"' مابي شي شبيج ڤيان روحي لـ نور خاف تريدج عايفتهه وحدهه ليش روحي يم بنيتج خويه و اتطمني ماكو شي ان شاء الله "'
بخكنه و قهر "' مروان حباب لا تكلي هيج كلي الحقيقه ليش دا تضم عليه مروان ليش حيان كل هالفتره ما نزل و هو مو من عوايده يبقه هلكد هناك و شنو الحجه اللي تكولهه الي مال تقدم دوامه تره ما تنعقل .... دنكت عليه ودموعي تنزل
بتوسل "' مروان خويه حباب كلي حيان وين "'
فرك وجهه و ضرب على راسه "' حيان بأنذار ومكانه خطر من ذاك اليوم من راح و اجازته بعدهه ما خلصانه علنو الهم انذار لان جماعه مجهوله مهددين الحدود كلهه ولازم يقبضون عليهه و هسه هو بلميناء لكن الادري بي البارحه صاير اشتباكات بيناتهم ومتصديلهم و كامشين قسم منهم بس بعد الباقين و بأي وكت يكدرون يهجمون عليهم لهذا ماخذين حذرهم و حيان قبل يومين دك يطمني اذا ما كدر يتصل بعد ومن قبل ميروح كلي بس وصاني ما اكللكم حته لا يضل بالكم بس من شفت حالتج هيج ماكدرت اخليج بنار و اريدج تدعيله ڤيان لا تصيرين هيج ادعيله يرجعلنه سالم للساعه فونه مغلق "'
كمت من يم مروان واني متدمره نفسياً و عقلياً و كلشي بيه تدمر دخلت للغرفه وكتمت دموعي بلفراش بداخلي هم و قهر اريد اعبر عنهم ما اكدر اريده يرجع ما اكدر بدونه ربي ما اكدر دكيت على فونه و دكيت و دكيت و دكيت وماكوو كله يطلع مغلق كلبي واجعني عليه
كمت توضيت و صليت ركعتين اهداء لوجه الله واهل البيت ( عليهم السلام ) قضاء حوائج لوجه الله وام البنين ( عليها السلام) كملت و سجدت و دموعي نزلت و طلبت منهم يحفظولي حيان من كل شر واذى وين ما مان و وين ما راح يكون و يردو الي سالم ويخلو يرجع الي و لـ نور و لـ ماما و لـ اهله كلهم ما اريد من الدنيا كلشي بس سلامته و ربي يحفظه
رغم كل الحزن و الخوف اللي بيه جنت من اشوف ماما ابتسم حته لا يضل بالهه
مرت يومين و حيام فونه مغلق و اني الليل ما انامه كله اتصل عليه و كالعاده مغلق كل ما تطلع الموضفه مال شوكه و تكول الجهاز مغلق ينمرد كلبي مرد و اكره نفسي وينه هسه هو و شنو حاله بخيرر مو بخير
بعدت هالافكار و طردتهه من بالي و دعيت يكون بخير .... كاعدين بلمطبخ اني و جوري و نواره اللي موتتني يوميه تكلي وين بابا و تأشرلي بأديهه واحير شأكللهه اطلعلهه العاب و اخليهه تلتهي بيهن
كاعدين و سمعنه هوسه صارت بره ماما باوعت عليه وجهه نخطف لونه تخاف من هيج هوسات مروان جان بلاستقبال كام ركض لـ برا و حته رمي صار و نواره ضمت نفسهه بحظني خايفه و جوري هبطت و اني خوفي ما اكدر اوصفه شكوو شصااير يا الله
ضَل فارغ مكانگ سَلف ماترسوه .
ڤيان
وصل صوت الرمي و صار الرجيف ببلاش اني كبل اختل توازني حسيت بدوخه قويه و اذاني صفرت كبل كعدت و رجعت راسي لورا ضغطي صعد مادري نزل ما اعرف شصار بيه من هالهبطه و نواره بحضني تبجي اجتي جوري رادت تاخذهه جلبت بيه اشرتلهه تعوفهه
