#كسرة قلب
البارت 19
وكف القارب صديت دشوفهم ليش وكف ما حسيت الا شي دخل ونهش جتفي من ورا تخدر ما كدرت احركهه لثواني ميزتهه من ضربتهه حربه
بقت معلكه بجتفي صديت وركعته ببوكس للضربني واني بعدني ممباوع بخلقته بس احس جتفي انخلع حركته حركه قويه حته لا يسيطر الالم عليه ويعتلي لركبتي
وجريت الحربه من جتفي واحسه تكطع
باوعت كدامي شفت الجنود كلهم مددين بلقارب وفاقدين الوعي
رحت للضربني ولزمته من ياخة البدله وصحت
"' لككك شسويتلهم *** "'
باوعت بخلقته ستاررر!
باوع عليه ووجهه يصب عرك ومنطط عيونه ويلهث ( يتنفس بقوه) وحجه بصوت ناصي وهو يحرك راسه بخفه عبالك مريض نفسي شكيت بي هالزلمه مسودن
ستار "' خدرتهم لازم تنجح الخطه وتطلع البضاعه للخارج لازم انفذ الامر الاجاني "'
"' لكك منوو امرك "'
ستار "' لازم لازم تتهرب البضاعه وتطلع خارج العراق لاازم '"
"' على كص ركبتي تطلع هالبضاعه "'
كام ديضربي لويته وركعته بلزناد مال مسدس على راسه من وره فقد الوعي وصلت القوات ليمي صعدت ويه غير قارب وطلبت ياخذون الجنود للمستشفى وستار للتوقيف
ناديت لكل الضباط تتمحور وتتجمع عالحدود الرئيسيه ويتقربون تدريجي
اني والقوات نفتر بلميناء بوكتهه السفن كلهه ما خليناهه تطلع من البصره ولا وصلت من الخليج والدول المجاوره العلى طريق الميناء سفن فنتحرك براحتنه
اني والقوات الوياي ايدي كمت ما احس بلألم تخدر
بدت الحركه تتقرب اتجاهي بدت تبين شفتهه قوارب تقريب اربعه نفس القوارب مالتنه واللبس تقربو علينه وحجه واحد منهم
...."' أهلاً سيدي الضابط عمران شلونك "'
صديت عليه وباوعت عليه بطرف عيني وحجيت
"' أهلا بيك حيان وياك مو عمران وما عدنه ضابط اسمه عمران انته منين شو ما شايفك من قبل "'
گام يتأتأ بلحجي وحجه
...."' اسف سيدي اعذرني جديد ملتحق اني "'
"' ما صار شي "'
باوعت عالقوارب وضويت اكثر لان ضلمت الدنيا وركزت شفت بيهه صناديك خشب صغار مصفطه ومركونه بلحافه مال القوارب اربعتهن
خزرته وحجيت
"' شنو هاي الصناديك هو بالله افتحه "'
انخطف لونه وحجه
...."' ها سيدي ميصير تفتحهن هذا امر توجه الي لان بيهن عتاد ومن تحتاجون ويصير الهجوم ويخلص العتاد انطيكم "'
