كسرة قلب
البارت 7
رنده "' ولج وانتي شعليج دور بس انتي اتسلطتي عليه يمج عليج اني "'
"' تراا هااي ماصايره شويه حسي خاله الشغل كله عليه دور بس تحجون وتكفخون كااافي ابوي وامي عليه بس سوي اكل وشغل الج ولرجلج ولزعاطيط مالتج
رنده "' يااااا بااوع وسام شوو هااي اختك متفرعنه وكايمه ترادد خاف خاله ببالهه شي ولاكيتلهه لكوه زينه وتريد تهج مناا "'
صرت نارر وحجيت
"' عييب عليج هيج تهمين باعرااض النااس ولو هذا شغلج بس خليهه ببالج اني اشرف من الشرف وكلمن يعرف نفسه شلاكي وكلمن يباااوع الناس بعين طبعه خلي ترجيه باذنج هالحجي "'
كملت حجيي واباوع عليهه بأبتسامه
ما حسيت الا بوسام ضربهه راشدي وصااح بيهه
وسام "' امشييي لغرفتج بت الكلب شمهما يكون هاي اختي وعرضي مو انتي التطعنين وتحجين بشرفهه تراني عاارف تلميحاتج "'
مشت ولت لغرفتهه ابتسمت وداخلي جان يتراقص بفررح ردهه والله خوش رده
اباوع عليه كمش راسه بقوه وحجه
وسام "' يلا حبابه سوي شغلج بلا طولة السان وروحي معليج بحجيهه تمضرط بكيفهه "'
"' وسااام ليش هيج تغيرت لييش هيج مو احنه اهلك تغيرت علينه ليش بعد ما جنت انته روح البيت صرت خراب البيت عاملتنه كانك وحش وتنقض علينه بأجرام كأنو احنه اعدائك مو اهلك دورات اشوف الحنيه بعينك ودورات اشوفك حاقد وكاره كله منهه اني ما آگلگ عوفهه لان عندك بنيه و ولد منهه جنهم ورد بس ضبهه ياخيي انته رجال لٱ تمشيك مَـرّھٌ "'
وسام "' جوعان ڤيان كافي حجي سوي اكل وروحي اقري ما اريد شي بس خلي اتزقنب و اولي انطمرر "'
رحت للمطبخ جنت مسويه لحم بعجين وخالته بلمجمده طلعته وحميته وسويت معكرونيه بلبشاميل وصبيت عصير واخذته ع الطاوله حطيت الاكل اله والي باوع عليه وضحك
"' بلعافيه "'
وسام "' يعافيج الله "'
بلشنه اكل كملنه غسلت الاماعين جان بعده كاعد صبيت مي بكلاص ونطيته
شرب نصه والنص الثاني بداااا عليه كله
شهكت جان المي باارد
"' لاااا وسام "'
باوعت عليه خربان من الضحك حن لذيج الايام
"' بسيطه تبدي عليه كلاص بااوع عيني بااوع شراح اسووي بيك "'
ركضت ع الثلاجه فتحتهه يا الله مابيها مي بس ثلج كمشت الكلاص الجبير مال وسام مال كولا ترسته مي بارد مجرش ( مُثلج) من البراد
كمشته ورحت وكفت يمه جان ديخابر
