သင်္ကြန် အကျနေ့
အချိန်အားဖြင့် မနက် ၆နာရီ
မနက်ခင်းက ရောင်ခြည်နုနုဖြင့် လန်းဆန်းနေ၏ ။
မိုးနတ်မင်း၏ သိတတ်မှုကို အထူးကျေးဇူးတင်ရှိသည် ။
အဝတ်အစားလဲရင်း အမေဖြစ်သူကို မှာစရာရှိတာ လှမ်းမှာရသည် ။
" အမေ့ သားရဲ့ ကလေးလေးကို ဆီအပြည့်ဖြည့်ထားပေးဖို့ ပြောလိုက်ပါဦး "
" ဟုတ်ပြီ ဟုတ်ပြီ "
" အမေ့ သား မနက်စာ မစားသွားတော့ဘူး ဦးမြတ်မင်း အိမ်မှာ စားတော့မယ် "
" ဟုတ်ပါပြီရှင် "
အမေ့ဖြေသံအဆုံး သူ၏ ပြင်ဆင်မှုလည်း ပြီးဆုံးသွားသည် ။
" ချောလိုက်တဲ့ ငါလေး "
မင်းသန့် တစ်ယောက် မှန်ထဲကြည့်ကာ ကျေနပ်မှုအပေါင်းကို သရဖူဆောင်းထား၏ ။
ဆံပင်တွေကို ခါရမ်းရင်းဖြင့် ဆင်းလာခဲ့ပြီးနောက် ဧည့်ခန်း၌ ဖုန်းပြောနေသော အမေဖြစ်သူရဲ့ ပါးပြင် ကို သူ့ပါးပြင်ဖြင့် ထိကပ်လိုက်ကာ နှုတ်ဆက်လိုက်သည် ။
" Morning "
" ကောင်းကောင်းသွား... ဂရုစိုက် ဘာမှ မဖြစ်ခဲ့စေနဲ့ "
ဖုန်းပြောရင်း အမေက မှာသည် ။
မင်းသန့် ခေါင်းကို တဆတ်ဆတ်ငြိမ့်ပြရင်း သူ့ကလေးလေးဆီ လျှောက်သွားလိုက်သည် ။
ကျောင်းမပြီးခင် ကားမစီးရဘူးဆိုသော အိမ်က ဖခင်ကြီး၏ အမိန့်ကြောင့် ဆိုင်ကယ်ဖြင့်သာ အဂ္ဂတို့အိမ်သို့ သွားရသည် ။
အဂ္ဂတို့အိမ်ရောက်တော့ အဆင်သင့် စောင့်ကြိုနေသော အဂ္ဂစိုင်းဆိုသည့်ကောင် ။
ပိတောက်ပင်အိုကြီးအောက် ဆိုင်ကယ်ရပ်လိုက်ရင်း ရယ်ကျဲကျဲ ဖြင့် လှမ်းစလိုက်သည် ။
" ဖေ့သားက အလန်းပါလား "
သူ့စနောက်မှုကို ဂရုပင်စိုက်ဟန်မတူသူက သူ့ကို ခြေဆုံးခေါင်းဆုံး စိုက်ကြည့်နေသည် ။
" ဘာလို့ ဘောင်းဘီအတို ဝတ်လာတာလဲ သွား ပြန်လဲ "
" အာ မင်းကလည်း ပြန်သွားလဲရင် အချိန်ကြာတယ် "
YOU ARE READING
Eternal ( ခေတ္တရပ်နား )
RomanceStart - 1.1.2021(Fri) အလိဳလိုက္ေပးၿပီး ခ်စ္ေပးတဲ့ ဦးေလးျဖစ္သူႏွင့္ ဦးေလးတစ္ေယာက္ထဲကိုပဲ မ်က္လံုးထဲထည့္သည့္ တူေလးတို႔ရဲ႕ ႐ုိး႐ုိး႐ွင္း႐ွင္း ဇာတ္အိမ္ေလးျဖစ္သည္။ အလိုလိုက်ပေးပြီး ချစ်ပေးတဲ့ ဦးလေးဖြစ်သူနှင့် ဦးလေးတစ်ယောက်ထဲကိုပဲ မျက်လုံးထဲထည့်သည့် တူလ...
