كسرة قلبي

82

#الجزء الثاني

باوع عليه '" ايي هو اني اريد ارتاح اريد شخص احجيله همومي حته ارتاح '"

سكتت وكمل هو كلامه '" دخلتلهه ويا ريت ما داخل شفتهه نايمه وشال على وجهه سئلت شنو هذا كالتلي تخجل ومتريد احد يشوفهه اني اعترضت وخرته منهه وشفت ذهب الورده اللي جانت مفتحه ويا محلاها  هسه لا ذبلانه ومنتهيه وجهه مورم وكلهه مورمه اديهه ووجهه رايح بياضهه صاير بمكانه زراك وحمار شعر ماكو عيونهه بلكوه فاتحتهن حاجيتهه وجانت بلكوه ترد ونفس بلكوه تاخذ تصوري نور ماتت بين ايدي شهكت شهكة الموت بين ايدي غمضت عينهه للمره الاخير سحبوهه من بين ايدي بوكتهه كدامي نزلوهه للكبر واندفنت كدام عيني نشال تابوتهه زوروهه الأمير علي ( عليه السلام ) من ندفنت واني دفنت روحي وياها وتعذبت بفراكهه حيل بس كلهه وكفت وياي وخلتني بعد اشهر يالله رجعت لحياتي شويه .... فلهذا ماريدج تضوجين اذا عصبت عليج ترا مرات ما اتمالك نفسي ولا تتصورين يجي يوم وأذيج وشتردين اني حاظر وموجود سندج وحزام ظهرج '"

ابتسمت '" ربي يحفظك ويريح بالك ان شاء الله '"

'" ارتاحيت من حجيت وياج اكثر من ما تتصورين '"

'" دوم الراحه يا رب '"
'" غاليه والله '"

'" نورسين اعذريني عالموقف قبل شويه من ناديتج بأسم ذهب صدكي بدون قصدي '"

نعصر كلبي تنهدت ورفعت راسي مبتسمه كتله '" لا عادي ولا يهمك '"

كام من يمي اني مدنكه بعدهه رجع كعد نطاني ورده لونهه وردي ابتسم وكال '" نكدر نكول هاي هديه لقبولج الاعتذار '"

اخذتهه و رفعت راسي مبتسمه '" مشكوور حبيتهه كثير حلوه '"

'" بحلاتج البارحه من طلعنه اني وحيان شفناهن جبت وحده الج وحده لجوري '"

باوع ع الساعه وكام عدل نفسه '" نازل اني نورسين لا تطلعين من الغرفه ظلي بيهه لحد ما يطشن النسوان '"

اعترضت '" ليش اضوج وحدي '"

'" لا بويه ظلي كاعده هنا احسن الج وليش تضوجين فونج بي انترنيت '"

'" اي بي '"
اجه يمي فتح اللابتوب مالته وانطا الي '" بعد شكوو وهذا االلابتوب هم افتحي '"

اومئت براسي وندك الباب فتح طلعت نوره شالهه بوسهه وكلهه '" ملعونه شصعدج شجابج لهنا '"

وهي تكله بطفولتهه حبيبتي مسودنتنه بسوالفهه المعسوله '" هاي جوجو '" قصص وروايات عراقية كرار صلاح
ضحك '" اويلي عليهه تريد تخلص منج تريد تخلص من كمرنه وكيمرنه لا اشو الا اخليج على كلبهه اربعه وعشرين ساعه '"

هي ضحكت وهو كال '" يلا بويه اخذي راحتج '"

وعافني وطلع كمت لميت الكزاز اللي صار ع الكاع كله ونضفت الكاع وكعدت بلغرفه وطاكتني الضوجه