#كسرة قلب
صعدت واشرلي اصعد وراهه نومت نواره بفراشهه ورحت يمهه شافتني جتي عليه حضنتني
"' ڤيان والله مو ذنبي حركت كلب اخوي عبالي زينه وتحبه صدك اكثر من مره كتلهه الحب مو جبر وبالغصب الحب بلموده وبلاخلاص ويجي من الله مو بكيف البشر يحب بس هي جانت لاجه ومن حركت كلبي ذيج الايام مدري شصار بيه تسودنت و طولت لساني على حيان وتجاسرت ويا والله اني احبه اخويه و حبيبي هوه وما اتمناله الاذيه والله "'
انكسر كلبي على حجيهه ونقهرت حيل الانسان تجي فترات ميعرف شيسوي بيهه يفقد السيطره على نفسه وعلى كل حواسه بهالفتره يكوم يتصرف خارج عن ارادته يسوي اشياء هوه مو رايد يسويهه ، و لا رايدهه تصير و هالتصرفات اللي بدرت منه كافله وقادره على انو تجرح انسان عزيز عليه ماله ذنب بكل هالشي .. ما اتمنيت بكل حياتك انو تصرفاتك راح تسببله اذى وجرح .. لذالك المفروض على الانسان من تمر بي هالفتره يكون واعي ومدرك تصرفاته وافعاله بده و تركيز وميفقد السيطره على نفسه ويتجنب الكلام الجارح والتصرفات المؤذيه حته لا يجرح شخص عزيز عليه وبالتالي هوه راح ينجرح ويتأذه من يشوف عزيزه متأذي ...
الكلمه مهما كانت صغيره ومتكونه من حروف متجمعه من تجمعهه وتشوفها وتستخرج كلمه المفروض عليك تقيس هالكلمه قبل لا تنطقها اذا كانت كلمه طيبه او غير طيبه لانو لو جهلت معناها و تهورت و نطقتها بوجه انسان عزيز عليك انسان تحبه و قريب عليك راح تكون هالكلمه كافله انو تجرحه وتكسر شي من روحه ومن مشاعره اللي يكنهه اتجاهك
علينا قياس افعالنا وتصرفاتنا واقوالنا وكل شي يبدر منا ويجب ان نكون مدكرين معناه لانه قد يكون جارح او بذيء او بدون معنى او غير لائق بنا و بمكانتنا و بدينناا و بحسن جوهرنا واصالتنا ، او قد يكون كافل بأن يبعد أحبابنا عنا ويجعلهم بعيدون علينا كُل البعد لان الكلمه مهما كانت صغيره بنفس الوقت تكون حاويه على كثير من المعاني .
لحد ما نامت جوريه طلعت رحت انجضعت يم نواره على الفراش بين القلق والتفكير ضليت اتكلب لحد ما نمت
حسيت على نواره تبجي كعدت شفت الساعه ب 3 جاعت يمكن رضعتهه وبدلتلهه ونامت
عطشت دورت على ماي مالكيت ما صعدت اليوم وياي كمت حطيت شالي على راسي حسبت حساب خاف احد كاعد
نزلت شربت ماي البيت مضوي بس باب المطبخ مفتوح طلعت بره ماكو احد هاي منو الفاتحه مشيت عبرت باب المطبخ شفت دخان من الحديقه وكلشي ما مبين
شني هاي شجعت نفسي ومشيت
"' شتسوين هنا "'
متت من الخوف وحته راسي افتر صوت حيان بس منين اجه قصص وروايات عراقية كرار صلاح
"' من انتي مو كدهه وتتراجفين من الظلام شكو تسبعتي وطلعتي ها بويه "'
