#كسرة قلب
البارت 4
واكف احضر بجنطتي حته ارجع لأهلي بعد ما طولت 10 ايام بعيد عنهم بحكم شغلي ومهنتي سمعت اياد يوجهلي حجي صديت اله وحجيت
"' هاا ولك ابو صكر شبيك اليوم بس تلغي وتطحن سوالف لسه ما طلعت للنجف بعدني "'
اياد "' يوول حياان وحشه الميناء والبصره بدونك هساع لويش ما خليتني بواجبك ونتونس سوه "'
مشيت وحطيت ايدي على جتفه وحجيت
"' اغااتي اني ماردت وياي مو لان ما آحبگ واعزك بالعكس بس اني اريدك هنا بأجازتي تسد غيابي حته اكدر اغمض عيني وكلبي بارد اعرفك شهم واسد الغربيه انته تعرف الشغل بعد خل بعيونك ملح حت لٱ تنام وتغمض وخاصه بليل ترا هالأيام التهريب صاير حاله منتشر لٱ تفلت وحده من ايدك مسؤل على جهه معينه حافظ عليهه كلمن عليه بجهه لٱ تدخل بلباقي "'
اياد "' ول ابوويه لٱ توصي حريص فاهم وعارف كلش زين وماخذ اموري واحتياطاتي واذا ع ليل يكضه بساع وداعتك خويه "'
"' اغااتي ابو صگر الف شكر '"
"' الغالي توكل وكلبك بارد يول بـ 5 الفجر الساعه هم ياله تلحك "'
حاجيته واني اطلع من المقر
"' اودعنااك غالي "'
طلعت كبل بوجهي للنجف مر الطريق حوالي 4 ساعات وصلت
دخلت للبيت باوعت الوجوه مكلوبه
اجتي جوري اختي حضنتني وتبجي مسحت على راسهه وحجيت
"' خيرج خيتي شصاير عليمن تبجين "'
جوري "' حيان احمد مدري شبي اجه مطنكر وكلب البيت وبس يعيط ويصيح يكول كلكم خونه ومتردوني "'
عقجت حواجبي اول مره يسوي هيج حجيت
"' هوبالله شسويتوله هلي هيج انكلب "'
جوري "' حيان والله ما مسويله شي "'
رحت على امي كاعده وتنوح وتلطم بست راسهه وحجيت
"' شصاير حجيه فهميني "'
ام حيان "' يمه حيان راح يروح احمد من ايدي ما اتحمل والله لساته يعيط ويصيح وصية امه هذا بحسبتك حيان ابني الثالث احمد ما اتحمل يروح من ايدي دور خاف صار بي شي لسه ما نزل يمه حيان وليدي شوف اخوك خوما بي شي خوما متأذي طز بلغراض والتكسير اهم شي هوه "'
متدهوره حالة امي ومقهوره على احمد
"' تهدي يمه تهدي هسه اصعدله "'
مشيت من امي صعدت الدرج دخلت لغرفته صايره عباره عن كزاز ما مخلي شي صاحي
شفته كاعد مدد رجليه بلكاع ومرتجي عالفراش ومنزل راسه شافني دخلت حجه
