#كسرة قلب
البارت 36
ڤيان
صافنه واسمع بقصة مروان لحد ما كمل
اسمعهه ومبتسمهه على قمة الحب البيهه والجنون والفكاهه بنفس الوقت ضحكت ودعيت الله يديم حبهم ويحفظهم ويجعلهم من نصيب بعض
ضحكت جوري وحجت
جوري "' عيني طلعت رومانسي ومندري احنه "'
مروان "' تسكتين لا اكوم اوكلج عسل "'
جوري "' الله وايدك مشتهيته والله "'
مروان "' لا ابوويه تعرفين العسل الاكووم اوكله الج هسه كلش زين فأسكتي احسن "'
جوري "' شحجيت اني حته توكلني عسل "'
"' مروان يا مرحله هسه انته "'
مروان "' مرحله اولى دكتورا هندسة ميكانيك الجامعه التكنلوجيه "'
"' اهاا حلوه يعني وصلت دكتورا "'
ضحك وحجه
مروان "' الله لا يعود ذيج الايام بلدفرات يلا طلعت من الماجستير ووكعت بي سنه وراحت فلوسك ياصابر خذلت حيان وحيل تأذيت بوكتهه بس هوه من شافني هيج شجعني ورجعلي الواهس بلدراسه ورجع دفعلي ع الماجستير كله علمودي وعلمود ارجع لحياتي ولنفسيتي واتونس بلجامعه
و من شافني بنجرت بي ذيج السنه هالسنه لا شدد عليه حيل بس كفوو منه خلاني اطلع الأول على قسمي بلمرحله الأولى والثانيه هم ومن تخرجت من الخمسه الأوائل طلعت والفضل كله يعود لحيان ومن حسن حضي هالسنه انفتح التقديم عالدكتورا واني من الخمسه الأوائل فمن دون مقدمات دخلت دكتورا ولو جنت مرايد اكمل بس حيان اصر عليه حته بس هاي السنه والوراهه واصير دكتور لو بلتكنلوجيه لو بجماعة النجف وحده من هذن "'
'" اهاا بيهه الخير وذهب هسه يا مرحله وشلونهه يعني خوما مأذيهه "'
مروان "' والنعم بـ الله لا الحمدلله زينه بجال اخوهه رجال وينشد بي الضهر توله خواته وصايرلهن ابو واخو لـ ذهب ولـ فضه ودامه موجود محد يكدر يحاجيهن "'
ابتسمت وحجيت
"' كفوو منه والله لو هيج الأخو لو مينراد هذا بس اليتسمه اخو اليصون اخته ويحبهه ويكون سندهه من يروح الاب مو يأذيهه ويذلهه "'
ابتسم مروان وحجه
مروان "' الله شاهد ڤيونه انتي اختنه وتذكرين بيوم زواجج من بستج من راسج منو يسويهه لمرت اخوو محد يكدر بس اني ما كمت سويتهه لمرت اخووي لا لان ممعتبرج هيج من اول ما عتبتي بيتنه معتبرج اختي الصغيره بحسبت جوري وبست راسج صدكيني مكانتج بكلوبنه جبيره مو مجرد مرت اخو او جنه بهالبيت لا بنية هالبيت انتي "'
ابتسمت وحجيت
"' كفوو منكم خوويه واني بعد احبكم ومعتبرتكم اهلي الله شاهد عليه "'
مروان "' اخووج اني وسندج وما يردج الا لسانج شتردين بس كولي وأمري ويجي ليمج بعد اخوج "'
