါသည် ။
" ထက်ကို ကြောင့်လား "
ပြန်မဖြေပဲ ရှေ့က ကော်ဖီခွက်ကို ယူလိုက်ပြီး တစ်ငုံသောက်လိုက်သော သူ(မ) သူငယ်ချင်းကို ကြည့်ရင်း သရော်ပြုံးလေးသာ ပြုံးမိသည် ။
" နင်သူ့ကို အလိုလိုက်ပုံက ငါ့ကိုတောင် မနာလိုစေတာပဲ "
" အဲ့ဒီတော့ ငါပြောတာ နင် သဘောတူလား "
အမှန်တိုင်းပြောရရင် သူ(မ)က သဘောမတူစရာ အကြောင်းမရှိပေ ။ သူ(မ)က ဒီစေ့စပ်ပွဲကို လက်ခံလိုက်တာက မြတ်မင်းက သူ(မ)ကို ကူညီခဲ့ဖူးလို့ဖြစ်သည်။
မြတ်မင်းကလည်း သူ(မ)ကို ချစ်လို့ လက်ခံခဲ့တာ မဟုတ်သလို သူ(မ)ကလည်း မြတ်မင်းအပေါ် ခံစားချက်တွေ ရှိမနေပေ ။
မြတ်မင်းက တွေးကောင်းတွေးပါလိမ့်မည် ၊ တစ်ခြားမိန်းကလေးတွေထက် သူ(မ)ကို လက်ခံလိုက်တာက အကောင်းဆုံးဖြစ်လိမ့်မည် ဟူ၍ ။ ထို့ကြောင့် သူ(မ)မိဘတွေက လမ်းဖောက်သည့်အခါ လက်ခံလိုက်ခြင်းဖြစ်မည် ။ သူ(မ)လက်ခံခဲ့တာကတော့ အချိန်တန်ရင် ဒီလိုစကားမျိုး ကြားရမည်ကို သိခြင်းကြောင့်ပင်ဖြစ်သည် ။ ပြောရရင် ထိုစေ့စပ်ပွဲဖျက်ပေးဖို့လာပြောတာက သူ(မ)ထင်ထားတာထက်ပင် ပိုမြန်နေပါသေးသည်။
أنت تقرأ
Eternal ( ခေတ္တရပ်နား )
عاطفيةStart - 1.1.2021(Fri) အလိဳလိုက္ေပးၿပီး ခ်စ္ေပးတဲ့ ဦးေလးျဖစ္သူႏွင့္ ဦးေလးတစ္ေယာက္ထဲကိုပဲ မ်က္လံုးထဲထည့္သည့္ တူေလးတို႔ရဲ႕ ႐ုိး႐ုိး႐ွင္း႐ွင္း ဇာတ္အိမ္ေလးျဖစ္သည္။ အလိုလိုက်ပေးပြီး ချစ်ပေးတဲ့ ဦးလေးဖြစ်သူနှင့် ဦးလေးတစ်ယောက်ထဲကိုပဲ မျက်လုံးထဲထည့်သည့် တူလ...
