كسرة قلبي

94

#الجزء الثاني

ضحكت وكعدت يمهه ناكل و هي تسولفلي وتحجيلي على زمنهم گبل واطباعهم واهلهه وشكد احب السوالف وياهه وبهيج مواضيع حيل احبهه واتمنه الوقت ميخلص وياهه

كملنه وكتله لحيان اريد اطلع عاد همه من بقو فوك بعد ما نزلو طلعت غسلت الاماعين وجهزت ريوك سريع لنور و لجوري ودزيته بأيد مروان الهن لانو كال هستوهن كعدن ريكت نوارتي كالعاده كورنفلكس اللي متاكل غيره الصبح وكفيت المطبخ تنظيف سريع باوعت ع الساعه عبرت 12 صديت حيان كاعد

'" اجهزلهم غده للعمال '"

'" لا هسه مروان يروح يجيب جاهز '"

'" لييش جاهز اني اسوي هنا واجهزه الكم سفري واخذو الهم ياكلو كلشي عدنه هنا '"
'" ڤيان استري على نفسج وكعدي بلا شغل خافي على اللي ببطنج '"

'" حيان ترا الشغل ما يموت ماريد ابقه كاعده اضوج بس اتأكد بعد ما ينزلون '"

'" همه ما ينزلون منا من ورا ينزلون بس اني ماريدج تطلعين وتتعبين '"

'" لا حبيبي ماكو تعب ولا شي '"

حظرت المواد وأذن رحت صليت و حيان هم صلى بعدين رجعت ع المطبخ وحيان يمي كاعد

بين ما اطبخ التهيت ويا بلسوالف '" حيان سولفلي علي عماتك ما شايفتهن كثير وماعرف عنهن '"

'" حبيبي اربعة عمات عندي زينب تعرفيهه عدهه ثلاث اولاد ماعدهه بنات و عمتي ام وسن ماتت الله يرحمهه من زمان وماعدهه بس وسن و عمتي نوارس ام ميار تعرفيهه هاي وعمتي فاطمه هم عدهه اربعة ولد وبنات ثنين حنين و بنين '"

'" چا و سحر شنو موقعهه من الاعراب مو هم بت عمتك '"

'" لا '"

'" چا شنو '"
'" سحر غريبه علينه رجل عمتي غريب وهي تصير بت مرته الثانيه اللي تزوجهه بعد عمتي فاطمه جابت سحر ومن صار عمرهه 3 سنوات امهه ماتت مريضة قلب جانت وعمتي ربتهه '"

'" اهاا الله يرحمهه وهسه سحر شگد عمرهه '"

'" مرحله ثانيه علوم حياتيه '"

'" حلوو '"

ظل صافن عليه بعدين كال '" حبيبي تكملين دراسه '"

صديت عليه متفاجأه '" وين اكمل '"

ابتسم '" ترجعين تكملين جامعه معدلج عالي '"

'" حيان انت مراضي بيه هيج تريدني اكمل '"

خزرني '" شتحجين انتي ڤيان صدك جذب كلت انتي تحبين الدراسه اكيد ومعدلج عالي يأهلج طب وانتي راكنتهه للشهاده واذا لان هسه حامل بعد الحمل عالسنه الجايه تكملين واذا على هاي ماراضي بيه من كل عقلج انتي اني ما راضي بيج اسكتي احسن الج ماشي بويه اني من حبيت روحهه لڤيان لا شهاده ولا شي وليش ما ارضه رافع راسي بيج اتحده وحده عدنه جايبه مثل معدلج چاليش هالحجي هذا مالتج بعد  '"