#الجزء الثاني
'" يمه لا يشمر بلحجي عليه '"
اباوع حيان صار نار ويفرك بوجهه و مروان يحجي اخير شي وخر ڤيان منه و راحله صاح بي '" لكك منووو ميفتهم هااااا منوو الميفتهم هذاا حك الجزه طلعت ما افتهم واشمر بلحجي '"
وخر منه رجع لمكانه كعد كام مروان جر ايده ديبوسهه نفره حيان خله كصته على رگبة رجله لحيان وگله '" خويه اعذرني بلقران مو قصدي ما تنعاد وما تتكرر اول واخر مره انت مو بس اخوي الجبير انت ابوي ووكفاتك وكفات اخو وابو وحزام ظهر وما تتجازه طول عمرك جبته بشلاع الكلب علمودنه وعلمود نعيش عيشه هنيه ... اعذرني خويه بالقران فقدت ومو بقصدي '"
نزل حيان لمستوى وحظنه باس راسه وگله '" خويه اني شعندي غيركم اريدك تسمي بأسم الله وتكمل حياتك ماريدك تتدمر وتتأذه وتأذينه بأذاك ياخوي انت زلمه حوك ومعدل والبت راحت لدار حقهه المفروض تترحملهه '"
اردف بحزن باين '" اي خويه الله يرحمهه ... بس اني مو مسودن من كلت هيج صدك جايه '"
'" شلون جايه بعد اخوك '"
'" خويه جنت احجي ويه اركان وكال بلنجف احنه زرنه الامير علي ( عليه السلام ) وهسه طالعين لوادي السلام وراجعين لبغداد كتله مرلنه داشوف بتهم سموهه ذهب لانو بعد ما ماتت ذهب بگم شهر جتي للدنيا وسموهه ذهب وهسه عمرهه بعد كم يوم تصير سنه '"
ابتسم حيان '" يهلا بيهم ينورون والله '"
ضحك مروان وصد علي ڤيان '" لتباوعين علينه ست ماكوو حضن حيان لاخوو هسه انتي ما الج مكان ماشي '"
ضحكت وكالتله '" ايي بالعافيه تتهنه الله يحفظكم عيني بارده عليكم '"
ضحك حيان وكله '" الك هسه اي بس طول الوكت حضني الهه بويه '"
'" يحفظكم الله ويوم النشوف جهالگم خوويه ڤيونه گون ضيافه معدله من ايدج انتي والبنات وشتحتاجين اكتبيلي اجيبه '"
'" ماشي خويه تدلل ميحتاج كلشي عدنه هسه نبلش نحضر للغده '"
صد علينه اني وجوري اللي كاعدات ناكل ونباوعلهم '" ما كملتن اكل هوانم '"
ضحكت اني وجوري هم ضحكت وكالتله '" اهوو مو مندمجه ودا اكل واباوع للمشهد الكدامه الصار بينك وبين حيان وبعدهه المداهر وڤيونه البطله دگملو ليش خربته عليه وصحيتني '"
ضحكنه كلنه وبعدهه لملمت اللي بلكاع ومشينه للمطبخ بدينه نحظر و ظلينه لحد ما اذن الظهر رحنه صلينه بعدهه رجعنه نكمل من طبخ للغده وحلا كملنه بقت بس الكيك البارد ڤيان ترتب بي صعدت غسلت من ريحة الطبخ نشفت شعري ومشطته لفيت الشال و نزلت جوه لكيتهم جايين يمكن دخلت للمطبخ لكيت ڤيان تهفي بأيدهه وتاخذ هوه وتزفره
'" خيرج عيني شبيج '"
'" انسمطت والله '"
'" ادخلي للحمام ماكو بعد بس الصب '"
