الحلال ميضيع ولابد يرجع بيوم '"
" طايحات كلهن لخاطر عيون ابوي وترابه ومو من عوايدي ارد حجايتك بس وحكك يا حيان وحك الحلفتني لخاطره ما احالله و أواهبه منا ليوم الدين جدك اذانه وماشفنه منه الراحه بيوم وكلنه ندري بس انت تحبهم واحنه نحبهم گحب واحترام لأبوي لا اكثر وهسه اخذ تعبي وشكاي كله ودامه هيج طماع ووصلت بي لهل درجه بعدهه گله يطلع بي تعبيي و سفراتي و روحتي و رجعتي و سهر الليل اللي اسهره ع الرسم والتهندس كله راح من ورا '"
"' اغاتهه وداعتك اغات هالشركتين اسويلك مرواان فدوه يروحن الك هذن الشركتين طزز بيهن يخوي بس لا تتعب نفسك ارتااح '"
حيان
كمت طلعت من غرفة مروان و الحسبات تتلاطم براسي ليش هيج سوه بيش اذينا
رحت للأستقبال صار بوجهي باوعت عليه معقوله جدي هيج طلعت واني مادري جنت هيج مخدوع بيك وما شفت ظاهرك عدل ليش المظاهر دايم تصير خداعه والانسان ينخدع بمظاهر البعض و مشاعرهم المزيفه اللي يظهروهه الك وهمه ماشين وياك على طمع
انتبه عليه گال "' شبيك بويه شصايبك '"
'" سلامتك جدي بس ردت اخذ رايك بشغله '"
"' گول خل نشوف الشغله '"
'" عندي واحد من اصدقائي ابو ميت وتاركله شركات و خير من الله بس هو جان ما محتاجهن ومشغل بيهن غير ناس وجان يحب اهله كثير ويحترمهم و واثق بيهم وشايلهم فوك راسه على ساعه اجه ديتفقد شركاته لكاهن مبيوعات انصدم '"
'" ليش انصدم '"
'" انصدم لان هو الي مسؤول عنهم وهو مو قاصر حته غيره يتحكم بيهم وعليهن وصي ولان الطعنه اجته من اقرب ناسه اللي جان يعتبره بمثابة ابو وبكلشي يحسبله حساب وياخذ رايه ويمشي بحجايته والأكثر اذا انو هالشخص مزور اوراق الشركه كلهه ومزور توقيعه ومسويهن اوراق اصوليه ولو ينعرضن ع اكبر قاضي مبينات اصوليات وما مزورات جدي تدري شيكلي صديقي يكلي الاذاني سوه كلشي من وره ظهري وطعني ونبت خناجر بظهري اللي جنت شاده بي كسره و هو لو جاي وطالبهن مني ما جان عزيتهن عليه و ابصمله بلعشره وانطيهن اله لان روحي ما اعزهه عليه "'
اباوع لجدي ظل يتبلعم و صفن عليه '" حيرني سالفته بس هو گال سلمته هالشخص الغدرني لـ الله وأهل البيت ( عليهم السلام) همه الياخذون حقي منه لان اخذو حك ابوي وحرمو اخوي من مهنته وبدوو تعبه وسهره و هانت العشره عليهم واكلو حقنه '"
'" زين سوه ما بيده شي بعد شي صار و راح خل ينسه و يگمل حياته '"
فركت كصتي "' اي هو هم هيج بس اللي ردت اسئله الك شنو جزائه الياكل حق غيره بظلم و يحرم اهله منه و الاكثر من هذاا حق يتيم جددددي حق يتيمم موو شفقه ولا شي بس هذاا الصدك الحك ليش وادمنه ما تهوه اليحجي الحك شنوو ذنب اخوو اللي تأذه وتعبه كله راح '"
