السلام عليكم اسفه بنات والله صارت عندي ضروف
وهسه نرجع ال نشر
تعررفييين شنو الانسانه الاحبهه ومنتظرهه سنين كثيره تصير مرت اخوي هذا كلبي مات وتكسر الدنيا كلهه طلعت من عيني كرهت الكل عدا امي وجوري ومروان كل العالم كمت ما اطيقهم من اشوفج كبالي ومسجله بأسم ابن عمي واخوي اموت الف موته هذا كلبي يتكسر تدررين شكد صعب من انتي كلبج مكسور بس يوميه يتكسر اكثرر
لج اني حيان اللي محد كدرلي بس عيونج كدرن عليه و صوبني لج عشكتج عشك مو طبيعي ضميتج بـ گلبي جنت اجازتي بلكوه اجرعهه لان ما اتحمل اشوفج وانتي لغيري الزراك المره جان باين بركبتج وحاجتج جوري عليه هذا بيومهه من سمعته متت الف موته تمنيت الله ماخذ روحي ولا صاير بهالموقف ومواجهه لج الاحساس و الوجع الجنت احس بي بخلافج ما اكدر اوصفه ولا اكدر احجي و اعبر عنه بأي طريقه لانه موذي لاذع للنخاع يوصل الالم و الوجع مالته كلبي شاب من القهر ترا مو بس راسي افتهمي يبت الناس بعد گل هذا تردين ابدلج واخذ عليج مره لج اني اتنفسج النفس صرتي الي رويحتي حبيبتي مريتي بنيتي كليبي .... بس الحب مو جبر و غصب وما اكدر اغصبج عليه '"
حجه هالگلمات واني تحت الصدمه عافني وطلع نزلت للكاع كعدت وابجي اني هم احبك والله اني هم والقران اموت عليك
دموعي تنزل و ندك الباب حطيت الشال على راسي و دخل مروان كعد كدامي
'" يعني انتي تحبي وهو يحبج شهمكابر مالتكم لخاطر الله '"
نزلت دموعي "' ڤيان لا تظلمي ليش ما خليتي يفهمج مو كتلج اسمعي يا خيتي ظلمتي و ظلمتي نفسج '"
'" ما كدرت مروان والله ماكدرت بمجرد الفكره ما تحملتهه ومتت قهر '"
كعد يحجي وياي وحجالي السالفه كلهه من اولهه لاخرهه واني مصدومه اسمعه و دموعي تنزل '" يعني هسه حيان رجعلك الشركه '"
'" اي رجعهه بعد ما مات جدي بنفس اليوم حبوبه مرجعه الفلوس لحيان كلهن وما قابل ياخذهن وبعد تدخل من عمامي وحجو ويا كثير ما كدر يردهم ماخذهن وطلع للشركه كبل تفاوض ويه الاشترا الاسهم وطالب مبلغ اكبر يلا يرجعهن ودافعله ورجع الاسهم اللي بأسمي وبأسمه وجابلي اوراق الملكيه ونطاهن الي وكلي ' يخوي تعبك ما راح مال الحلال ميضيع وتعبك رجعلك ' ڤيان خويه حيان ماكو منه وماكو بحنيته وبطيبته حيان دره ابونه واخونه وكلشي بلنسبه النه هو ونريده يرتاح ومنريده يتأذه '"
عافني وطلع واني ميته من القهر شسويت بـ حبيبي اني يا الله ليش هيج ظلمته لييش
ظليت انتظر وانتظر وانتظر لورا اذان المغرب صليت و كملت وهو ماكو رحت لمروان
'" خويه شوكت يجي حيان '"
'" ما اتصور يجي لان طلع لبغداد '"
سمعت هيج ظليت مصفنه بوجهه
ضحك '" اويل الله هسه اخويه تعجبه وحده من بنات بغداد لو البصره ويضربج بوري '"
كعدت يمه '" مروان بنات البصره حلوات '"
