كسرة قلبي

60

نورسين
ضحك بوجهي '" ليش مغطيه وجهج و طالعه تركضين و جنج وحده مسودنه "'

صديت عنه ومشيت واني الخوف يقره عندي مليون ما حسيت الا جرني وطلع نفس الرجال الضربته جاي يركض بأتجاهي متت يا الله شراح يخلصني منه نزلت دموعي كبل اجه عليه وعتني من ايدي ووجه كلامه للرجال

'" شعندك هنا واكف يم مرتي "'

اني دفعته و عطت بوجهه "' منين جيت مررتك منييين "'

اجه رجال جبير وكف يمي واني دموعي تنزل "' بويه ما تعرفي انتي يعني مو رجلج "'

بوسط دموعي جاوبته "' لا عموو والله ماعرفه جاي يتحرش بيه لان ضعت بهل منطقه "'

التمت العالم كلهه عليه و صارت هوسه الهه اول وما الهه تالي اني استغليت هالموقف ومشيت بسرعه و دموعي تنزل دخلت بأفرع و شفت بيوت و حايره وين اني هسه وصلت يم شارع عام ما شايفته بحياتي كعدت ع الرصيف و دموعي تنزل عشره عشره شنو حالي و وين راح تصفه بيه الدنيا ربي رحمتك بيه

كاعده و صافنه بدنياتي و شفت الف صار بحضني نزلت دموعي اكثر رفعت راسي مره باوعت عليه لزمت الالف وكمت حطيته بأيدهه
'" شكراً خاله بس ترا اني مو مگديه "'

"' المن كاعده هنا بنيتي "'

"' تيهت اهلي "'

'" يا يمه وتندليهم "'

"' خاله هاي الكوفه مو "'

"' لا يمه وين الكوفه بعيده بيتكم هناك كومي اوصلج "'

نزلت دموعي وين جايبني ابويه كمشت راسي وين راح اروح المن منو يلفيني رفعت راسي الهه

"' خاله وديني لوادي السلام همه اهلي هناك جنه طالعين سوه بس اني تيهت منهم و دا ارجع للبيت ما حسيت نفسي الا هنا هسه همه هناك دا ينتظروني "'

"' يا يمه شلون تطلعين واهلج مو وياج "'

'" خاله مادري خفت همه دخلو واني طلعت وديني الله يخليج "'

ابتسمتلي و اشرتلي اكوم كمت وياهه اجرت تكسي واخذتني مسافة الطريق وصلنه دا انزل

"' انزل وياج خاف تخافين "'
"' لا خاله شكرا ماكو داعي "'

ابتسمتلي نزلت ومشت سيارتهه دعيت الله يحفظهه بكلبي لان لو ما هيه ماعرف شجان صار يجوز جان لكاني صديت صارت وادي السلام كبالي اخ الله مشيت و رجليه بلكوه حاملتني شلون راح اشوف كبر اخوي دخلت الهه و كبل نزلت دموعي و صدري انقبض من شفت الكبور

لا واحد ولا اثنين ولا ثلاثه كثير كبور وين راح الكه گبرك يخوي كعدت بلكاع ابجي وين ادوره اجاني صوت صديت عليه رجال جبير شافني و اجاني

'" بنيتي شبيج شرايده جايه بهل ليل للمگبره "'

بجيت '" عمو اريد گبر اخوي اريد اشوفه وما اندله تندله انت مو '"