#الجزء الثاني
ظلت تبجي وتشهك حالتهه مو طبيعيه مبينه مخروعه من شي '" نور شبيج صاير وياج شي '"
'" ڤياان حلمت بأبويه يريد يضربني و مادري وين ماخذني وما اكدر اوخر منه وفراس واكف ليغاد مني و دموعه تنزل وخرت من ابويه دفعته و رحت لفراس كتله ليش هيج انت كال اني زين ومرتاح بس مقهور عليج ما متعود اشوفج هيج وما اخلصج من ايده رحت يمه تقربت عليه كتله اخذني يمك خل اجي جان يدفعني كلي لا روحي لا تجين يمي كتله مو ابوك راح يأذيني گال اگو من يحميج بعدي وراح ... ڤياان راح يجيني راح يجي يلكاني عدكم وياخذني ويرجع ينطيني لواحد من اصدقائه '"
نزلت دموعي وهي تحجي حظنتهه واهون عليهه واني دموعي تنزل وهيه تشاهك مبينه متأذايه '" مياخذج نور مياخذج هي شنوو بكيفه ياخذج احنه هنا يمج وما نخلي ياخذج لو يكرب صوبج حيان و مروان كلهم هنا يحبوج ويحموج منه مو بكيفه ويجي ياخذج '"
وخرني حيان منهه ودنك عليهه كعد يمهه مسح دموعهه '" آفاا علييج والله هاي وحده وياج نوره اني وياج اخوج وانتي هنا ببينه وتخافين لا بويه انتي اخت حيان بحسبة جوري انتي عندي ومعزتج بمعزتهه وخوفي عليهه بنفس خوفي عليج چاا شنوو اني من كتلج اخيتي انتي حسبالج بس حجي لا بويه حيان من يوصل الامر يم خواته نور وجوري تصير الشغله غير اليمسجن بماي امسه بنار وابن امه اليكرب صوبجن واني اشم الهوا وهسه ماريدج تخافين وابوج انسي ولا تخافين منه ابد اني ماريد خواتي يخافن من شي واني موجود ما عاش اليخوفهن ماشي بويه '"
اباوع عليه من يحجي حبيبي شكد حنين صفنت بوجهه من صد عليه وغمزلي يالله حسيت صديت على نور شفتهه ابتسمت واومئت براسهه لحيان
'" چا هسه اني منو '"
ابتسمت وكلتله '" اخويه ربي يحفظك ويچفيك من گل شر ويديمك النه ويخليلك نور وڤيونه وتكوم بلسلامه ان شاء الله '"
ابتسم '" مشكوره خويه ويخليج انتي و جوري ومروان ويحفظكم ويحفظلي امي الغاليه خيمه وتاج على راسي وما يحرمني من شوفتهه وحنانهه '"
'" امين يا رب '"
اجه حيان كعد يمي وظلو يسولفون هو ومروان وجوري ونوره كاعدات كدامي هم يدردشن حسيت بدوخه صابتني رجعت راسي ع التخم وما حسيت بعد ألا على صوت تصوفر فزيت فتحت عيوني ولن حيان شايلني
باوع عليه حيان وصاح بمروان '" حطيت عينك كعدت '"
ضحك مروان '" يمعود نزلهه لا يطك بيك عرك وين نوديك بهل ليل '"
همستله '" حيان نزلني ثگيله عليك '"
'" اكرمينه بسكوتج منيلج ثكيله شخفاتج هاي عوود حامل '"
'" يمعودين الله وكيلكم خجلتوني شايلهه وكاعد تتهامسون ترا ميصير ارحموني '"
صد على مروان وكله '" لك لا تضحك واكرمنه بسكوتك '"
