اومأ براسه و گال '" اي شي بكيفك '"
حيان
بعد ما طلعت كدامي كملت كلامهه وابتسمت
باوعت عليهه "' حضرتج ملازم هنا "'
"' اي نعم محتاج شي '"
"' ما محتاج شي منج رايد المدير بشغله "'
"' هاا چا كوم هسه ادخلك اله "'
'" بويه اني لو اريد ادخل جان شوفتهم باجي و دخلت بس عنده شغل بين ما يكمله ادخل "'
"' يعني هسه متريد شي "'
"' يا صبر ايوب بوويه لخاطر الله وخري من يمي ترا روحي واصله لسابع سمه '"
فتحت عيونهه على گبرهن بعدين صدت و راحت اني شلون عايز من الصبح وجتني هاي ضيكت خلكي
فض شغله دخلتله كمل التوقيع و الختم وطلعت رجعت للمقر واني ببالي حسبات بهالوكت دك مروان بعد السلام و الحجي كتله
"' مروان طلع عمال و اطلع وياهم هد بيت احمد الله يرحمه للگاع '"
"' لييش خويه ترجع تبني بعد يعني '"
'" مرووان اطلع واخذ فلوس من امي و هده للكاع حته الكاع ماريدهه تبقه نفسهه خليه تتنگر كلهه و اريدك بهالوكت بين ما اجي تكعد تهندس خارطه للبناء الجديد و سوي ثلاث مشتملات مفصوله واحد عن الاخ فصل تاام وگلهن خليهن واحد بصف الاخ لا مشتمل فوك مشتمل هو 300 متر مربع يعني يگفي '"
"' ماشي خويه يعني گل واحد 100 متر بس غير افهم الجاي يصير و اللي ببالك '"
'" اجي وافهمك و يصير خير '"
كملت حجي و سديته ويا و جنت ناوي بهالنيه من زمان البيت وقف مسجل مينباع ابد بأعتبار من الملاك الدائم وليش اخلي متروك يتقسم لهل عوائل الجان يروحلهم احمد الفقراء عوائل فقراء حيل ويحتاجون هيج شي ومكانهم الكاعدين بي مينجرح وبلمطر يفيضون وبلصيف يموتون حَـر
فضيت دوامي و رجعت للبيت و تفاهمت ويه مروان وسحبت فلوس من امي و فلوس احمد هم جان ظامهن يمهه وحصته من الشركه كلهن جمعتهن و يگفن لبناء البيت و تأثيثه و يزودن بعد
هالأيام گلهه ابتعدت عن ڤيان بعد تام ما انكر اشتاقيتلهه بگد الكون وگلبي ميت عليهه و اتمنه اخذهه بحضني بس هي الما رادت ورفضت واني قدرت و تفهمت رأيهه و ابتعدت عنهه وما مهتم ابينلهه بس يا حيف اني ما مهتم بيهه اني رب المهتم
و نور اللي متعلقه بيهه و صدك جسدتلهه وصارت الهه ام وشحلاتهه وهي تكبر كدامي و مدبدبه و مدنفشه وتحجي وتخطي و علاقتهه بأمي و بجوري وحسنهه وياهن وحبهن الهه ولڤيان كل هذن الشغلات يخلن حب ڤيان بكلبي يكبر ويكبر اني عندي امي خط احمر والتأمر بي اكوله تم و جنت دوم متردد بسالفة الزواج من وراها اخاف تجي وحده وتعاديهه لان امي فقيره وعلى نياتهه ومن صارت حب عمري ڤياني مريتي وتسجلت بأسمي الدنيا ما وسعتني بوكتهه لان زينه ويه وعلاقتهه حلوه ويه أهلي والاكثر الحبيتهه سنين وتمنيتهه صارت ألي
