#كسرة قلب
البارت 34
ضحكت عليهه ردت بصوتهه الناعم بس جنه بي نبرة خوف
ذهب "' منوو "'
حجيت بعصبيه
مروان "' ياهلا بااعي تكومين مناا لو تصير موزينه وياج كاعدتلي هنا وحاشره نفسج بنص الشباب شنوو اكعدي بلحديقه او الافضل ابقي بلقسم متدرين شلون كاعدين يفصلون بيج تفصل ويتغزلون بمشيتج ابويه انتي يله كومي "'
اباوعلهه فتحت عيونهه على كبرهن وهنه مكحلات استغفرت ربي شلون تاليتهه وياهه
مروان "' كوومي ما اريد اجي يمج ويشوفونه وتصير عليج حجايه فلهذا صيري حبابه وخوش بنيه وكومي مناا "'
ضلت تتلفت باوعت وراهه ولكدام وعلى اليسار
مروان "' لا تتلفتين شبيج هيج هسه شيكولون عليج هالبنت مسودنه "'
صدت على يمينهه وشافتني اجت عيني بعينهه خزرتهه هي صفنت
مروان "' موو وكت صفنات بابا ادري بنفسي حلوو "'
ردت وصوتهه بي رجفه
ذهب "' انته مو تخرجت شجابك وشعليك بيه "'
مروان "' لا ادرس ماجستير وعليه بيج ونص وغصباً عنج وهسه كدامي تكومين وتدخلين لقسمج وبلا عناد '"
ذهب "' ممكن اعرف ليش "'
مروان "' ولج بنيتي شبيج جنتي فاصله قبل شويه لعد المن صارلي ساعه احجي ولو حقج صفنتي بجمالي احله منج ويلا كومي ولج شهالعناد الشباب كلهه عينهم عليج ويفصلون بيج ودينج اذا ما كمتي اجي اني ليمج واسحلج للقسم "'
سديته منهه واباوع عليهه لمت ملازمهه وشالت جنطتهه وكامت مرت من يمي باوعتلي بضوجه ودخلت
رجعت وكملنه محاضرات
طلعت من الجامعه شفتهه واكفه ومن الحر صايره حمرره
رحت يمهه
مروان "' هااا شو واكفه انتي والربع هناا ضربكم بوري ابو الخط "'
سكتت ودنكت
ضليت واكف يمهه انتظر الشارع فارغ وبنات وحدهن صعبه
وره شويه اجه شاب محفحف ومدكدك وشكله مدري شلونه ابد ما رتاحيتله
..'" اني بدل الحجي اليوم مريض واني اخذكم "'
صديت عليهن كلهن علامات الخوف نرسمت على وجهن وهو حته بيوتهن ميندلهه شلون ياخذهن
مروان "' مشكور ابويه توكل بالله ومابي الحجي الا العافيه ان شاء الله كلمن اهلهه راح يجوهه "'
..'" وانته منو دتحجي هيج "'
مروان '" بااوع مالي خلك تمشي لو شلون اعرفك نيتك موخوش نيه وياهن "'
..'" شنو هو بكيفك الحجي دزني عليهن "'
حجيت
مروان "' ماشي اخذهن "'
