جاوبته بأستغراب "' شسلم حيان على منو ع المقبره "'
"' اي گولي السلام عليكم يا أهل القبور "'
كلتهه و شفنه مروان جان هناك ما رضه يروح ويانه ظل مشينه احنه وصلنه للكبور دنك حيان بصعوبه على گبر ابو مسح عليه و حاجا وقرينه الفاتحه و ماما و جوري ظلن جرني حيان وگفنه كبال گبر احمد دمعت عيوني اباوع على حيان تدهورت حالته عصر راسه بقـوه و غمض عيونه و كال "' اخ يا فراك الاخو و الأبو يكسر الظهر "'
قريتله الفاتحه و نزلت دموعي اباوع حيان نزل كعد يم كبره و يعدل بالورد الحاطه و يشعل بخور توجه و گام مشه و اني مشيت ورا وگف گبال گبر و اشرلي اروح يمه رحت يمه و قريت الأسف لو نهد حيلي و دموعي نزلت بقوه ابوي دنكت عليه و دموعي تنزل على گبره ' اخ بويه فراكك هد حيلي و اخذ من عمري عمر اشتاقيتلك والله بويه من رحت راح كلشي اذوني و وسام اذاني بويه اخويه ما احتواني و اذاني بويه صح تعبت و تأذيت ونقهرت و نظلمت بس الله عوضني بـ نواره و حيـان ... رفعت راسي اله مبتسمه ... بويه حيان يحبني و يخاف عليه وما راح يأذيني اتطمن يروح بنيتك اني بخير و ذكراك بعدهه بكلبي ما انساك للموت ابويه و روحي انت و اني زينه وحيان ما راح يأذيني لو يعوفني ويبقه وياي مو حيان "'
رفعت راسي اله ابتسم "' للموت ماعوفج وياج للتالي "'
ضليت يم كبر ابوي ابجي و دموعي من كيفهه تنزل صعب ثعب هالمنظر اشوف ابويه نظر عيني جوه التراب
لحد ما حيان سحبني قريتله الفاتحه وكمنه رجعنه لجوري و ماما هم جانن يبجن يم گبر عمو و احمد و بعدهه مشينه نزلنه شفنه مروان وكف يمه حيان و سأله على بنيه صديت عليهه نقهرت على حالتهه حيل تبجي ومغطيه وجهه و صوت شهكاتهه مسموع و رجال جبير يمهه يعقم بلجروح اللي بأديهه
من سعت مروان حجه على سالفتهه انقهرت عليهه حيل اني مجرد ما شفت منظر الكبور نرعبت شلون عاد هيه عاشت هل يومين هنا بينهن ليلهه شلون كضته
من حجه حيان لا ارادي ابتسمت يا سعادة حضي واني مرت حيان منو مثله افتخرت بي حيل على اخلاقه الحلوه و انسانيته هالموقف مو ياهو الجان يسوي
همستلي جوري "' يمه فدوه راح نصير تلاث بنات بلبيت الثلاثي المرح بس خاف يهجون من عدنه "' صديتلهه و ابتسمت على تفكيرهه
راحت ماما للبت كشفت على وجهه من شفتهه انصدمت و باد حيلي نور ايي ايي هاي نور نورسين صديقتي اخيتي نزلت دموعي هاي شصاير بيهه شنو هالأثار مال ضرب بوجهه حجه وياي حيان بس ما سمعت كلشي عفته و مشيت عليهه رحت دنكت يمهه شافتني نصدمت كمشت ايدهه وحطيت ايدي على وجهه "' نور اخيتي هاي شصاير بيج "'
دفعتني "' وخري عفتوني كلكم عفتووني ويه ابويه الظالم الما يخاف الله اللي باعني "'
بجيت بقوه '" ما عفتج والله عبالي زينه حبوبه و فراس مو وياج "'
عاطت و دموعهه تنزل و تحجي بحركه "' ووووينه فراااس وينه راح وعافني يم الما يخافون الله هذااك ووين سوده عليه صارله سنه و شهرررين من راح شهيد اخويه سندي استشهد و راح وعافني يم المايخاف وراحت ويا حياتي و ضحكتي خلاني ويه اب ظالم عذبني بضربه بوحشيته تاليهه طرد حبوبه وخلاهه تروح لعمو واني باعني و مدرري وين صارر ياا زينه لخاطر الله رووحي مني "'
