كسرة قلبي

بارت٢٠

#كسرة قلب

البارت 20

فرات "' حكك والله النسووان انتقاام يا جيبلي هاذ يا جيبلي هاذ وتجيبه وتكلك مو نفسه هاذ الردته ليش هيج نوعيه وليش هيج ماركه وهاذا راايح موديله ..

ولا احله شي من تكلهه تردين شي اجيبلج وياي محتاجه تنطيك قائمه شكبرهه شكدهه مليانه طلبات ومن تطلعهه وياك وتكلك ممحتاجه هواي تره بس هذني ..

خااب انتي شبقيتي طيرتي نص راتبي وياووويل الله يساعدنه "'

ضحكنه عليه شلون منفعل

اياد "' خيي شسالفه هساع انت سديت نفسي على الزواج خاف جنت ناوي بطلت "'

ضحك وحجه
فرات "' خااب شلك بالزواج ابقه هيج عزابي طير وطاير لا جهال ولا مسؤليه "'

ضحك

اياد '" الله يعزك خيي اقدم الك شكري على هذي النصيحه "'

فرات "' ولوو بالخدمه اذا تريد اطفشك من الزواج كوول احجي بعد '"

اياد "' لا لا هاهيه مولزوم هساع ذن الاسباب تگفي وتوفي "'

ضحكوو ثنينهم باوع عليه ابو صكر وحجه

اياد "' حياان ترا امك بالهه يمك "'

سمعته وعصبية الامه العربيه صارت عندي كل الاجه ببالي حال امي هسه شلونه من سمعت وهي ضغط وسكر شصار بيهه هسه انمرد كلبي عليهه الجنه مالتي شلونهه هسه مشتاقلهه حييل وشوكي الهه هد حيلي

حجيت بعصبيه

"' ابو صكر اجرم بيك اذا حجيت لامي عن صوابي لك متتحمل مريضه "'

اياد "' لا والله ما حجيت وي احد بس خابرت عليك وكتلهه بلواجب "'
حيان "' كفو مشكور يالاخوو "'

اياد "' الغالي ماكو شكر بين الاخوه "'

حيان "' ونعم الاخو والله "'

اياد "' ترد لديرتك اليوم "'

فرات "' ترا باجر الصبح بـ 10 تعداد من القائد مالتنه وطالب الضباط كلهم التسلمو الواجب مال بارحه وتحرو ولزمو العصابه "'

حيان "' اي لازم اكون موجود وما ارجع هسه لحد ما يطيب الجرح حته لا تشوفه امي ويضل بالهه وتنقهر "'

حـيان

ضلينه نحجي وره شويه طلبت خروج وطلعت من المستشفى ورجعت للفندق ثاني يوم رحنه للضابط وتشكرنه ع الوكفه وانطه للمصابين كلهم اجازه اربعين يوم

مرت تلاث ايام واني بديت اتحسن والجرح يلتأم

رحت للمستشفى وخرت الضماد وعقموهه وكالو ملتأم الجرح وحالته زينه
من طلعت من المستشفى دكيت على مروان

حيان "' هلا خويه شلونك "'

ضحك وحجه

مروان "' والحق يا حيان لو ما سامع صوتك جان كلت هلو حبيبتي "'