كسرة قلبي

81

#الجزء الثاني

'" معليج انتي بيها لا تدخلين وياهو سمحلج تشوفين صورها '"

باوعتلي بضوجه و حجت بنبرة قهر '" يااا وشعليه انيي بيهااا شبيك مرووان قابل شسويت هي شفت صورها لا تخاف ما اخرب ببينكم ولا احسدكم ولا اسوي شي الله يحفظكم لبعض '"

نزلت من الفراش وكعدت بالكاع اخذت نفس بقهر كامت دتطلع جريتها من ايدها وكعت كبالي صرخت متوجعه من ايدهه لان وكعت عليهه '" اسفه والله مروان بعد ما اعيدهه واحجي بيهه ولا اشوف صورهه ولا اي شي حباب بسك خليني اطلع '"

بحزم وحده خزرتهه '" اكعدي داكول '"

'" وين تريدني اكعد يمك؟ وانت هسه من العصبيه ردت تركعني بلكلاص واجه بلمرايه ما صوبته زين وناوي تكملهه هسه '"
باوعتلهه صفح '" لج بنتي ولويش اضربج عندي عداوه وياج ترا الزلمه الصدك ما يمد ايده على مره الرجوله ما تنقاس بلضرب واني واخويه مو من شيمنه وطبعنه نضرب مره '"

'" لعد شكو ردت تضربني '"

'" منو راح يضربج جنت عصبي وشمرت الكلاص ومادري اصلا انتي موجوده عبالي طلعتي شمدريني الكلاص راح عالمرايه وطشرهه وانتي متصنمه يمها '"

'" هاهيه ولا يهمك خل اطلع واسفه لانو تدخلت و لعبت بصور حبيبتك وشفتهن بعد ما اكرر هالشي '"

رفعت راسي اجتي عيني بعينهه المليانه دموع '" لتطلعين خل اسولفلج عليها '"

سئلت '" تحبها '"

رجعت راسي عالفراش وتنهدت '" اموت عليها اتنفسها روحي هيه '"

رفعت راسي باوعتلها وكعت دموعها و مسحتهن '" ماشي يلا سولف '"

نورسين

من بعد ما رجعت الصور ع الميز رديت كعدت ع الفراش و الرجفه تسري بجسمي واحس اكو شي يخنكني ودموعي بس تريد تنزل شجنت افكر اني شجنت ابني من احلام بحبي اله كعدت عالفراش و رجيت راسي ع التاج وبلكوا اخذ النفس و ألوم بنفسي وبحظي اللي مافد يوم وكف وياي ' تسرعتي نورسين هو اللي جان يسوي وياج و وكفته كلهه الج بدافع الصداقه بس انتي الصوج كله بيج بنيتي امال واحلام عليه وعبالج بدافع الحب يتعامل وياج وهو اصلا ميحبج ومتعنين اله سي ويحب ذهب استوعبي هالشي وامحي من بالج ومن كلبج ولا تفكرين بي نور انسي غلطتي اتحملي نتيجة غلطج و صلحي هالغلط ' هيج جنت احجي ويه نفسي واحاول استوعب الموقف اللي نحطيت بي ظليت هيج احاسب بنفسي لحد ما رجع دخل
وجان مبين صاير نار وجهه مطعون صح هو بشرته سمره بس مو حيل سمره حنطاوي بس بوكتهه جان وجهه وعيونه مكلوبه لون احمررر من العصبيه راح يفردش بلميز خفت من شفتهه هيج ردت اطلع لا دور يطلع عصبيته بيه تقدمت خطوه وما احس الا عاط بيه اني جنت مخنوكه وكبل اطلقت العنان لدموعي وسمحتلهه بلنزول ومن جرني وضغط على ايدي وجعني حيل وحسيت العظم راح ينكسر ظل يحجي و اخير شي من انتبهه على دموعي وخر مني راح كعد عالفراش ويفرك براسه مسحت دموعي صديت عالميز شفت الصور بمكانهن بس مبين من عصبيته ما شافهن اخذتهن وقدمتهن اله من شافهن كبل اخذهن يتلمس بيهن ويحجي بصوت ناصي صار هادئ بعدهه رجع عصبي سودني هالرجال شبي هيج متقلب مادري