كسرة قلبي

91

#الجزء الثاني

جر الغطا تغطه وحط ايده على عيونه گالعاده رحت يمه حطيت راسي على ايده
'" ها حبيبي شنو ضجت '"

وخر ايده من عيونه وباوعلي مبتسم باس ارنبة خشمي '" لا حبيبي چا ليش اضوج صحتج وصحة البطنج اهم من كلشي '"

ابتسمت وبسته '" فديت حبيبي المتفهم والله '"

'" بدت رحمة الله بويه نامي نامي يالله '"

حظنته و ايده ظلت تمسح على شعري ضليت بين اديه لحد ما ثكل نفسه عرفت بي نام شميت عطره ادماني اليردلي روحي ممزوج بعطر الجگاير رفعت وجهي لوجهه ملامحه تعبانه بس لو ادري شنو المتعبه ومأذي ومخلي هيج مهموم اخ يروحي شوكت ترتاح من المشاكل ويصفه بالك كظيت عمرك متعوب شوكت تعيش براحه

رفعت نفسي بست گصته حضني وصار راسه بركبتي لف اديه علي خصري رفعت ايدي لشعره اشمه والعب بي سمعته بصوت مخنوك گـال '" احبج ڤياني '"

'" واني بعد أحبك يروح ڤيانگ '"

تنهد بحزن '" حيان شبيك اسم الله عليك من الحزن حبيبي '"

'" تعبان ڤيان اطلع من طلابه ومشكله رادهل بلاضرب منهه كلهه تركض عليه وكلهه واكعه براسي '"

'" الله يساعدك حبيبي تنحل وتنكضي وتصير سوالف يا رب '"

وخرت ايدي من شعره دا اعدل غطا كمشهه و رجعهه بست ايده و وخرتهه من ايدي '" لحظه بس اعدل غطاك وغطه نواره السبلت برد الغرفه '"

كعدت و صديت على نوره لكيتهه شامره الغطه يالله راح تسودني ولا تتغطه هالبنيه تعجبت هلكد دمهه حار واني شكبرني و رجفت ع السبلت وهي لا بعز البرد وبعز الحر دافره الغطه غطيتهه و رجعت لحيان عدلت غطا وضحكت '" لا تدفر الغطه انت هم مثل نواره '"

تمددت اجه بحضني حظنته والعب بشعره لحد ما هو غفه واني هم غفيت حسيت على صوته الصبح وهو يخابر فتحت عيوني واتمغط واشوفلك حيان كاب نار من العصبيه كبل فزيت وتعدلت باوعتله الجماره بأيده ياخذ منهه نفس و يزفره و يحجي

'" لا تشبه لك لا تسبه جاي تسب نفسك هسه … احترررك حيان وخلص منكم دينااار تعرف شنو دينار ما انطي فاااهم … حبوبتك جانت منطيته مجال الله يرحمه … ياصبرررررر ايوب ياخوي شسالفتك انت … تراااه ما حرككم الكم بس لو ماتدري السوا بينه …  ع العموم الميت ماتصحله بس الرحمه … منتظررر مو بس اني لا تذبوها عليه تراه جدك المات مو بس جدي الي … ايي دور عليه انت موو ابو السفرات والدول انت هو عمك هم مو بس عمي وجدك ناهبنه نهب وموديهن اله … خويه شبيدي اني  … اهاا اشتعل يومه شودا شوصله لهناك … ايي خووي تراه هو هم مو ذنبه ذنب جدك كل الجره والصار المهم ياهو الراح يتعناله … اي چا هذاهو … ماشي ماشي اودعناگم '"

سده وظل يفرك بكصته من العصبيه ويكرر ثلاث مرات بعصبيه و بصوت عالي

"' يا صبر ايووب يا صبر ايوب يا صبر ايوب … شلون يعني دنيا مابيها راحه حرام الواحد يرتاح بيهه لازم يطلعله فدشي ينغص عليه فرحته '"