"' ادخل خويه .. من نتبه عليه استغرب ... خير ان شاء الله شنو راح تلتحق "'
"' مروان اني طالع والميناء هناك انذار متعرضين لتهديد من جهه مجهوله وما ادري شوكت راح ارجع وشوكت راح تفض وما ادري اصلاً راح اكدر ارجع او لا فاللي اريده منك تشد حيلك بعد اخوك امي محتاجتك وما اريد احد يدري بهالشي امي مريضه وماريدهه تتخربط ويضل بالهه وڤيان كذالك بيني وبينك بس هالشي '"
كام حضني "' اسم الله عليك يخوي يومي قبل يومك اتطمن روح وعلي وياك وخلي كلبك بارد اني هنا واخلي امي والكل بعيوني وترجع سالم ان شاء الله بس عود طمنه '"
رحت والتحقنه هناك اربعه وعشرين ساعه بلميناء ويا دوب نكدر ناخذ ساعتين ننام بيهن بليوم مرت ايام واني اتخابر ويه ڤيان بشكل قليل حيل ماريدهه ماريدهه تحس بنبرة التعب اللي تحتلني فأحجي ويه مروان بس اطمنه اخير ايام نكطعت السبكات بلميناء كلياً من بدو يتصدولنه اكثر من مره تصدو و واجهناهم والقينه القبض على قسم منهم بأخير مره من هجمو علينه طوقونه كلنه و أكثر ولدنه نصابو لطن من اجتي قوات النه وتعزيزات طوقوهم وكدرنه نلقي القبض عليهم كلهم الحمدلله وما خلينه هالعمليه مال التهريب تصير
طلعنه من الميناء بأتجاه المقر جنت امشي ولابس قمصله سوده فوك البدله لان برد بلماي نسمات بارده بس احس بشي يأذيني بجهة بطني اليمنه شويه شويه گام يزيد الألم شمرت القمصله باوعت لمكان الوجع لگيته عباره عن دم ألالم صار يشل شلون ما حسيت بي يا الله حطيت أيدي دا ينزف
انتبه عليه ابو صكر واجاني يركض كمشني و سندني عليه '" يول هسه يلا بانت عندك جان صوابك حار وما حاس بلوجع وهسه يالله بان الوجع عدك '"
ما جاوبته مالي حيل
"' ول ياابه حيان دينززف جثير '"
ما كدرت اتحمل الوجع بعد و شاغت روحي من حسيت ابو صكر حط شي ع الجرح و ضغط عليه بقوه حته يوگف النزف ما كدرت امشي بعد حيلي باد و قوتي راحت فقدت و صارت الدنيا ظلام بظلام
كعدت لكيت نفسي بمستشفى وألم عندي شبه قوي كعدت اجه الدكتور فحصني وشاف الجرح و ضمده و دخل ابو صگر
'" يوول حيان صدك جذب نايم صارلك يومين ادحك عليك رايح بسابع نومه طلعت قهر الأيام الفاتت هسع "'
باوعت عليه بطرف عيني وحجيت واني متوجع "' اعووذ بالله منك اعووذ بالله حطيت عينك ع النومه شني انت متكلي حارمني من النومه وين ما روح وراي وحارمني منهه "'
صد على فرات ومحمد ورجع نظره عليه وگال وهو يضحك سأل '" يا نومه قصدك ؟ '"
اباوع عالولد يضحكون وحته اني ظميت الضحكه ماگدر اضحك من الوجع "' خويه اكعد واستجن وخليني كامش لساني تريدني اكعد اقسملك هسه مو وكت هالسوالف هسه ماكدر اكوم واطيح حضك اعذرني بس خل اتعافه واطلع الحيف بيك '"
"' معذوور خيي معذوور لتخاف بعد ما احرمك من النومه ومن ترد لديرتك ما ادك عليك ولا أسأل خاف صدك احرمك منهه '"
