كسرة قلبي

٦٧

'" اي جاهزه بس خل تجي نورسين "'

بهالوكت دخل حيان وجهه السيف ما يكصه شافني هيج صارت عيونه براسه '" هاي وين هاجه حضرتج '"

نزلت نور شافهه "' ڤيااااان ماكوو طلعه منا افتهمتي '"

ديجي عليه وكف مروان بوجهه "' خوويه عوفهه لخاطر الله البنيه تعبت خليهه ترتاح شلون يعني لا ارحمك ولا اخلي رحمة الله تنزل عليك "'

عاط بي "' مروووان لا تدخل وانت شكو صاف وياهه "'

"' لانهه اخيتي هااي اولاً وعلى حق ثانياً ياخوويه دومنه واكفين ويه الحق احنه ابوي علمنه هيج وما ملزوم اتراجع عنه حقهه هذا واي مره بدالهه تسوي هيج و أكثر خليهه ترتاح و تصفي بالهه و هي ما رايحه لبيت غربه عمامهه هذول "'
باوع عليه صارت عيني بعينه صديت و نزلت دموعي

'" يلا ڤيان خل نتوكل '"

صديت على نور "' يلا نوره '"

هو سمع هيج كام حجه بخشونه '" نور الحسين و نورسين باب البيت ميعتبنه تردين تروحين بطرك نفسج روحي '"

باوعت عليه شهالقساوه باوعلي بنظرات ما عرفت افسرهه تمسكت بنواره وكمشت ايد نورسين

'" بنتي واختي وياي يروحن "'

كام عليه ضغط على ايدي اني عطت من الوجع مروان كامله "' عووف ايدهه يمعوود مجرحه كلهه '"

بأستغراب "' شعدهه مجرحه ليش "'

"' اسئل نفسك من وره الميز والكزاز الطشرته و حظرتك مدري شسويتلهه ولكيناهه واكعه ع الكزاز ونابت بأديهه و رجليهه و شاغت روحهه من الوجع حيان ارحمهه "'

ديرفع الأكمام جريت ايدي "' يلا مروان خل نروح '"

بلحظة غفله جر نواره مني و سحب نورسين و وجه كلامه لمروان "' اخذهه خويه توكلو "' قصص وروايات عراقية كرار صلاح باوعت عليه بتوسل كتله '" حيان لا تسوي هيج و تحرمني منهن بسك ظلم و اذيه ارحمني و اعتقني لخاطر كلمن اله خاطر عندك "'

حجه مروان بعصبيه "' حيااان بسك عاد بنيتك تريدهه اخذهه بس هاي اختهه صديقتهه خلهه تمشي وياهه حرام عليك هيج تحرمهه منهه و شوف حته هيه تريدهه شوف مناشغهه و بجيهه '"

"' اخيتي و بنيتي ميعتبن هالبيت اخر كلام عندي هذا '"

بجت نورسين "' حيان خويه فدوه اريد ڤيان '"

"' لا بعد اخوج لا '"

انتهيت من البجي لحد ما مروان سحبني '" عوفيهن خويه خلهن نارهن تاكل حطبهن اهم شي راحتج "'

"' راحتي يمهن مروان راحتي يمهن لا يحرمني منهن راح يخلي نوارتي يم وسن تأذيهه محد يعرفلهه غيري اني اريدهه بنييتي هااي '"