كسرة قلبي

البارت 85

#الجزء الثاني

ابتسمت يمه فدوه ونذر اروح لهل حنيه عزلهن وراح نزل بعد شاف نورسين واكفه لغاد اشرلهه '" تعالي چا انتي مو اختي اني اريد خواتي من اطلع واجي يتلكني بلباب وياخذن الجايبه الهن '"

ابتسمت وجتي يمهه ونطاهه هداياهه بعدين كلهه '" بعد اخوج ترا البارحه هم جبتلج هديه يم ڤيان اخذيهه لا تغلسهه عليج '"

ضحكت وباوعت عليه '" لا لا نورسين ماغلس اني اصلا جنت ناويه انزلهه الج والله بس نسيت والتهيت بنواره '"

ضحك مروان '" صدكت الفطيره '"
صاحه حيان ونطا هديته باسه مروان '" يديمك النه يحزام الظهر يلحنين '"

'" ويديمك حبيبي ويوم الازفك بيدي '"

كعد مروان وفتح الهديه مالته طلعن خاتم وساعه باوعله حيان '" ترا فضه فضه اصلي لا عبالك '"

ضحك مروان '" عمي ذهب مو فضه دام حيان جابهن '"

حيان يضحك ويه مروان واني شايله نواره اباوع عليهم ومبتسمه ما اسمع الا نواره تبجي وتشاهك ودموعهه ينزلن كعدتهه عالميز واسكت بيهه ماكوو اجاهه حيان يحاجيهه مبرطمه وزعلانه صدت منه وفتحتلي ايدهه رحت شلتهه مسحت دموعهه جان تأشر بأديهه على حيان وكالت وهيه مقهوره واثر البجي بصوتهه '" نو بابا ما جابلي لعابه الي '"

ضحكت وحيان ظل مبهوت عباله شو شبيهه اثاري طلعت غيرانه جي شافت نطا للكل وما نطاهه

'" مو اكلكم هاي لسانهه مو مال بنيه عمرهه 3 سنوات جنيه '" ضحكت ع حجي جوري وصديت عليهه

'"  بابا يحبج ومو دائما يجيبلج العاب وياخذج يشتريلج وينومج يمه ويلعبج ويا شنو نو بابا مو عيب '"
ظلت تباوع عليه وتفرك بعيونهه خايفه لان قسيت نبرتي جرهه حيان مني كعدهه على رجله و وجهه كبال وجهه ظل يباوع عليهه ما حجه ولا كلمه لحد ما هيه بجت من شافته هيج كالتله '" احبك بابا نو لعابه  '"

ظل ساكت هو كامت عليه حظنته باسته بخده '" نو هديه بابا '"

هم ظل ساكت باسته نوبه لاخ كلتله '" بوسه بوسه '"

ضحك مروان '" لتشلع كلبهه حيان طفله خطيه '"

باوع عليهه حيان هيه تباوعله ببرائه حضنهه وباسهه '" لج بويه اني شعندي غيرج اطلع كلب ابن سطعش كلب اذا مجايبلج هديه ولج اطلع واجيب للكل وانساج انتي شلوون؟اني كم نورالحسين كم بنيه عندي '"

ظل حاظنهه ويبوس بيهه بعدين كام طلع جاب هداياهه حطهن يمهه عافتهن وكامت حضنتهه '" نو نو احب بابا ماليد لعابه '"

ضحك مروان '" يا يابه بعد نور الحسين اذا غارت لو بجت على شي اكص ايدي والله توبتوهه '"

ضحكنه اني وحيان وهو ظل يقنع بيهه تاخذ الالعاب وهي تكله نوو شكد عنوديه اخير شي من لانت صدت على حيان سئلت '" تحبني بابا '"