#كسرة قلب
البارت 28
صار واستوه الكباب وقسمته هو والمعكرونه وسويت كم نوع من المقبلات وحضرت الطاوله او الميز مال طعام
جوري "' يابه شهالروائح الطيبه "'
ضحكت
"' تعالي دناكل يلا "'
صحت ماما و صاحت حيان وكعدنه ناكل بس اني مدري ليش مو مشتهيه
ام حيان "' عاشت ايدج يمه شهالأكل الطيب "'
"' الف عافيه "'
اكلت معكرونه شويه لان احبهه كلش
كام حيان وحجه
حيان "' الحمدلله دايمه يا رب "'
ام حيان "' يديمك النه ييمه فدوه الطولك "'
حيان "' الغاليه فداج كلبي "'
كملنه وجوري لملمت البيت
قبل مـ ننام طلعت الكيكه وقسمتهه وياهه عصير واكلنه
اسبوع مر وتحسنت بي والتئم التمزق الجان بضلعي حسب حجي الدكتور لانو جان خفيف كلش
واحمد رجع للبيت بس ماله شغله بيه وهذا الريحني
بيوم كاعدين بلمطبخ اني وجوري وماما
ودخل احمد يركض ودخل وراا حيان
ماما خافت وحجت
ام حياان "' شبيكم يمهه شصاير "'
حيان "' لا تسووي البالك احمد وخاااف الله بهاليتيمه استجن شوويه استجن واكعد راحه "'
اني اسمع حجي حيان وصافنه شيريد يسوي اكثر من السوا ذيج المره وشلوون اذاني شهالسوايه اللي مسويهه وهيج ميريدني حيان اعرفهه
احمد "' يااا اخي الا اكولهه يلا ارتااح ما اكدر اضم عليهه "'
همست والخوفه صارت بكلبي
"' شكووو شصاير "'
احمد "' ڤياان امج توفت "'
ڤيان
حجه احمد وطلع حجيه اللي مثل الصاعقه نزلت عليه دمرني هالخبر كل اللي اجه بعقلي انو ديجذب عليه حته يزيد عذابي
رفعت راسي صارت عين حيان بعيني حجيت واني ابتسم
"' جذب موو ديجذب عليه حته يخليني اتأذه موو صح ماما بعدهه عايشه ما ماتت "'
اباوع علي حيان وانتظر منه يكول اي هالحجي جذب
بس فرك كصته وحجه
حيان "' راحت لدار حقهه وهذا قضاء الله وقدره وحكمه ولا اعتراض على حكم الله والموت حق وهم السابقون ونحن اللاحقون البقيه بحياتج صيري قويه وترحميلهه "'
كعدت عالكرسي وحطيت ايدي على راسي اريد استوعب الديحجي يعني خلص هاهيه ماما بعد ماكو صح جانت بعيده عني بس تكفيني انو هيه عايشه وتتنفس
اباوع على ايدي كامت ترجف لشتي كلهه كامت ترجف صعب صعب فقدان الام يكسر الضهر كافيني فقد بابا دور هسه ماما هم راحت وبهيج طريقه اعرف فجأه
