#كسرة قلب
البارت 2
نور "' تره تخبلت لٱ تنصدمين اذا شفيتيني باجر متخبله ويجوز احجيج مَـرّھٌ بنعومه حجي مَـرّھٌ ومره احجيج بخشونه حجي رجال ترا طبكن عندي الحار والبارد لٱ تلوميني "'
ضحكت ورديت
"' لٱ صدك جذب حقج تتسودنين لسه ما شفتي شي عيوني انتي ارجعي وافتحي الكتاب وشوفي الخمس فصول شلونهن وانصدمي وهااا اذكرج تحضير احياء يومي ورياضيات وقواعد ومدرسة الفيزياء هم كالت جيبو يعني خووش صدمه حته أذا جيتي شعرج منكوش وبلا حجاب ما ألومج "'
شهكت وخلت ايدهه على حلكهه وحجت
نور "' جانت عايزه التمت الرحمه الهي ارحمني يا ذا الجلال والاكرام برحمتك استغيث "'
ضحكت عليهه ودخلنه للصف كعدت بلرحله وضلينه ندرس لحد ما دك الجرص معلن عن انتهاء الدوام
ضميت كتبي بلجنطه وشلتهه ومشينه اني ونور اول ما طلعت الشمس صكعتني يمه الحرر طلعنه من المدرسه نور بصفي دغتني ( ضربتني ) بأيدي كتلهه
"' اذيتيني نور شبيج "'
نور "' يمعوده شووفي الله شخالق وشمبدع بخلقه طبعه هالرجال صارله من اول ما دخلت الاعداديه اشوفه ع نفس الوكفه مرتجي على سيارته يتردد ويوكف معقوله عنده اخت هنا يختفي يجي سبوع اكثر دور يرجع "'
ضجت حجيت
"' واحنه شعلينه بي نور والله عندج سوالف اني بيا حال وانتي بيا حال لسه قبل شوي جنتي تدكين وتلطمين دور هسه باوعين وتضحكين "'
كفختني على ايدي بخفه وحجت بأستغراب
"' يااا ولج شلون فاتتني هالشغله خاف معجب بيج '"
"' خااايبه ما تسكتين انَـتي نواره سوالفج عتيكه "'
نور "' ليش يمه شناقصج تخبلين على حجي بيبيتي عــيونجُ بحلق (كبيره) عيون بزون ( قطه) خشمج لوزه وحلكج كرز خوب حواجبج تجنن
من تشوفهن بيبي بعدهه تحاجيني وتضوج مِڼـّي من اعاندهه دور تكلي لحواجب ڤيان متجين من الله مرسومات "'
ضحكت نور واني ابتسمت ودنكت اتفادى الابتسامه بلشارع كلتلهه
"' فدوه اروحلهه طيبه ولج كافي حجي وضحك بلشارع عيب شيكولون علينه العالم "'
نور "' لٱ صدك ڤيان انتي حلوه على خاله جمالج كردي اصيل صح بلنجف حلوات بس مبينات بنات النجف انتي صح عمو اصله من النجف وعايش هنا بس ما ماخذه منه كلج خاله وجمالهه يعني من اباوع لعيونج اشوف شمس الله بلونهه خشمج صغيرون حلوو وحلكج هم صغير وحلوو بشرتج حنطاويه يعني لٱ قصيره ولا طويله جسمج مرتب وناعمه "'
التفتت عليهه بصدمه فصلتني بلشارع متطي مفكه احاجيهه حاجيتهه
"' ولج نور حبيبه فصلتيني واحنه بلشارع ماشين عيب "'
