كعد وهو معصب "' شلوون بالله هناك ابو صكر ميخليني انام اخلص منه اجي هنا اريد اتهنه وانتي جايه تكعديني "'
برطمت وضجت من عصبيته "' يعني شلون متاكل احجي وياك وتكلي ابو صكر وكعدتك حته تاكل بس تعيط عليه "'
فرك وجهه و استغفر و سمعته ذكر الله و امير المؤمنين وكام شكد احب هذا الطبع الي بي من يذكر الله شمهما يسوي
دخل للحمام غسل وجهه و طلع نشف وجهه اجه كعد كبال الاكل صد عليه "' مالي نفس اكل تعالي وياي "'
بضوجه كتله "' ما اريد ما اشتهي اني "'
جرني عليه خلاني اصير بحضنه "' اني جنت ما اشتهي بس هسه اشتهيت و اريد اكل "'
طوقني بقوه اريد افك نفسي منه ماكو "' چا ما تاكل ياهو اللازمك "'
باوع على شفتي وضحك وحجه بمكر "' حرت شنو اكل الاكل الكدامي لو اكل هالشفه المورده "'
نصدمت بحجيه شهل جرائه "' اعووذ بالله من الشيطان الرجيم انعل الشيطان ديوسوسلك بهاي الشغلات و ميخليك تاكل "'
رفع حاجبه و ضحك "' شلون اكل وانتي كاعده بحظني و تتحارشين بيه و تلومين الشيطان "'
شهكت "' عزززه هوه ياهو الجر منوو هو دوخر يلا واكل حته لا تكلبهه عليه بعد خل اكووم "'
فلتت نفسي منه و كمت صبيتله عصير ويه الاكل حته يفتح نفسه كمل وشلت الاكل الباقي رجعته
جانت جوري مسويه حلويات فـ صعدتله جان ديكلب بالفون وكفت كباله ذب الفون و باوع عليه "' خير يا طير "'
ابتسمت "' اكو حلويات جوري سوتهن تريد تاكل "'
ضحك بقوه '" شبييك حيان شو تضحك "'
مسح وجهه "' بت الاوادم هوه اني محترك حرك و مشعول جد جدي و تردين توكليني حلويات تشعليني اكثر "'
ضليت مثل الاطرش بلزفه باوعت عليه بعدم فهم "' ليش شبيك مشعول و شعليهن الحلويات "'
كام توجهه للباب عبالي راح يطلع بس فاجئني من قفله تقرب عليه واني متصنمه بمكاني و فاتحه عيوني على كبرهن شيريد ؟
نصدمت من طخت براسي .... لا مو وكتهه هسه دخيلك ربي مو وكتهه هسه خلصني من هالموقف
و هو كلشي ميدري احس نفسي الصخونه صعدت لراسي و صرت جمر احتلتني الرجفه
اخجل يا الله شكله هسه .... اجه حضن خصري و خله راسه على جتفي باسه و صعد لوجهي باس ارنبة خشمي و خله كصته على كصتي همس بحب "' بسج ڤيان ارحميني ترا صبرت بحبج كثير "'
عيوني غرغرت "' اخاف حيان "'
سأل بأستغراب "' ليش خايفه ... مسح على شعري و باس كصتي ... ڤيان ما ضل صبر و داعتج خلص خلص الصبر ... خله ايده على كلبي و على راسي .. بس اريد هذن وياي ويه حيان و يلهجن بحبه هاهيه لا تصعبيهه عليه اول مره راح تدخل حياتي هي انتي و اريدج الي قلباً وقالباً و اكمل حياتي الباقيه كلهه وياج لا تمنعيني "'
